ڕۆژانە

12:46

دژی بێڕێزکردن و بڕینی پرچی ژنانی شەڕڤان لەلایەن چەتەکانەوە، گۆرانییەک بە ناوی “کەزی” ئامادە کرا.

12:00

ئەفراح شوکی، ڕۆژنامەنووسی عێراقی ڕایگەیاند کە پاڵپشتی لە بەرخۆدانی ژنان لە ڕۆژئاوای کوردستان دەکات و بێدەنگی کۆمەڵگەی نێودەوڵەتی لە بەرامبەر پێشێلکارییەکان شەرمەزار دەکات.

10:21

ژنانی سوەیدا پشتیوانی خۆیان بۆ ژنانی کورد لە دژی هێرشەکانی سەر باکووری ڕۆژهەڵاتی سوریا دەربڕی و وتیان: ئێمە ئازایەتی و ڕۆڵی ژنانی کورد بەرز دەنرخێنین، ئێمە لەگەڵیانین، ئێمە یەکین.

09:37

بە دروشمی "سلێمانی بەرەو خۆپیشاندانی ملیۆنی" بڕیارە ئەمڕۆ لە سلێمانی بۆ پشتیوانی لە بەرخودانی گەلی ڕۆژئاوای کوردستان خۆپیشاندانێکی گەورەی جەماوەری بەڕێوەبچێت و داوا لە هەموو کەس و لایەنێک دەکرێت بەشداری خۆپیشاندانەکە بن.

08:48

نەسلیخان حەسەنکە ماوەی چەند ساڵێکە حیجابەکەی لەبەردایە، دوای ئەوەی دەبینێت چەتەکانی هەتەشە قژی شەڕڤانێکی یەپەژە دەبڕن، بڕیار دەدات حیجابەکەی داکەنێت و وتی: قژمان خەریکە دەیانخنکێنێت.

08:08

کۆمیتەی خاچی سووری نێودەوڵەتی سەبارەت بە هێرشەکانی سەر باکوور و ڕۆژهەڵاتی سووریا هۆشداریدا و بانگەوازی بۆ پاراستنی خەڵکانی مەدەنی و گەیاندنی هاوکاریی مرۆیی کرد.

07:38

لە دۆڵی سێوەیسی بناری قەندیل، کە وەک لانکەی بەرخۆدان دەناسرێت، گردبوونەوەیەکی جەماوەری بۆ پشتیوانیکردن لە بەرخۆدانی ڕۆژئاوای کوردستان ئەنجامدرا. لە گردبوونەوەکەدا هێرش و کۆمەڵکوژییەکانی دەوڵەتانی داگیرکەر بۆ سەر ژنان و منداڵان شەرمەزار کرا.

19:22

جوان عیزەت، نووسەری کوردی باشووری کوردستان، کاردانەوەی بەرامبەر بڕینی قژی شەڕڤانێکی یەپەژە نیشاندا و وتی: ئێمە بەم قژە بوونمان هەیە و دەبین، قژمان هێمای ژنبوونو شۆڕش و نەتەوەکەمانە، هیچ کەس ناتوانێت بوونی ژنی کورد لەناو ببات.

18:37

کۆمەڵێک هاوڵاتیی خۆبەخش لە شارۆچکەی کەلار کەمپەینێکی نیشتمانییان بۆ کۆکردنەوەی هاوکارییە جۆراوجۆرەکان بۆ کوردانی ڕۆژئاوای کوردستان دەستپێکرد، کە چەندین جۆر پێداویستی بنەڕەتی وەک خۆراک و دەرمان لەخۆدەگرێت.

18:28

ئەمڕۆ لە شەقامی سالمی شاری سلێمانی، بە بەشداری هەموو توێژەکانی کۆمەڵگەو بۆ دووپاتکردنەوەی یەکڕیزی و پەیوەندی نەتەوەیی، شاهیدی ڕێوڕەسمێکی گشتی بوو بۆ پێشوازیکردن لە ڕۆژی دامەزراندنی خاکی کوردستان و پاڵپشتی کردنی گەلی رۆژئاوای کوردستان.

14:52

ئیڤان مامەند، چالاکوان لە هەولێر بۆ پشتیوانیکردن لە بەرخۆدانی ڕۆژئاوا، لە ماڵەکەی خۆیدا بە هەڵکردنی سروودی نیشتمانیی و وتنەوەی درووشم و هەڵکردنی ئاڵای کوردستان لەگەڵ دراوسێکانی چالاکییەکی ئەنجامدا.

14:37

لیژنەی دادپەروەری”CFJ” داوای ئازادکردنی دەستبەجێ و بێ مەرجی ديينابا نديوم، چالاکوانی مافی مرۆڤی مۆریتانیا کردووە و ڕایگەیاندووە، کە پەنابردن بۆ سەرکوتی ئەمنی بۆ چارەسەرکردنی داواکارییەکانی مافی مرۆڤ پاشەکشەیەکی ڕوونە بۆ ئازادی ڕادەربڕین.

14:27

ئیلهام ئەحمەد، هاوسەرۆکی پەیوەندییەکانی دەرەوەی ئیدارەی خۆبەڕێوەبەری ڕایگەیاند کە خزمەتگوزارییەکانی ئاو و کارەبا و ئینتەرنێت لە کۆبانێ پچڕاون و داوای دەستوەردانی لایەنە پەیوەندیدارەکان دەکات.

13:52

شەڕڤانانی یەکینەکانی پاراستنی ژن "یەپەژە" بە هۆنینەوەی پرچیان، بەشداری هەڵمەتی 'گەر کەزییەک ببڕدرێتەوە، هەزاران کەزی دەهۆنرێتەوە' بوون لە دژی هێرشی شەڕی تایبەتی چەتەکانی هەتەشە و دەوڵەتی تورک.

13:49

لە کاتێکدا ناڕەزایەتییە سەرتاسەرییەکان بەردەوامە، ڕاپۆرتەکانی سیستان و بەلوچستان ئاماژە بە سەرکوتکردنی دڕندانەیان بۆ سەر خۆپیشاندەران لە لایەن ڕژێمی ئێرانەوە دەکەن کە هەزاران کەس کوژراون و دەیان هەزار کەسیش دەستگیرکراون، کە ژن و منداڵیشیان تێدایە.

13:34

پەیمانگای کۆمپیوتەری کەلار پشتگیری خۆیان بۆ ڕۆژئاوای کوردستان ڕاگەیاند و دەشڵێن: ئەم گردبوونەوە و چالاکییەی ئەمڕۆمان وەفایە بۆ بەرخۆدانی ئێستای ڕۆژئاوای کوردستان، چونکه ئەوان شەڕی بوونی ئێمە دەکەن و قەڵغانی پاراستنی نەتەوەکەمانن.

12:29

شاندی باکووری کوردستان کە بۆ پشتیوانی لە گەلی کورد لە ڕۆژئاوایە، لە قامیشلۆ لەگەڵ پارتی یەکێتی دیموکراتیک "پەیەدە" کۆبوونەوە.

12:11

لە سۆنگەی هەست کردن بە بەرپرسیارێتی مێژووی و نیشتیمانی، سەر لە بەیانی ئەمرۆ سەرۆکایەتی زانکۆی سلێمانی بانگەوازی سەرجەم مامۆستایان و خوێنداکارانی زانکۆی کرد، بۆ پاڵپشتی و پشتیوانی ڕۆژئاوا رێپێوان کرا.

11:55

هێرشەکە کە لەلایەن فڕۆکە بێفڕۆکەوانەکانی تورکیاوە ئەنجامدراوە، تیشک دەخاتە سەر مەترسی بەئامانجگرتنی دامەزراوە مرۆییەکان و هەڕەشە لە بەردەوامی هەوڵەکانی فریاگوزاری بۆ ئەو کەسانە دەکات کە ئاوارەبوون لە ناوچەکانی ڕۆژئاوایکوردستان.

11:21

ئیدارەی خۆبەڕێوبەرى پابەندبوونی تەواوى خۆی، بە ئاگربەستی تەواوەتی ڕاگەیاند و دووپاتی کردەوە، چەتەکانى جۆلانى بەردەوامن لە پێشێلکردنی بە ئەنقەست و سیستماتیکی ڕێککەوتننامەی ئاگربەست.