rojane

15:02

Li bakurê Nepalê, di lehiya ku rabû de bîlanço giran dibe; hezar û 341 kesan jiyana xwe ji dest dan û bi hezaran kes jî winda ne. Tevî bîlançoya mirinê zêde dibe jî xebatên rizgarkirinê hêviyan mezin dikin.

14:46

Seroka Komeleya Neştergeriya Memikê ya Neteweyî ya Îranê, Nahid Nafîsî bal kişand ser zêdebûna penceşêrê û diyar kir ku her diçe zêde dibe. Nafîsî da zanîn ku parastina kîloyan û tesbîtkirina zû, di dermankirinê de gelek girîng in.

13:50

Di Kongreya 5’emîn a DEM Partiyê de Hevseroka Giştî Tulay Hatîmogullarî destnîşan kir ku Tirkiye nikare pirsgirêka Kurd taloq bike û got: "Di nava pêvajoyeke nû de xilasiya herî guncav aştiya navxweyî ye û em ê bi ser bikevin.”

13:43

Rêxistina Mafên Mirovan a Îranê di rapora xwe ya nû de diyar kir ku di meha Tebaxê de herî kêm 82 kes hatine darvekirin. Bi van darvekirinan re, hejmara kesên ku ji destpêka salê ve li Îranê hatine kuştin gihîşt 532 kesan.

13:26

Nazo Nîssan a ku bi salan ji bo perwerdehiya keçan û mafên jinan li Pencşîrê têkoşiya bû, li Kabîlê çû ser dilovaniya xwe. Wê di salên dijwar de ji bo xwendina zarokan gelek zehmetî kişandibûn.

13:20

Xwendekarên dibistanên Bajarê Qamişo û Hesekê li dijî biryara hikûmeta demkî ku zimanê Kurdî bi sê waneyan sînor dike çalakiyek li dar xistin û destnîşan kirin ku heta zimanê Kurdî nebe zimanê fermî yê duyemîn dê neçin dibistanan.

13:10

Yekem Mihrîcana Hesar li Başûrê Kurdistanê bi beşdariya hilberînerên herêmî hat lidarxistin. Zêdetirî 40 hezar kes çûn serdanê û gelek jin beşdar bûn.

12:51

Li gorî çeteleya tundiyê ya meha Tebaxê ya JINNEWS’ê herî kêm 22 jin û 3 zarok hatine kuştin, 19 jin û 7 zarokî jî bi guman jiyana xwe ji dest dane.

12:23

Çavdêrîya Mafên Mirovan a Sûriyeyê eşkere kir ku ji destpêka Îlonê ve nêzî 30 kes li herêmên cuda yên Sûriyeyê, di bûyerên cuda di pevçûnên eşîran, kuştin, bombebaran û guleyên bêserûber de mirine.

12:14

MKG û DFG’ê bi boneya Roja Çapemeniya Azad daxuyaniyek dan û diyar kirin ku tevî guhertina serdeman jî zextên li ser çapemeniyê nehatine guhertin. Komeleyan banga xurtkirina xeta aştiyê kirin û gotin: "Bi yek rastiyê qesrê wan hildiweşin."

12:02

Di çarçoveya pêngava TAJÊ ya bi dirûşma ‘Ji bo edalet û azadiyê tu jî bibe dengê dîlgirtiyên fermanê’ bi beşdariya dîlgirtiyên hatine azadkirin û jinên Êzidî şêwra ku li Şengalê pêk hat encamnameya xwe eşkere kir.

11:52

Hevpeymaniyên jinan ên li Mexrîbê di pêvajoya hilbijartinên parlemanî de balê dikişînin ser sînordarkirina derfetên namzetiyê yên jinan.

11:27

Di xwepêşandaneke ku ji aliyê tevgera "Nafs" ve hat organîzekirin de, xwepêşanderan xirabûna şert û mercên jiyanê û zêdebûna zextê şermezar kirin. Her wiha daxwaza gihîştina av û elektrîkê û eşkerekirina rastiya mirina girtiyan kirin.

11:12

Bi hezaran ji şagirt û xwendekarên bajarê Kobanê li dijî biryarên hikumetê yên li ser zimanê Kurdî, sala xwendinê ya 2026-2027 boykotkirin.

09:54

Kovara Jin di hejmara xwe ya nû de balê dikişîne ser bandorên kûr ên şîdeta dîrokî yên li ser roja îroyîn, newekheviyên civakî û têkoşînên azadiyê.

08:00

Şervana YPJ’ê Zîlan Avaşîn têkildarî pêvajoya nû ya entegrasyonê da zanîn ku mafê jinan bê hebûna YPJ’ê mîsoger nabe û got: “YPJ hêzeke bingehîn e, parastina mafê jinê dike.”

22:01

Serokê Dadweriya Urmiyê ragihand ku ew kesê ku gumanbarê doza mirina bi guman a Nîlûfer Mojawar e, dema dixwest ji welêt derkeve li sînorê Banehê hate girtin.

21:42

Komîteya “Ji Ocalan re Azadî” li Silêmaniyê daxuyaniyek da û banga bicihanîna biryara Dadgeha Mafên Mirovan a Ewropayê kir, da ku mafê hêviyê ji bo Abdullah Ocalan bê naskirin û ew bikaribe bi awayekî çalak tevlî pêvajoya aştiyê bibe.

21:11

Kombenda Newroz a Çandî û Civakî ji ber koça dawî ya lîstikvan û hunermenda Kurd Gulistan Tahir peyamek sersaxiyê weşand û anî ziman ku ew yek ji stêrkên geş ên dikê bû.

20:50

TAJÊ bi beşdariya jinên ji destê DAÎŞê hatine rizgarkirin û saziyên jinan re şêwerek li dar xist. Di şêwirê de hate gotin ku azadiya civaka êzidî bi azadiya dîlgirtiyan ve girêdayî ye û bang li her kesî hate kirin ku xwedî li têkoşînê derkevin.