hiqûq

08:24

Tûnis di salvegera 70'emîn a Qanûna Rewşa Kesane de di navbera gefên paşvebirina destkeftiyan û berxwedana xurt a civaka sivîl de dileyîze. Li dijî kampanyayên baviksalar, jinên Tûnisî bi rêxistinbûna herêmî û têkoşîna meydanî mafên xwe diparêzin.

12:32

Her çendî li Başûrê Kurdistanê temenê qanûnî yê zewacê 18 salî be jî guhertinên di Qanûna Rewşa Kesane ya Iraqê de ku temen dadixe 9 salî ji bo zarokan xeterên mezin çêdike.

10:10

Derûnînas Rîm El-Xacarî hişyar kir ku tundiya li ser zarokan li Sûriyeyê bûye birîneke kûr a civakî û anî ziman ku bêdengiya civakê û rewakirina tundiyê di bin navê "perwerdeyê" de zarokan ber bi trajediyan ve dibe..

08:25

Li Sûdanê rojnamevanên jin ji ber şopandina rastiyan dibin hedefa polîtîkayên sîstematîk. Tevî binpêkirinên wekî kuştin, binçavkirina kêfî û zextên dîjîtal, rojnamevan têkoşîna xwe ya parastina azadiya ramanê didomînin.

08:45

Analîstên siyasî û aktîvîstên jinan li ser rewşa jinan a di dema biryardana di peymanên li Xezayê de destnîşan dikin “Tevî ku jin di dema şer de di nav komên herî bandordar de bûn, ji biryardanê dûr hatin hiştin.”

10:59

Endama Rêveberiya Yekîtiya Giştî ya Pêşxistina Jinan Betûl Faroq, li ser êrîşên dawî yên zayendî yên ji aliyê hêzên ewlehiyê ve li hember jinan pêk hatin, dibêje ku ev sûcên hovane li navendên binçavkirinê û girtîgehan bûne tiştekî asayî.

08:19

Parêzvanên mafên mirovan diyar kirin ku dîmenên cezayê qamçiyan ê li bajarê Sebha yê Lîbyayê, rûmeta mirovan binpê dike û dibe sedema bertekeke mezin a civakî.

08:32

Vegotinên hemwelatiyên Kirmaşanê, nîşan dide ku hêzên ewlehiyê li bajêr zêde dibin û li kolan û navendên binçavkirinê reftarên biçûkxistin û bûyerên tundî û êrîşa zayendî tên jiyîn.

12:15

Di navbera biryareke dadgeha Spanyayê ya nakok, gotegotên ku li ser medyaya dîjîtal belav dibin û zoriyên civakî û aborî de, bakurê Mexribê şahidiya pêla girseyî ya ber bi bajarê Sebteyê ve kir.

08:29

Nûnerên rêxistin û çavdêrên siyasî li Îraqê destnîşan dikin ku kampanyaya li dijî gendeliyê gihîştiye qonaxeke krîtîk, lê ji bo şikandina vê çerxê û sivikkirina barê giran ê li ser milê jinan, divê serweriya qanûnê bê xurtkirin

09:38

Êşa jinên ku di karên ne ewle de li Tûnisê dixebitin berdewam dike. Jin neçar in ku rojane ji 10 heta 50 kîlometreyan rêwîtiyê bikin da ku bighîjin cihên karê xwe yên li zeviyan an jî tiştên wekî rozmarî û tembûrê ji bo firotanê berhev bikin.

08:39

Li gorî nirxandina Weqfa Îdrakê, tundiya li dijî jinan di nîvê sala 2026’an de bi reng û şêweyên nû zêde bûye û bal tê kişandin ku piraniya tawanan di nava malbatê de û bi destên kesên nêz tên kirin.

13:46

Li Îranê, ji dozên cûda bi giştî 10 sal û rojek cezayê girtîgehê li Hadîse Morvaridî û Merziye Meşhedî ku di xwepêşandananên meha Çileya 2026’an de hatin binçavkirin, birî.

09:01

Endamên berê yên ‘Komîteya Ciwanên Mexrîbê ji bo Piştgiriya Gelê Sûrîyeyê’ piştî zêdetirî 10 salan, dest bi berhevkirin û arşîvkirina belge, wêne û şahidiyên xwepêşandanan kirin.

08:57

Li Yemenê ji sala 2015’an ve nêzî 3 hezar bûyerên binpêkirin û kuştina 72 rojnamevanan hatine belgekirin. Rojnamevanên jin, li herêmên di bin kontrola Hûsiyan de rastî zext, astengî û xeterên mezin tên.

09:44

Ji destpêka krîzê ve, jinên li Sûriyeyê bi dijwarî û astengiyên salên şer û qeyranan re rûbirû man. Vê yekê bandoreke neyînî di warê civakî, aborî û siyasî de li ser wan kir, pêşketin û geşedana di nava civaka Sûriyeyê de asteng kiriye.

09:05

Endama Buroya Rêveber a Yekîtiya Komîteyên Jinan Nehla El-Exiresî destnîşan dike ku di bin siya şer, dagirkerî û parçebûnê de, avakirina tevgereke jinan a hevgirtî, ji bo parastina jinan û xurtkirina rola wan bûye pêwîstiyeke lezgîn.

09:35

Lêpirsîna Sendîkaya Parêzeran a Misrê bi parêzera di bin rahênanê de Luoa Xelef re, nîqaşên germ li ser sînorên desthilatdariya sendîkayê, cudakirina di navbera jiyana taybet û erkên pîşeyî de û rola torên civakî derxistin holê.

08:52

Her çend qanûnên Iraqê ewlehiya civakî û teqawidbûnê ji bo jinên karker berfireh kiriye jî, pirsgirêkên pêkanînê hîn jî rê li ber bi hezaran jinên ku di sektora taybet de dixebitin digirin. Nahêlin ku ew ji mafên xwe sûd werbigirin.

09:30

Li Tûnisê tevî ku Zagona Hejmar 58’an a li dijî tundiyê ket meriyetê jî, hejmara jinên ku hatine kuştin ji 7’an derket 30’î. Kuştina mamoste Merwa ya ji ber redkirina daxwaza zewacê, rûyê tarî yê “tawanên redkirinê” û valahiya sîstema parastinê anî rojevê