rojane

20:34

Rêxistina Tenduristiyê ya Cîhanê, bîlançoya êrîşên li dijî dibistanên zarokan eşkere kir û ragihand ku di êrişan de 63 jê zarok bi giştî 114 kes hatiye qetilkirin û 35 kes jî birîndar bûne.

20:24

Parêzer Saide Huseynzade, ragihand ku girtiya siyasî Aîda Nejaflu ya nû derbasî Xiristiyanî bûye, bi xeteriya qutkirina mejîpiştre rû bi rû ye û bang kir ku divê ew girtiya siyasî bi awayekî tibî bê derman kirin.

20:05

Faîze Hasanîzad a li Kaşanê dijî, piştî temambûna cezayê xwe, ji Girtîgeha Kaşanê hat berdan.

17:03

Ji Kanûna 2024’an heta destpêka Kanûna 2025’an, Sûriyeyê pêlek binpêkirin û kaosê ya berfireh dît. Ev yek bû sedema mirina jin, zarok û sivîl jî di nav de zêdetirê 11 hezar kesan.

13:44

Hevpeymana Jinan ya Kurdistanê di çarçoveya çalakiyên pêngava 16 rojî de daxuyanî dan û diyar kirin ku qetilkirina jinan bandorek mezin li ewlehiya civakê kiriye û got: “Divê Lezgîn zagona parastina jin û civakê bê sererastkirin.”

13:38

Komîteya Zagrosê bi hevkariya Rêxistina Çandî ya Koye ve panelek li dar xist. Di panelê de rewşa jinên di civakê de û şêweyên herî berbiçav ên tundiyê yên jin pê re rû bi rû dimînin hate nîqaşkirin û balkişandin li ser girîngiya guhertina qanûnan.

12:25

Tora Bijîşkên Sûdan ragihand ku herî kêm 19 jinên ji El Faşer reviyane, li kampên li Debbe ji aliyê endamên Hêzên Piştevaniya Lezgîn (RSF) ve rastî tecawîzê hatine. Torê banga parastina jin û zarokan li Netewên Yekbûyî kir.

12:17

TAJÊ derbarê Konferansa Aştî û Civaka Demokratîk a Navneteweyî ku li Stenbolê hat lidarxistin de daxuyanî da û got: “Serkefetina pêvajoyê wê bibe dawîanîna li fermanan.”

11:36

Girtiya siyasî Parîsa Kemalî Ardakanî ku li Girtîgeha Yezdê tê girtin, greva xwe ya birçîbûnê ya li dijî yekkirina dosyayên wê yên sûc bi dawî kir.

10:47

Li Sûriyeyê, di nava salekê de bi hezaran sivîl hatin qetilkirin, bi sedan jin hatin revandin, jin tevî zext û tarîtiyê li kolan, mala xwe û qadên jiyanê têkoşîna xwe domandin.

10:24

Li gorî bîlançoya tundiyê JINNEWS’ê di meha Mijdarê de li Bakurê Kurdistan û Tirkiyeyê 23 jin û 3 zarok hatin kuştin û 8 jin û 3 zarok jî bi guman jiyana xwe ji dest dan.

10:10

Jin, mêr û zarokan li Parka Maprîsa Ciwanroyê, tovên darên berûyê çandin û balkişandin ser pêwîstiya parastina daristanên Zagrosê.

08:49

Li Helebceyê çend jinan ji bo hişyarkirina jinan a li hemberî jîriya çêkirî, di warê bikaranîna zekaya çêkirî de perwerdeya bikaranîna teknîka wê dan jinan.

08:27

Di demekê de ku şer û pevçûnên berdewam li Sûdanê perwerdehiyê gihandine ber hilweşînê û 14 milyon zarok ji dibistanê bêpar mane de, mamosteyên jin tevî hemû zehmetiyan jî ji bo domandina perwerdehiyê têdikoşin.

07:56

Li Cezayîrê tundiya li dijî jinan ne tenê pirsgirêkek qanûnî ye, pirsgirêkek civakî û çandî ya kûr e jî. Li gorî daneyên “Feminîsid El Cezair”, di sala 2025’an de 37 cînayetên jinan hatin tomarkirin.

07:45

Li gorî zagonên Îranê mafê xwedîkirina zarok heta 7 salî aydî dayîkê ye lê belê di rastiyê de gelek jin ji bo zarokên xwe bibînin, neçar dimînin dest ji mehrê berdin. Çîroka Şîna, Rakiye û Nasîbe nîşan didin ku mafê xwedîkirinê çawa bûye amûra zextê.

07:23

Cîgera Hevserokatiya Daîreya Têkiliyên Derve ya Rêveberiya Xweser Gulîstan Elî têkildarî rewşa Sûriyeyê ya salekî axivî, got “Di bin navê Îslama siyasî de hemû rengên terorê derbasî Sûriyeyê kirin” û anî ziman ku peymana 10’ê Adarê deriyê çareseriyê ye.

22:33

Di 6’emîn Pêşbirka Maratona li Kişê de ku bi beşdarbûna zêdetirî 5 hezar jin û mêran hate li dar xistin û rastî bertekên tund ên rayedarên Îranê hat, du werzişvan hatin girtin.

21:30

UNRWA’yê, ragihand ku li Xezayê di nava zarokan de 508 bûyerên kêmbûna xurekê ya giran hatiye tespît kirin û diyar kir rûxmê agirbestê jî, hejmara kesên jiyana xwe ji dest didin zêde dibe.

20:07

Li peravên Girît di encama qulipîna bota ku koçber dihilgirt de 18 kes ji ber birçîbûn û sermayê jiyana xwe ji dest dan.