rojane

15:15

Zêdetirî 500 kesayetan bi nameyekê bang li serokê Desteya Dadwerî ya Îranê kirin ku cezayê girtîgehê ya li rojnamevan Nilûfer Hamêdî û Îlahe Mihemedî hatî birîn, betal bike.

15:06

Li Endama KJAR’ê Werîşe Muradî û rojanmevan Pexşan Ezîzî ku li girtîgeha Evînê tên girtin ji dosyayayek din li her yek ji wan 6 meh cezayê girtîgehê hate birîn.

14:57

TJA'yê bal kişand ser têkçûna pergala tendirûstiyê û got ku carek din derket holê ku bedana jinê ji alîyê pergala kapîtalîst ve çawa tê îstismarkirin û banga tekoşînê kir.

14:47

DEM Partî derbarê ‘Çeteyên yenîdogan’ de li ber Wezareta Tendirûstiyê ya Tirk daxuyanî da û got: “Hikumeta AKP’ê ji jiyandestdana 12 zarokan û qetilkirina wan berpirse. Wezîrên wê yê tendirûstiyê ji vê qetilîamê berpirse. Divê demildest îstifa bike.”

13:28

Dadgeha Şoreşê ya Îsfehanê 10 sal cezayê girtîgehê û cezayên pare li 10 jinên ji baweriya Behayî birî.

12:25

Hate ragihandin ku serdana bijîjk ya parêzvana mafê jin û girtiya siyasî Hacer Seîdî tê astengkirin û ji tedawiyê bê par tê hiştin.

11:45

Li Amedê di van salên dawî de talana xwezayê ku bi navê lêgerîna petrolê hatî destpêkirin, bi navçeya Pasûrê re berdewam dike. Li navçeyê ji bo riya ku diçe qada sondajê bi hezaran dar hatine birîn gel bi gotina: “Em ê xaka xwe bernedin” bertek nîşan dan.

11:25

Ji sedî 72’ê dengderan beşdarî hilbijartinên giştî ya Parlamentoya Başûrê Kurdistanê bûn. Di dema ku beşdariya herî zêde li Duhokê pêk hat, tê gotin ku ji sedî 30’ê kursiyên parlamentoya nû ji bo jinan hatiye veqetandin.

10:40

TJK-E destnîşan kir ku divê KWKE biryarên ku der barê Îmraliyê de girtine ne piştî salekê, demildest bixe meriyetê û ragihand ku ew ê di 21’ê Cotmehê de dest bi kampanya nameyan bikin.

10:11

Zuleyxa Ebdî li ser zêdebûna estetîkê axivî û diyarkir ku girîng e jin di warê fikrî de xwe bi hêz bikin da ku bikarin li dijî şerê taybet ê ku li dijî jinan tê meşandin rawestin.

09:02

Bi hatina demsala zivistanê re koçberên Xezayê bi karesetekê re rûbirû dimînin. Cîhê ku Îsraîlê bi ewle pênase dike xetek yekser li ser beravê ye û bi bilindbûna pêlên deryayê ango lehiyê dê xeteriyek mezin bi xwe re bîne.

08:24

Çalakvanên jin ên wargeha Mexmûrê yên li dijî tecrîda li ser Rêberê Gelê Kurd Abdullah Ocalan di çalakiyê de ne, wiha gotin: “Em ê heta misogerkirina azadiya fîzîkî ya Rêber Apo têbikoşin. Çi dibe bila bibe em dev ji têkoşîna xwe bernadin.”

19:30

Proseya dengdayînê ya Parlamentoya Başûrê Kurdistanê ku îro saet di 07.00’an de dest pê kiribû, saet di 18.00’an de bi dawî bû.

18:28

Hejmara kesên di êrîşên ku ji 7ê Cotmeha 2023’an vir ve li ser Zîvala Xezayê ji aliyê artêşa Îsraîlê ve hat kirin de jiyana xwe ji dest dan bû 42 hezar û 603.

15:28

Di encama êrişa dewleta Tirk li ser gundê Al Fetsa ta Eyn Îsa de 3 zarokên ku pezê xwe diçêrand hatin qetilkirin.

14:52

Şandeyek ji dîplomasiya Tevgera Azadiya Jinên Êzidî (TAJÊ) serdana Rêxistina Fushet Emal kir û li ser yekitî û têkoşîna jinên Êzidî û Iraqî nîqaş kirin.

14:37

DFG’ê ji bo danişînên rojnameger Dîcle Muftuoglû û Abdurrahman Gok banga tevlibûnê kir û got: “Ya ku tê darizandin rojnamegerî ye. Em banga tevlibûna danişînan dikin.”

14:04

Rojnameger Eleha Muhammed û Nilufer Hamîdî yên ku cara ewil nûçeya qetilkirin û cenazeyê Jîna Amînî çêkirîbûn, ji bo înfaza 5 salan cezayê girtîgehê ya li wan hatiye birin, hatin gazîkirin.

13:24

Rêvebera Meclisa Tenduristiyê ya bajarê Hesekê Cumana Ehmed bal kişand ser girîngiya keşifkirina bi lez a penceşêra pêsîrê û got: “Dê çalakiyên me yên hişyarkirina jinan heta dawiya cotmehê bidomin.”

13:14

Berdevka Meclisa Jinê ya DEM Partiyê Halîde Turkoglû destnîşan kir ku tundiya li dijî jinan ji polîtîkayên tecrîdê qût nîne û got “Li hemberî sûcên tên kirin aştî encax bi rûbirûbûna felsefeya 'Jin jiyana azadî' pêkan e.”