rojane

20:41

Bi hevkariya UNFPA yê bo hişyarkirina li ser tenduristiya jinan semînerek hat organize kirin ji bo ku hawîrdoreke ewle ji bo diyalogê bê afirandin.

16:48

Filistîniyên li nêzîkî Xeta Zer a Xezeyê li dijî kocberiya zorê daketin qadan û tekez kirin ku ew tevî hemû gefan, bombebaran û xetereyan jî dev ji axa xwe bernedin.

16:25

Şandeya Konferansa Jineolojiyê ya Ewropayê Cezayê darvekirinê yê li ser Werîşe Muradî şermezar kir û bang li rêxistinên mafên mirovan kir ku li dijî darvekirinên li Îranê bisekinin.

15:55

Li Zîvala Xezayê ji ber berdewamiya êrîşan û hilweşîna zêdetirî 102 hezar avahiyan karesateke mezin a mirovî diqewime. Tîmên Parastina Sivîl hişyariyê didin ku hezaran avahî di bin xetereya hilweşînê de ne.

15:20

Encamnameya Konferansa Jineolojiyê ya Ewropayê hate ragihandin, di encamnameyê de ji bo berfirehkirina karên Jineolojiyê li qadên xwecihî, xurtkirina pêşengtiya jin ên ciwan û zêdekirina tecrûbeyên jiyana komînal bang hate kirin.

13:42

Pêla koçberiyê û krîza mirovî li Sûdanê ji ber pevçûnên dijwar û hişkesaliyê kûrtir dibe; li gorî rapora IOM'ê hejmara koçberên navxweyî gihîştiye 8.5 milyonî.

13:17

Parêzgerê Tehranê eşkere kir ku ji ber zextên aborî û koçberiya malbatan, hejmara xwendekaran li paytextê kêm bûye û li bajarên derdorê zêde bûye.

12:57

Li Tûnisê bi sedan jin li dijî xizanî, zext û krîza aborî daketin kolanan û peyamek zelal dan desthilatdariyê; "Em paşve gav naavêjin.”

11:59

Tora Mafên Mirovan ragihand ku Hûsiyan di 48 demjimêran de 170 êrîş li Teizê pêk anîne. Di encamê de bi dehan sivîl hatine kuştin û banga rakirina dorpêça lş ser bajar hat kirin.

09:33

Hejmara 190’an a Kovara Jinê bi berga ‘Zimanê hevpar ê tundî, kedxwarî û şer’ derket pêşberî xwendevanên xwe.

09:03

Jinên ku beşdarî Konferansa Jineolojiyê ya Ewropayê ku di roja sêyemîn de didome bûn, diyar kirin ku ew bi ruhê "Jin, jiyan, azadî" hatine cem hev û tekez kirin ku perspektîfa ji pirsgirêkên jinan û civakê re bibe çareserî di Jineolojiyê de ye.

08:00

Fermandara YPJ’ê Zîlan Cesûr bal kişand ser destdirêjiyên li ser keziya jina Kurd û wêneyên pakrawanan ên li Hesekê û diyar kir ku li pişt van kiryaran DAIŞ heye. Zîlan Cesûr dibêje “Wê têkoşîn û îdeolojiya me bidome û wê hesabê van êrişan were xwastin.”

20:24

Navenda Jineolojiyê ya li Misirê, bi armanca pêşxistina jêhatîbûnên nivîsandina edebî û çandî yên jinên ciwan e û mîsogerkirina veguherandina serpêhatiyên jiyana xwe ya ji çîrok û romanan re, atolyeyeke perwerdeyê lidarxist.

18:58

Nûnertiya Rêveberiya Xweser, der barê binpêkirin û êrîşên li dijî sembolên Kurdî û wêneyên cangoriyan a li Hesekê de daxuyaniyek da. Di daxuyaniyê de hate diyarkirin ku ev kiryaran gef li jiyana bi hev re, aştî û yekîtiya civakî dixwe.

15:56

Di roja duyem a Konferansa Jineolojiyê ya Ewropa de avakirina civaka komînal a demokratîk hate nîqaşkirin.

14:05

Dayîkên Şemiyê di hefteya hezar û 125’an de aqûbeta Fehmî Tosûn pirsîn û bang li rayedaran kirin: "Dosya bi zanebûn hat girtin, ji daxwaza edaletê gav paşde nayê avêtin.”

13:20

Li Torînoyê bi beşdariya gelek aktîvîstên jin û siyasetmedaran konferansa aştiyê hat lidarxistin. Rêberê Gelê Kurd Abdullah Ocalan peyam şand destnîşan kir ku divê cihê çekan siyaset be li şûna çekan jî hiqûq bikeve dewrê.

10:48

Operasyonên leşkerî li Yemenê, bûne sedema krîzeke mirovî ya dijwar ku bandorê li milyonan sivîlan dikin û wan ji pêdiviyên bingehîn bêpar dihêlin. NY’ê di der barê belavbûna nexweşiyên vegirtî de hişyarî da.

09:23

Pispora mîmarî Dr. Çiro Elî destnîşan kir ku wêrankirina jîngehê beşek ji siyaseta dagirkeriyê ye û bang kir ku bi çandina bi hezaran daran, ax û jîngeha Kurdistanê bê parastin.

08:40