rojane

10:16

Di hejmara Tîrmehê ya rojnameya Newaya Jin de ji krîza ekolojîk heta aboriya Rojhilata Navîn, gelek dosya û analîzên girîng ên li ser têkoşîna jinê cih digirin.

09:20

Di 28’ê Hezîranê de ji aliyê TJA, DBP û Partiya DEM’ê ve li Amedê Qada Îstasyonê mitîngek hat lidarxistin. Jinên ku beşdarî mitîngê bûn daxwaza azadiya fîzîkî ya Abdullah Ocalan kirin û dan xuyakirin ku polîtîkayên xapandinê yên dewletê êdî bi ser nakevin

09:05

Nûnera Rêveberiya Germiyanê ya Karûbarên Jinan û Seroka Rêxistina Şoxê Heyfa Mecîd, diyar kir ku divê çalakvan ji holên girtî derkevin da ku di civakê de hişyariyê zêde bikin û divê çalakvan ji bo jin û mêran li derveyî holan, semîneran li dar bixin.

23:16

Li Wargeha Penaberan a Mexmûrê, bi pêşengiya Meclîsa Jinan a Îştarê, ji bo bîranîna pênc jinên şoreşger bernameyeke taybet a bîranînê hat lidarxistin.

16:21

Xwepêşandanên xwendekarên zanîngeha Azad ên li dijî ezmûnên nîvsala dawî ya ku bi awayek rû bi rû were kirin didomin, xwepêşandan berfire dibin û zêdetirî 30 hezar îmze hatin komkirin.

15:46

Kampanyaya ‘Sêşema na ji darvekirina re’ ku li girtîgehên Îranê didome, kete hefteya xwe ya 127’an. Kampanyayê destnîşan kir ku di meha Gulan û Hezîranê de nêzî 140 kes hatine darvekirin.

15:28

Hêzên ewlehiyê yên Îranê bi ser mala çalakvanên sivîl û girtiyên siyasî yên berê Seba Kurdafxarî û dayîka wê Rahîle Ehmedî de girtin û dest danîn ser amûrên wan ên dîjîtal. her du çalakvan ji bo dozgeriya girtîgeha Evînê hatin bangkirin.

15:11

Saziya Îstatîstîkê ya Tirkiyeyê (TUÎK), eşkere kir ku rêjeya bêkariyê di meha Gulanê de ji bo mêran ji sedî 7.0 û ji bo jinan ji sedî 10.5 hatiye texmînkirin.

14:38

Di civîna ku li Parlemena Fransayê bi beşdariya siyasetmedar, çalakvan û nûnerên partiyên Kurdistanî çêbû de hat gotin ku cezayê darvekirinê amûra xurtkirina zordariyê ye û divê çarenûsa girtiyan nebe qurbaniya hevdîtinên dîplomatîk.

14:27

Rêxistina mafên mirovan hişyariyê dide ku li Sûdanê tundiya zayendî ya girêdayî şer êdî ne bûyerên yekane ne, lê di her pêleke şer de wekî amûrekî dubarebûyî tên bikaranîn.

13:51

Li bajarê Celaqê yê Belûcistanê, kêmasiya navendên tenduristiyê, nebûna dermanxaneyên 24 saetî û kêmasiya bijîşkên pispor, jiyana nexweşan dixe metirsiyê. Welatî diyar dikin ku ji bo nexweşiyên giran tenê bi telefonê biryara sewqkirinê tê dayîn.

12:08

Li navçeya Koyê ya Hewlêrê , 40 xwendekarên ku beşdarî dewreya tenduristî û alîkariya destpêkê bûn, diyar kirin ku tevlîbûna zêde ya jinan a li perwerdê, bûye sedema şanaziyê û dan zanîn amade ne di rewşên awarte de xizmeta civaka xwe bikin.

11:20

Hejmara mirî û birîndarên şerê Îsraîlê li dijî Xeza gihîştiye 246 hezar û 546 kesan, wêraniyên berfireh û êşên mirovî yên giran didomin. Rayedarek NY’yê têkildarî xirabûna rewşa li Xeza û Şerîaya Rojava hişyarî da.

11:07

Li seranserê cîhanê jin hewl didin nûnertiya xwe zêde bikin, li Herêma Kurdistanê jî parlamenterên jin ên dema 6’em zêdetirî 600 roj in li benda rûniştina yekemîn a parlamenê ne.

09:45

Her çiqas nîqaşên li ser bêçekbûnê berdewam dikin jî, ne diyar e ka mafê xweparastina jinan û gelê Kurd dê çawa bê naskirin. Manîfestoya Civaka Demokratîk tekez dike ku mafê xweparastinê mafek bêqusûr û nayê paşxistin e.

08:35

Zeynep Kinaci (Zîlan) di nava têkoşîna azadiya jinan de bûye kesayetek sembol. Jin li pey şopa Zîlanê ku di got: “Ez dixwazim jiyaneke watedar bijîm û bibim xwedî çalakiyek mezin”in.

08:12

Nivîskar Şîlan Ehmed têkildarî pirtûka xwe ya ‘Rêwîtiya Azadiyê’ ku îmze kiriye, diyar kir ku ev pirtûk belgeyek dîrokî ye.

23:10

Li Îran û Rojhilatê Kurdistanê pêlên girtin û tepeserkirinê bêyî rawestandin berdewam dikin. Çalakvana sivîl Rizwane Xanbeygî tevî keça xwe ya zarok sewqî girtîgeha Evînê hat kirin û welatiya bi navê Kazîwe Perwîzniya hat girtin û birin girtîgeha Urmiyê.

22:53

Di doza Gulîstan Doku de derket holê ku delîlên kamerayan û qerta SIM’ê hatine tunekirin. Parêzerê malbatê li dijî 108 wezîfedarên emniyetê û rayedarên bilind serî li dozgeriyê da.

22:30

Rêzeçalakiyên ji bo pêşeng û fedayiya gelê Kurd Zeyneb Kinaci (Zîlan), di salvegera wê ya 30’emîn de bi pêşengtiya Tevgera Jinên Ciwan a Wargeha Penaberan a Mexmûrê berdewam dikin.