سیاسەت

09:48

جوانا، ژنێکی چالاکوانی گەنجی ٢٥ ساڵە، ٧١ ڕۆژ لە زیندانییەکانی پەدەکەدا ماوەتەوە، لەم بەشەی دیمانەکەدا دۆخی ژنان لەناو زیندان دەگێڕێتەوە کە چۆن هەوڵ دەدرێت ئیرادەیان بشکێندرێت و ژنێکی کۆیلە بەرهەمبهێنن.

08:48

جوانا، ژنێکی چالاکوانی گەنجی ٢٥ ساڵە، ٧١ ڕۆژ لە زیندانەکانی پەدەکەدا ماوەتەوە، لە دیمانەیەکدا دۆخی خۆی و ژنانی زیندان لە ژێر دەستی پەدەکەدا دەگێڕێتەوە.

08:15

دەوڵەتی تورکیا جارێکی دیکە چاوی لەسەر دەستکەوتەکانی ڕۆژئاوای کوردستانە و هەڕەشەی هێرش دەکات، بۆ ئەوەش لە عەفرینی داگیرکراوەوە ئامادەکاری دەکات، بەڵام گەلی ڕۆژئاوا بە ئیرادەیەکی بەهێزەوە خۆیان ڕێکدەخەن و دەڵێن: "داگیرکاری تێکدەشکێنین".

10:10

سەرپەرشتیاری گروپی منداڵانی سەنتەری ڕۆشنبیری و هونەری مەنبج و گوندەکانی، ئەلیسار بەرکەل، ئاماژەی بەوەدا، ئامانجی دەوڵەتانی سەرمایەداری و هەژموونگەرا بەردەوامیدانە بە ململانێکانی ڕۆژهەڵاتی ناوەڕاست، بۆ ئەوەی نەخشەیەکی نوێ لە هەرێمەکە بکێشن.

10:25

مەنال محەمەد، ئەندامی کۆمیتەی پەیوەندییە دیموکراتی و ئاشتەواییەکانی کۆنگرەی ستار تیشکی خستە سەر ڕۆڵی ژنان لە پتەوکردنی پەیوەندی لەگەڵ دەوڵەتان لە بواری دیبلۆماسیدا ئەوەشی خستەڕوو، کە ژنان بە بیرۆکە دیموکراتییەکانیان دبلۆماسی و بیرۆکەیەکی ئازاد دروست دەکەن و کۆمەڵگا پێش دەخەن و هەربۆیەش دوژمن ژنە سیاسەتمەداران و دیپلۆماتکارەکان دەکاتە ئامانج.

10:18

هاوسەرۆکانی پێشووی پارتی دیموکراتی گەلان "هەدەپە"، فیگەن یوکسەکداغ و سەڵاحەدین دەمیرتاش ماوەی پێنج ساڵە لە لایەن دەوڵەتی تورکەوە دەستگیرکراون و سەرەڕای چەندین داواکاری ئەوروپا و هیومان ڕایتس وۆچ بۆ ئازادکردنیان، تا ئێستا لە زینداندان.

10:58

لە ساڵڕۆژی جیهانی کۆبانێدا باس لە ئیرادە و بەرخۆدانی گەلی کۆبانێ کرا کە بە پاڵپشتی و هێزی ژنان توانیان ڕووبەڕووی داگیرکارییەکان ببنەوە، هەروەها بەشداربوانی ساڵیادەکە جەختیان لە یەکبوونی گەلی کورد کردەوە.

11:30

بەرخۆدانی کۆبانێ پاش ١٣٤ ڕۆژ، مێژوویەکی نوێی بۆ گەلی کورد تۆمارکرد و ئەو شارەی کردە سیمبولی بەرخۆدانی، ئاوابوونی خۆبەڕێوەبەری ڕۆژئاوای کوردستان لەسایەی ئەو بەرخۆدانییەی بۆ تێکشکاندنی داعش کرا، هەنگاوێک بوو و لە جیهاندا دانیپێدا دەنرێت، بەڵام هەرێمی کوردستان سەرەڕای بوونی بڕیاریش بەڵام پاڵپشتی ڕۆژئاوای کوردستان ناکات.

10:10

ماوەی ٢٥ ڕۆژە ئەنجومەنی بنەماڵەی شەهیدان لە ڕۆژئاوای کوردستان لە دەروازەی سێمێلکا مانیان گرتووە و داوای تەرمی ڕۆڵەکانیان لە پەدەکە دەکەنەوە، کەسوکاری شەهیدان لە باشوری کوردستانیش داوا دەکەن کە چیدیکە ڕۆڵەی کورد نەکرێتە قوربانی خیانەت.

10:21

هاوسەرۆکی ئەنجومەنی کانتۆنی کۆبانێ، لەیلا ئەحمەد هەڵوێستی خۆی لە دژی هەڕەشەکانی دەوڵەتی تورک بۆ باکور و ڕۆژهەڵاتی سوریا خستەڕوو و وتی: "دەوڵەتی تورک بەردەوام هێرش دەکاتە سەر هەرێمەکانمان و هەڕەشە دەکات ئەو کردەوەیە لە ئەنجامی تێکشکاندنی دەوڵەتی تورکە لە هەموو ڕوویەکەوە".

15:07

ئایشە ئاجار باشاران، سەرۆکی ئەنجومەنی ژنانی هەدەپە جەختی لەوە کردەوە، کە هەرگیز ڕێگە نادرێت ژنان لە دژی هەموو هێرشەکان شەڕ بکەن.

10:20

کەوانی زێڕین یاخود هیلالی بەپیت، جوگرافیای دەستپێکردنی مرۆڤایەتی و ناوچەی ململانێکانی سەردەم، بەپیتی خاکەکەی و مێژووە دەوڵەمەندەکەی کردوویەتییە ناوچەیەکی پڕ ململانێ کە دەوڵەتانی زلهێزی جیهان هەوڵی فراوانکردنی هەژموونی خۆیانی تێدا دەدەن.

10:02

نووسەر سۆزان حەمە تاتە دەڵێت: "سازان و ڕێكکەوتن لە پڕۆسەی دیموكراسیدا بەتایبەت لەو وڵاتانەی هێشتا دیموكراسییەكەیان تەواو نەگەییوە، فاكتەر یان ڕێگەیەکی گرنگە بەرەو سەقامگیریی سیاسی و پێكهێنانی حكومەت، تا ئێستا لە عێراقیشدا ئەمە كاری لەسەر دەكرێت و بێ سازان هیچ هاوپەیمانی و حزبێك یان نەتەوە و مەزهەبێك نەیتوانیووە تاكلایەنە حکومڕانی وڵات بكات."

11:25

زۆرێک لە ژنان وەک کاندید بەشداری هەڵبژاردنەکانی عێراق بوون و بەشێکی زۆریشیان سەرکەوتوو بوون، ژنانی سەرکەوتوو دەیانەوێت بەڵێنەکانیان بە گەلی عێراق و ژنانی ناو پەرلەمان نیشان بدەن.

09:11

لە کۆی ١٧ کاندیدی ژن لە هەرێمی کوردستان کە دەرچوون تا بچنە ئەنجومەنی نوێنەرانی عێراق، تەنها چوار ژن بە سیستمی کۆتا دەچنە پەرلەمانی عێراق، ئەوانی دیکە بە دەنگی خۆیان دەرچوون.

11:00

دەوڵەتی تورکیا لە ماوەی شەش مانگدا زیاتر لە ٣٠٠ جار چەکی کیمیایی لە ناوچە سنورییەکانی باشوری کوردستان بەکارهێناوە کە پێچەوانەی یاسا نێودەوڵەتییەکان و مافی مرۆڤە، چالاکوانێکیش دەڵێت: بووینەتە فشار تا حکومەتی کەنەدا چەک بە دەوڵەتی تورکیا نەفرۆشێت.

14:24

کاندیدێکی لیستی هاوپەیمانی باس لەوەدەکات کە پێویستە کار بۆ هەموارکردنەوە و چاکسازی لەو یاسایانەدا بکرێت کە تایبەتن بە ژنان، دەشڵێت: "ژنان بەرکەوتەی یەکەمی جەنگن، پێویستە سەروەری خاکی عێراق بپارێزرێت"، ئەو کاندیدە هێرشەکانی دەوڵەتی تورکیاش ئیدانە دەکات.

11:28

یوسرا ڕەجەب کاندیدی ژمارە ٢٣ لە بازنەی پێنجی پارێزگای سلێمانی، باس لە کارەکانی دەکات لە خولی پێشووی پەرلەمانی عێراقدا و دەڵێت بە زمانی کوردی شەڕی خاکمان کرد.

09:22

بەپێی مەرجەکانی کۆمسیۆنی باڵای سەربەخۆی هەڵبژاردنەکان، هەر کەس هاوڵاتی عێراقی بێت دەتوانێت ببێتە پەرلەمانتار، لە کاتێکدا هیچ گرنگییەک بە باگراوندی ڕۆشنبیری ئەو کاندیدانە نادرێت، پەرلەمانتارێکی پێشووش ئەمە بە گەمەی سیاسی دەزانێت کە دەسەڵاتی سیاسی نایەوێت کەسانی بە ئەزموون بچنە پەرلەمان، کەسی یەکەمی حزبەکانیش پەرلەمان بە شوێنی خۆیان نازانن، ٪٥٠ کاندیدەکان تەنها مەرجە یاساییەکانیان تێدایە.

09:10

بانگەشەی هەڵبژاردنەکان فراوانتر دەبێت، بەڵام گرنگی بە نیوەی کۆمەڵگا نادرێت کە ژنە، کاندیدەکان لەگەڵ ژناندا کۆنابنەوە، دەڵێن دەنگی ژن و پیاو یەکسانن و جیاوازی ناکەن، بەڵام چالاکوانێک بەپێچەوانەوە دەڵێت بانگەشەی یەکسان بۆ کاتێک دەبێت کە دیموکراسیەتی تەواوەتی هەبێت.