ڕۆژانە

15:00

بەهۆی هێرشەکانی سەر کاروانی گرێ سپی، ئینسیاتیڤی گەل لە قامشلۆ و ئەنجومەنی خێزانەکانی شەهیدان لە حەسەکە ڕاگەیەندراویان دەرکرد و پێش خوێندنەوەی ڕاگەیەندراوەکە، سروودی «ئەی ڕەقیب»یان خوێند.

14:15

شیرین عەبادی، چالاکوانی مافی مرۆڤی ئێران و خاوەنی خەڵاتی نۆبڵی ئاشتی ئاشکرای کرد، کە ڕۆژان ئیبراهیمی، وەرزشکاری هونەری جەنگ کەوتۆتە بەر فشاری ئەمنی بۆ هاوکاری لەگەڵ دەزگای هەواڵگری و هەڕەشەی ئەشکەنجەدان کە ئەمەش بووە هۆی ئەوەی هەوڵی خۆکوشتن بدات.

13:21

ئەندامانی کەمپەینی «سێشەممەی نا بۆ لەسێدارەدان» لە هەفتەی ١٤٤ی خۆیاندا جەختیان لە گرنگی یەکگرتوویی گەل بۆ ڕاگرتنی سەرکوتکردن کردەوە و هۆشدارییان لە مەترسیی زیادبوونی لەسێدارەدانی سیاسی و ئەمنی لە زیندانەکانی ئێران دا.

12:35

دوو کچ، کە یەکێکیان منداڵە، لە دارستانی تارنی لە باکووری دارفور، لەلایەن چەکدارانی دەموچاو داپۆشراوەوە تووشی دەستدرێژیی سێکسی بوونەوە؛ ڕووداوێک کە بەرزبوونەوەی توندوتیژیی ڕەگەزی لە سایەی قەیرانی تەندروستی و کەمیی چاودێریی پزیشکیدا دەخاتە ڕوو.

11:59

بەپێی ئەو ئامارانەی بڵاو کراونەتەوە، لە مانگی تشرینی یەکەمدا لە ئێران ٢٣ ژن و پێنج منداڵ کوژراون، دوو ژن بە شێوەیەکی گوماناوی گیانیان لەدەست داوە و دوو ژنیش لەسێدارە دراون، ئەم ئامارانە، ئاستی توندوتیژیی دژی ژنان و منداڵان نیشان دەدەن.

10:35

زیندان جیهانێکە پڕ لە ئازار، بێبەشی و دوورکەوتنەوە لە خێزان؛ ئەزموونی زیندانیانی سیاسی بەشێکی گرنگی مێژووی کۆمەڵگەیە و یادەوەرییەکانیان بەڵگەی خەبات و تاقیکردنەوە سەختەکانی ژیانن.

09:34

لۆریستان دەروێش، ڕۆژنامەنووس ڕوونیکردەوە، کە ڕاگەیاندن لە بونیادنانی هۆشیاریی کۆمەڵگە، پاراستنی ناسنامە و بیرەوەریی گەلان و بەڵگەکردنی ڕاستییە مێژووییەکاندا ڕۆڵێکی بنەڕەتی دەگێڕێت.

09:04

ئەو ژنانەی بەشدارییان لە ڕێوڕەسمی سەر چیای شنگال کرد بەبۆنەی ڕاگەیاندنی پەیوەندیکردنی هێزەکانی یەبەشە-یەژەشە بە هێزە ئەمنییەکانی عێراقەوە، دیارییان کرد کە ئەم هەنگاوە سەرەتایەکە و دەڵێن: ئەمانەوێت بە ئیرادەی خۆمان لەناو هێزەکانی عێراقدا بناسرێین.

20:12

ئیلهام ئەحمەد، سیاسەتمەداری کورد لە ڕۆژئاوای کوردستان دەڵێت: دەتوانین پڕۆسەی ئاشتی بە هەموو جیهاندا بڵاوبکەینەوە بۆ پێکەوەی و ژیانێکی سەقامگیر.

19:43

نوخشە ناسیح، پاریزگاری هەڵەبجە ڕوونکردنەوەیەکی بۆ ڕای گشتی و هاوڵاتیان سەبارەت بە فێستیڤاڵی هەنار بڵاو کردەوەو ئاماژەی بەوەکرد، فێستیڤاڵەکە ڕۆژی ٢٨ی ئەم مانگە، کاتژمێر ١٠ی بەیانی، بەڕووی گەشتیاران و میواناندا دەکرێتەوە و بۆ ماوەی چوار ڕۆژ بەردەوام دەبێت.

16:00

دادستانی گشتی لە پایتەختی ئێران سکاڵای یاسایی لەسەر ڕێکخەرانی پێشانگای هونەری تاران تۆمار کرد و بانگهێشتی دادگایان کرد، ئەمەش دوابەدوای پێشکەشکردنی پێشانگای هونەری و بوونی ژنانی لەبەرنەکردنی حیجابی زۆرەملێ.

15:00

زەینەب محەمەد ساڵح، ڕۆژنامەنووسی سودانی، خەڵاتی نێودەوڵەتی نایت بۆ ساڵی ٢٠٢٦ی وەرگرت بۆ ڕاپۆرتکردن و بەڵگەنامەکردنی پێشێلکارییەکانی مافی مرۆڤ لە دارفور و خەرتوم.

14:19

فەرماندەیی یەبەشە ڕایگەیاند، لەگەڵ حکومەتی عێراق ڕێککەوتووین لەسەر کۆتاییهێنان بە پەیوەندی سەربازیی سەربەخۆی هێزەکانمان و ئەنتێگرەبوونمان لەناو سیستەمی ئەمنی فیدراڵ، پێویستە ڕێککەوتنەکەش بە دەستەبەرکردنی هەموو مافەکانی ئێزدی مسۆگەر بکرێت.

13:41

لە زانکۆی سلێمانی، بە ئامادەبوونی سیاسەتمەدارانی کورد و مامۆستایانی زانکۆ، سیمینارێک بۆ ئیلهام ئەحمەد، سیاسەتمەداری کورد، ڕێکخرا کە تێیدا دواهەمین گۆڕانکارییەکانی ڕۆژئاوای کوردستان و سووریا تاوتوێ دەکرێن.

13:30

پلاتفۆرمی «فەڵەستین لەدایک بوو» بە هاوکاری سەندیکای ڕۆژنامەنووسانی فەڵەستین، پڕۆژەی «ئەرشیفی ژیان»ی دەستپێکرد بۆ گێڕانەوەی چیرۆکی قوربانیانی جەنگی غەززە لە زمانی بنەماڵەکانیانەوە و پاراستنی یادەوەری و خەونەکانیان لە لەبیرچوونەوە.

12:46

ڕێکخراوی ئیتلاعاتی سپای پاسدارانی ئێران لە حاڵێکدا بە نهێنی تەواو لە دەوری ناسنامەکانیان و هەلومەرجی یاسایی دەستبەسەرکردنیان، دەستگیرکردنی هاوڵاتییانی لە پارێزگای هورمزجان ڕاگەیاند.

11:00

ڕێکخراوی ماف و ئازادییەکانی یەمەن لە بەڵگەدارکردنی ٤٢ پێشێلکاریی حوسییەکان لە ماوەی ٤٨ کاتژمێردا هۆشداریی لە کارەساتێکی مرۆیی لە تەعز دا، بەهۆی داڕمانی تەندروستی و توندبوونەوەی گەمارۆ کە ژیانی هەزاران نەخۆش دەخاتە مەترسییەوە.

10:15

دەسەڵاتدارانی ئێران لە کرماشان دەستیان بە سەربازیکردنی قوتابخانەکان کردووە و خوێندکاران ناچار دەکەن ملوانکەی ناسنامەی سەربازیی جەنگی ببەستن؛ ئەمەش نیگەرانیی لە بەکارهێنانی دامەزراوە پەروەردەییەکان وەک قەڵغانی مرۆیی و ئامانجی سەربازی دروست کردووە.

08:09

مامۆستا میدیا عومەر دەڵێت: هەموو منداڵێک جیاوازە بەجیاوازیەکەی خۆیەوە پێویستە مافی خوێندنی هەبێت، مافی ژیان و یاری کردن و خواردنی تەندروست مافەکانی منداڵی ئاسایی چۆنە مافەکانی منداڵێکی خاوەن پێداویستی تایبەتیش هەمان جۆرە.

16:00

یونیسێف هۆشداریدا لە خراپتربوونی قەیرانی ئاو لە ئەفغانستان بەهۆی وشکەساڵی توند و کەمبوونەوەی یەدەگی ئاوی ژێر زەوی، جەختی لەوە کردەوە کە تێکچوونی ژێرخانی ئابووری هەڕەشە لە ملیۆنان کەس دەکات و ئاڵەنگاری ئاڵۆز بۆ تەندروستی و پەروەردەی منداڵان دروست دەکات.