rojane

11:35

SOHR diyar kir ku ji destpêka îsal ve bi kêmanî 51 jin û 80 zarok li herêmên cûda yên Sûriyeyê hatine qetilkirin.

11:22

Xelkê Til Temir ji bo bîranîna enfala Helebceyê, 5 deqe rêz hate girtin. Jinên beşdarî rêz girtinê bûne gotin: “Wê li dijî dîktatorên Kurdistanê û qatilê gelê me, serhildan û şoreşên me heta bidestxistina statuyê, bidome.”

11:04

38 sal bi ser kîmyabarana Helebce re derbas bû, îro ji ber nebûna çalakiyek fermî, welatî naxwazin ev bîranîn were ji bîrkirin. Bi beşdariya kampanyaya çandina daran, rexne li desthilatê dikin ku Enfal wek tê xwestin nayê bîranîn.

10:01

Wezareta Tenduristiyê ya Îranê, ragihand ku di êrîşên ji 28’ê Sibatê heta niha de 223 jin û 202 zarokan jiyana xwe ji dest dane. Hate diyarkirin ku di êrîşan de 153 navendên tenduristiyê ziyan dîtine.

09:45

Di şertên şer û qutbûna înternetê de, bi sedan welatî ji ber sûcên sîxuriyê hatine girtin. Hate diyarkirin ku zext zêde bûye, li gelemperî bajaran xalên kontrolê hatine danîn. Amûrên Starlink têne şopandin û kesên ku wan bikar tînin tên girtin.

08:45

Fîlmçêker û çalakvana mafê jinan Mujgan Îlanlo, ligel hevjîn û keça xwe hatin binçav kirin. Hêzên ewlehiyê li ser mala wan de digrin û wan desteser dikin.

08:08

Bi êrîşên nû yên li ser başûrê Lubnanê re, heman dîmen dubare dibin. Karwanên dirêj ên koçberiyê, wesayîdên li pey hev û kesên ku bi westandina li ser çav û rûyê xwe li cihekî bi ewle digerin.

07:49

Cîhan niha dikeve serdemeke nû ya dîrokî. Nîzama siyasî ya ku piştî Şerê Sar (Cold War) hatibû çêkirin, hêdî hêdî tê qelskirin û dîsa hêzên mezin ên cîhanê de jî ji nû ve vedgerin ser sehneya siyaseta navneteweyî.

07:40

Rêveberiya kargeha dirûtinê a jinan ya li bajarê Qamişlo, Arya Mele Xelîl da zanîn ku armanca wan ji vekirina kargehê zindîkirina cil û bergên Kurdî ye.

14:57

MSD'ê di daxuyaniya bi boneya salvegera 15’emîn a şoreşa Sûriyeyê de diyar kir ku pêdivî bi destpêkirina pêvajoyeke siyasî ya demokratîk ku beşdariya hemû welatiyên Sûriyeyê di avakirina siberoja welet de misoger bike heye.

14:35

Çavdêrgeha Mafên Mirovan a Sûriyeyê diyar kir ku di meha Adarê de 30 kes hatine kuştin û di navbera wan de jin û zarok jî hebûne.

14:10

Cenazeyê endamê Desteya Hevserokatiya PYD’ê Salih Muslim, li bajarê wî Kobanê bi merasîmek bi başdariya bi deh hezaran hat definkirin. Siyasetmedara Kurd Leyla Zana got: “Riya hêviyê ya ku Salih Muslim vekir dê riya me ronî bike.”

12:50

Saziyên çand û hunerê di bin dirûşma “Em Newrozê bikin Newroza Azadiya Rêber Apo û yekîtiya demokratîk a Kurdan” bernameya şahiya Newrozê bi daxuyaniyek eşkere kirin.

12:41

Êrîşên di navbera Îsraîl-DYE û Îranê de ev 16 roje didome, ev êrîş belavî erdnîgariyek berfireh bûye. Li bajarên Îranê teqîn tên jiyîn, welatên kendavê û beregehên leşkerî yên li herêmê ketine rewşa alarmê.

11:56

Rohilat Efrîn di çalakiya 8’ê Adarê ya YJK-S’ê de axivî û diyar kir ku HTŞ jinan qebul nake û dê jin têkoşîna xwe ya azadiyê bidomînin.

11:49

Di êrîşa hewayî ya ku Îsraîlê navenda Xezayê malek hedef girt de, 4 Filistîniyên ku du ji wan zarok, yek jin bû, hatin kuştin. Bi van binpêkirinên rojane peymana agirbestê ya ji Cotmeha borî ve di meriyetê de ye tê binpêkirin.

11:32

Li gorî agahiyan, Amîne Qasimzade û kurê wê yê 15 salî li bajarê Nazirabad ji aliyê hêzên ewlehiyê ve hatine binçavkirin. Ji dema hatin binçavkirin br heta niha sedema girtina wan nayê zanîn.

11:01

Di êrîşên Îsraîl-DYE li dijî Îranê de gelek kesan jiyana xwe ji dest dan. Li bajarê Îlamê zarokek 6 mehî di navde ji heman malbatê 6 kes, li Kirmanşanê jî dayîkek û zaroka xwe ya 2 salî di encama êrîşan de jiyana xwe ji dest dan.

10:54

Piştî êrîşa li nêzî girtîgeha Mehabadê pêkhatî û xwepêşandana girtiya, bi dehan girtî ji bo girtîgeha Navendî ya Urmiyê hatin veguhestin.

10:13

Akademîsyen Ibtîsam Husên tekez kir ku heta mafên jinan di destûrê de tunebin li Sûriyeyê dadwerî û demokrasî çênabe û got ku divê hebûna jinan weke hevkarî di saziyên biryardayînê de were destnîşankirin.