ڕۆژانە

09:46

ژیلا بەنی یەعقوب مەترسی لەسێدارەدانی چەند زیندانییەکی ژن لە زیندانی قەرچەکی وەرامینی  ڕاگەیاند.

09:01

کۆمەڵێک لە پارێزەرانی سەربەخۆی ئێران، لە نامەیەکدا بۆ نەتەوە یەکگرتووەکان و دامەزراوە نێودەوڵەتییەکان، وێڕای ناڕەزایەتی دەربڕین بەرامبەر بە هێرشەکانی چەتە بەکرێگیراوەکانی سەر بە تورکیا دژی کوردەکانی سووریا، خوازیاری وەڵامدانەوەی خێران.

08:27

ئەناهید قەسەبیان، ئەندامی کۆردیناسیۆنی یەکێتی ژنانی ئەرمەنی ڕایگەیاند، لە بونیادنانی سووریای نوێدا پێویستی بە ڕۆڵی ژنان و پاراستنی هەموو ئایین و بیروباوەڕ و ڕێکخراوەکان هەیە، بۆ ئەمەش هاوپەیمانی کۆمەڵایەتی نموونەیە.

08:17

لە تورکیا بەهۆی چارەسەرنەکردنی کێشەی کورد، ئەو بودجەیەی بۆ شەڕ تەرخانکراوە، بووەتە هۆی هەژاری، ئەو ژنانەی ناتوانن تەنانەت سەوزەش لە بازاڕ بکڕن، ڕایانگەیاند، لەگەڵ گۆڕینی حکومەت دۆخی ئابووری باشتر دەبێت.

07:53

ژنان و دانیشتوانی شاری کۆبانێ لە بەرامبەر هێرشەکانی چەتەکانی دەوڵەتی تورکیا و هەڕەشەی هێرشەکانی ڕایانگەیاند، کە ئەوان بە بڕیارداری بۆ پاراستنی خاکی خۆیان تێکۆشان دەکەن.

15:08

ڕەمزیە محەمەد لە ڕۆژئاواوە دەڵێت: فەلسەفەی 'ژن ژیان ئازادی' بووەتە مەشخەڵێک کە ڕێگای ئازادی بۆ ژنان ڕووناک دەکاتەوە، خەدیجە ڕیازی لە مەغریب و ئەحلام ناسر لە سودان سەرنجیان بۆ یەکڕیزی ژنان لە گۆڕەپانی نێودەوڵەتیدا ڕاکێشا.

14:22

وەلاء جومعە ئەفرەنجی، نووسەر و هونەرمەندی غەززەیی، لە هێرشی ئیسرائیل بۆ سەر کامپی نوسەیرات، لە ٢٤ی کانوونی دووەمدا گیانی لەدەستدا.

14:15

نەتەوەیەکگرتووەکان بڵاویکردەوە، لە هەر کاتژمێرێکدا منداڵێکی فەڵەستین لە غەززە دەکوژرێت، تا ئێستا زیاتر لە ٤٤ هەزار کەس لە غەزە کوژراون کە لە ٤٤%ی کوژراوەکان منداڵن.

13:30

زەهرا عەلی کە لە شاری حەلەب دەژی، ڕایگەیاند کە ژنان لە ناوچەکانی ژێر دەسەڵاتی تەحریر شام فشارێکی زۆریان لەسەرەو وتیشی: مافی ژنان مافێکی سروشتییە و هەرچییەک بێت مافی خۆمان دەپارێزین.

13:06

کۆلێرا لە سودان بڵاودەبێتەوە, ژمارەی ئەو کەسانەی بەهۆی لافاوەکەوە زیانیان بەرکەوتووە، بووە بە ٤٨ هەزار و ٥٩٨ کەس ، هەروەها باس لەوە کراوە کە ٢٥٨ کەس گیانیان لەدەستداوە.

13:00

ئەو ژنانەی لە ئامەد لەلایەن پۆلیسەوە توندوتیژییان بەرامبەر کراوە، ڕایانگەیاندووە کە لەلایەن پۆلیسەوە هەڕەشەیان لێکراوەو هەراسان کراون. یەکێک لەو ژنانە بەناوی عەزیزە ئاک سکاڵای تۆمارکردووە.

12:43

ژنانی مەنبج ڕایانگەیاند، شارەکەیان لەلایەن چەتەکانی دەوڵەتی تورکیاوە داگیرکراوە و ئەو چەتانە کردەوەی وەک دزی، تاڵانکردن، ڕفاندن، سووکایەتیکردن و کۆمەڵکوژی ئەنجام دەدەن، هەروەها داواکاری خۆیان بۆڕزگارکردنیان لە لایەن هێزەکانی قەسەدەوە ڕاگەیاند.

11:04

کورتە فیلمی "نامەیەک بۆ خوشکەکەم" کە لەلایەن خوشک و برایەکی ئەفغانییەوە دروستکراوە، پلەی دووەمی فێستیڤاڵی نێودەوڵەتی فیلمی گەنجانی بەدەستهێنا.

10:44

ڕێکخراوی فێمینیستی سۆسیالیستی ژنانی ڕادیکاڵ "ژنانی ڕادیکاڵ"ی ئەمریکا و ئوسترالیا بە پەیامێک پشتگیرییان لە تێکۆشانی ژنان لە باکوور و ڕۆژهەڵاتی سووریا کرد.

10:06

ئاشکرا کرا لە ماوەی ئەمساڵدا ژمارەی کوژراوەکان لە شەڕەکانی جیهاندا گەیشتووەتە زیاتر لە ۲۳۳ هەزار کەس، لە هەر ٨ کەسێك یەكێك لەوانە ڕووبەڕووی هێرشی چەکداری بووە.

09:32

بۆ یادی ڕۆژنامەنووسان جیهان بیلگین و نازم داشتان، کە لە ١٩ی کانوونی دووەمدا، لە هێرشێکی ئاسمانیدا گیانیان لەدەستدا، گەلی تل تەمر بە پێشەنگایەتی ژنان تابوورێکییان بە ناوی ئەو دوو ڕۆژنامەنووسە پێکهێنا.

09:10

ژنانی گەنجی کامپی مەخموور کاردانەوەیان بەرامبەر بە هێرشەکانی دەوڵەتی تورکیا بۆ سەر باکوور و ڕۆژهەڵاتی سووریا دەربڕی و وتیان: وەک گەلی کورد ئەوەی لێمان دەخوازرێت ئەوەیە کە لە هەموو شوێنێکی جیهان و کورستان یەک دەنگ بین و ڕێگری لە هێرشەکان بکەین.

08:56

کژار_ئەورووپا ڕایگەیاند هێرشەکانی سەر ڕۆژئاوا هێرشە بۆ سەر شۆڕشی "ژن، ژیان، ئازادی" و بانگەوازی کرد بۆ پاراستنی دەسکەوتەکانی شۆڕشی ژنان.

08:24

ڕۆژنامەنووسانی باکوور و ڕۆژهەڵاتی سووریا ڕایانگەیاند کە مەبەست لە بەئامانجکردنی ڕۆژنامەنووسان شاردنەوەی دڕندەیی و ڕاستییەکانەو وتیان: خاوەنداری لە ئازایەتی شەهید جیهان و نازم دەکەین.

07:42

ژنانی کورد و عەلەوی و عەرەب ڕایانگەیاند کە سەپاندنی حیجاب لەلایەن تەحریر شامەوە قبوڵ ناکەن و پەیامێکیان دا کە دژایەتی سەپاندن بەسەر ژنانی کورد و عەلەوی و عەرەبدا دەکەن.