tendûristî

08:53

Şermezariya sepandî, baweriyên baviksalar û nebûna zanînê ya derbarê penceşêra memikan de, rê li ber gelek jinên li Kirmaşanê digre ku bighîjin teşhîsa zû û di wextê xwe de serî li xizmetên bijîşkî bidin.

08:26

Ji emeliyatên dil û ortopediyê heta sezeryan û randevûyên rojane, daxwaza dravdanên zêde yên nefermî li Îranê bûye mercê sereke yê dermankirinê; jin û malbatên kêmdahat, ji bo dermankirinê deyn dikin û zêrên xwe difroşin.

08:52

Pispora nexweşiyên memikan Dr. Dawan Hîwa, da zanîn ku Cotmeha Pembe mehek ji bo hişyarkirina li ser xetereyên penceşêra memikan û rêbazên pêşîlêgirtinê ye û diyar kir ku divê jin li hember nexweşiyê xwedî îrade bin û bi rêkûpêk muayeneyên xwe bikin.

09:30

Tevî şer, kêmbûna dermanan û fişara civakî, jinên li Zîvala Xezayê ji bo teşhîsa zû ya penceşêra pêsîrê dengê xwe bilind dikin û piştgiriya hev dikin.

08:50

Li Sûdanê jin piştî şer û pevçûnên ku li herêmê qewimîn, Cotmeha Pembe ya ji bo tesbîtkirina zû ya penceşêra memikan, bi çalakiyan derbas dikin.

08:37

Li Îranê, ji Sibata 2026’an vir ve derzîkirina Rotavîrusê ya pitikan nehatiye belavkirin û tevî sozên fermî yên derbarê dabînkirinê de, gelek pitikan hîn ji derzîkirina yekem sûd negirtine.

08:00

Koordînatora Tibî ya Heyva Sor a Kurd Zehra Ehmed, bal kişand ser girîngiya zêdekirina hişyariya jinan a der barê penceşêra memikan û girîngiya teşhîskirina zû de, bang li jinan kir ku ji bo memikan kontrolên îko û mamografiyê bikin.

12:38

Beşdarên semînera ku li Qamişloyê ji bo meha hişyariya penceşêra memikê (Meha Pembe) hat dayîn bûn, destnîşan kirin ku teşhîsa zû ji bo dermankirinê pir girîng e û banga “bi awayek periyodîk herin kontrolê” li jinan kirin.

09:32

Li Yemenê ji ber şer, xizanî û hilweşîna aboriyê krîzeke xwarinê ya kûr rû dide. Bi milyonan kes û zarok di bin xetereya birçîbûnê de ne û jinên ducanî ji ber kêmbûna xurekê bi tevliheviyên giran re rû bi rû ne.

09:00

Li deverên dûr ên Efganistanê, qedexeyên li ser jinan û kêmbûna pisporan sîstema tenduristiyê dixeniqîne. Nirxandineke kûr li ser rûyê rast ê trajediyên rojane yên dayîk û zarokan li herêmên ku bêdengî lê serdest e.

10:27

Li gorî lêkolînek nû, di mijarên nexweşiyên wekî hev de jin ji mêran kêmtir emeliyat dibin an jî dermanên êşbir ên bihêz bi kar tînin. Ev rewş di tedawiyên tibî de îşaret bi newekheviya zayendî dike.

08:13

Tabûyên der barê dema reglê de, gelek jinan neçar dikin êşên xwe ji malê heta cihê kar li her qadê veşêrin. Ev jin carna heta daxwaza bêhnvedan an alîkariyê ji bo kêmkirina êşên wan gelek zoriyan dikşînîn.

08:54

Tevî şer, koçberî û nebûna alavan keçên li Xezayê xwe dispêrin werzîşa kareteyê, hewl didin perwerdeya xwe di salonên teng an malên wêrankirî de bidomînin. Ew hewl didin li ser asta herêmî û navneteweyî bilîzin.

08:21

Li Yemenê hemşîre û pîrik seatên dirêj, di şert û mercên pîşeyî yên dijwar de dixebitin, ji ber lêçûnên bilind ên jiyan û veguhestinê û kêmbûna derfetên kar ên stabîl, bi dijwariyan re dimînin.

08:00

Bijîşka jinan Merwa Mihemed bal kişand ser bilindbûna rêjeya nexweşiyên jinan û got Sendroma Hêkdankê ya Pirrhormonî û Metabolîk (PMOS) endometriosîs û penceşêra malzarokê di asta pêşîn de ne loma divê jin li guherînên di bedena xwe de baldar bin.

08:00

Fîzyoterapîst Dr. Xunav Yûnis wekî jina yekem ku ev 5 sal in navenda xwe li Rojavayê Kurdistanê vekiriye, ji bo baştirkirina şert û mercên jiyanê û zêdekirina tevgera nexweş û bi taybetî jinan, daxwaza zêdekirina navendên fîzyoterapiyê dike.

08:40

Pisporên cerahiya estetîk ên li Îranê diyar dikin ku ji bo gelek jinan, emeliyatên estetîk û mudaxeleyên bedewiyê, ji tercîha kesane veguheriye çerxek zexta civakî, reklam û xerckirinê. Pispor dibêjin ev çerx heta zarokên 7 salî jî dikişîne nav xwe.

09:17

Pispora Xurekê Naz Hayreddîn balê dikişîne ser girîngiya xwarina tendurist a bi taybetî ji bo jinan û hişyariyê dide ku divê tu kes bêyî şêwirmendiya pisporan dest bi planên parêzê neke.

08:43

Li Bokana Rojhilatê Kurdistanê bi bilindbûna enflasyonê û buhabûna pêdiviyên tenduristiyê re, ji ber qeyranê, xelk neçar e ku êşa giran bikşîne, serî li rêbazên xeternak bide an jî ji neçarî diranên xwe yên sax bide kişandin.

09:01

Aşpêj û pispora xwarinê Wîdad Ferman, piştî serpêhatiya xwe ya bi nexweşiyê re, bû yekemîn kes li Iraqê ku laboratûareke taybet a arê behîv bi navê "Stîla Jiyana Tendurist" ava bike.