rojane

14:58

Li Başûrê Kurdistanê 28 partiyên siyasî, rêxistinên civakî û kesayetan bi pêşengiya “Komîteya Azadî ji bo Abdullah Ocalan” nameyek ji Serokê Komîteya Wezîran a Konseya Ewropayê re şand û daxwaza bicihanîna "mafê hêviyê" ji bo Abdullah Ocalan kir.

13:49

Li gorî hişyariya nû ya UNICEF’ê, guherîna avhewayê êdî ne tenê gefê li jîngeh û tenduristiyê dixwe, rasterast bandorê li pêşeroj û perwerdeya zarokan jî dike. UNICEF’ê da zanîn ku herî zêde zarokên keç ji van encaman zirarê dibînin.

13:10

Wezîrê Dadê Akin Gurlek li ser doza Gulistan Doku daxuyaniyek da û diyar kir ku îdia li ser windakirina cenaze hene. Gurlek da zanîn ku dibe ku cihê cenaze çend caran hatibe guherandin û bi madeyên kîmyewî bi tevahî hatibe tunekirin.

12:07

Di meşa ku li bajarê Qamişloyê hat lidarxistin de peyama “Saetên ku hatine diyarkirin, ji bo zimanê me têr nake” hat dayîn.

11:32

Zêdetirî 400 jinên Sûdanî li bajarê Dongolayê ji bo mîhrîcana "El-Fal Al-Nisa'i" li hev civiyan. Jinan bal kişandin ser însiyatîfên ku armanca wan, bihêzkirina aborî ya jinan e.

10:41

Ji bo pêşîlêgirtina tundî û kuştina jinan li Başûrê Kurdistanê Tora 8’ê Adarê’ kampanyayek da destpêkirin û banga piştirîdayîna kampanyayê li hemû beşên civakê hat kirin.

10:06

Li Yemenê rewşa mirovî roj bi roj xirabtir dibe. Milîsên Hûsî tevî hişyariyan jî êrîşên xwe yên li ser kampên koçber û cihên niştecihbûnê didomînin; di êrîşa dawî ya li bajarê Maribê de sê zarok hatin kuştin û şeş sivîl jî birîndar bûn.

09:52

Rahênera fitnessê û pêşxistina bedenê Nêrgiz Heyderî ku di xwepêşandanên meha Çileyê de li Îranê de hatibû binçavkirin, bi 5 sal cezayê girtîgehê û salek ‘fermankirina qenciyê’ hate cezakirin.

08:41

Nivîskar û wergêrvan Şeyda Maruf bal kişand ku tomarkirina dîroka jinan ji ber zîhniyeta serdest a mêr û astengiyên civakî hatiye paşguhkirin û got ku divê jin dîroka xwe ji nû ve binivîsînin, çîrokên xwe arşîv bikin û ji nifşên pêşerojê re bihêlin.

08:00

Di çaremîn salvegera şoreşa ‘Jin Jiyan Azadî’ de, Amargî Umut tekez kir ku tevî zextên rejîma Îranê jî jin serî natewînin û pêwîst e bi parastina xweser û perwerdeyê têkoşîna xwe xurt bikin.

20:20

Komîserê Bilind ê Mafên Mirovan ê NY’ê, diyar kir ku Talîbanê zextên xwe zêde kiriye û cîhanê jî gelê Efganistanê bi qeyranên giran re tenê hiştiye.

19:05

Platforma Jinên Rojhilatê Kurdistanê, bi daxuyaniyekê bal kişand ser qetilkirina jinan a li Rojhilatê Kurdistanê û Îranê. Diyar kir ku kuştina jinan ne bûyerek ji nişka ve ye, berhema pergala baviksalar e.

16:26

Ji êrîşên mûşekî yên kujer bigirin heta bikaranîna leşkerî ya dibistanan, jehrîkirina xwendekarên keç û zextên sîstematîk ên di dema serhildanan de; li Îranê perwerde û zarok di nava şer û qeyranan de bi tevahî tên bêparastin û hedefgirtin.

16:08

Komek ji çalakvan û endamên malbata Nîlûfer Mojaverî ji bo şermezarkirina kuştina Nîlûferê li Pîranşarê serdana gora wê ya li Goristana Zargatan kirin.

15:37

Li gorî rapora KCDP’ê ya meha Tebaxê, ji sedî 41’ê jinan ji aliyê hevjînên xwe ve û ji sedî 55’ê wan li malên xwe hatine kuştin. Rapor her wiha balê dikşîne ser mezinbûna pirsgirêka mirina gumanbar.

15:08

Bandora zêdebûna şer û pevçûnên leşkerî li rojavayê Yemenê berfireh dibe, bi pevçûnan re tenê di sê rojan de nêzî 18 hezar û 500 kes ji cih û warên xwe bûn. IOM’yê der barê pêdiviyên bingehîn û tunebûna wan de de hişyarî da.

14:29

Li Nepalê hejmara kesên ji ber lehiyê mirine gihîşt hezar û 367’an. Heta niha ji 5 hezar û 132 kesan tu xeber nayê girtin.

14:01

Şertên nû yên hilbijartinê yên li Cezayîrê ku mafê daxwaza îstîsnayê didin şaredariyan, di nav çalakvan û analîstan de derbarê pêşeroja siyasî ya jinan de, bû sedema nîqaşan.

13:50

Li dû êrîşa li ser keştiyên Îranê ya li Tengava Hurmuzê, Îranê bi fuzeyên balîstîk bersiv da û baregehên DYE yên li Behreyn û Urdunê kirin armanc; Supayê Pasdaran ragihand ku wan kontrola temamî ya tengavê xistiye bin destê xwe.

13:02

Rêxistina Paryan a piştgiriya zarokên nexweş ên penceşêrê, di yekem çalakiya xwe de li Nexweşxaneya Hîwa ya Silêmaniyê, pêdiviyên dibistanê ji bo zarokên xwendekar dabîn kirin da ku piştgiriya perwerdeya wan bikin.