rojane

09:57

Hejmarên xwendin û nivîsandinê li Cezayîrê hebûna jinan a berbiçav nîşan didin, jin ji sedî 91 tevahî xwendekarên qeydkirî pêk tînin, nîşanek ku valahiya perwerdehiyê û hewcedariya domdar a jinên mezin ji bo telafîkirina derfetên perwerdehiyê nîşan dide.

09:26

Meryem Cagli li ser nîqaşên pêvajoya aştiyê û mafên Elewiyan nirxandin kir, destnîşan kir ku daxwazên wan ên ji bo azadiya bawerî û edaletê bi bingeha aştiyê re guncaw in, got ku pêwîst e raya giştî li ser bingeha lihevkirina civakî nêzî pêvajoyê bibe.

21:04

Îro, li Şengalê bi armanca li dijî derketina biryarên hikûmeta Iraqê yên di derheqê civaka Êzidî û Şengalê de meşeke girseyî hat li dar xistin. Di meşê de peyama ku bê îradeya civaka Êzidî û Şengalê ew ê destûr nedin tu destwerdanekê.

20:04

Li Gorîstana Şehîd delîl Saroxan ya bajarê Qamişloya Rojavayê Kurdistanê, mamoste, xwendekar û gel li dijî biryara hikûmeta demkî ku zimanê Kurdî bi sê waneyan sînor dike xwepêşandanek li dar xistin û gotin ku divê zimanê Kurdî di makezagonê de fermî be.

19:41

Navenda Jineolojiyeyê ya Raman û Lêkolînan, di çalakiya yekem a însiyatîfa ‘Hebra Jinan’ ku bi armanca xurtkirina jêhatiyên nivîsandina analîtîk hate lidarxistin de, beşdarên jin xelat kir.

19:35

Nezhet Mirrazî dayîka Elî û Emad Şûş ên di xwepêşandanan de jiyana xwe ji dest dan, piştî ku çend rojan li girtîgeha Lakan a li Raştê ma, bi kefaletê hate berdan. Nezhet Mirrazî, di 4’ê Îlonê de ji aliyê hêzên ewlehiyê ve li mala xwe hat girtin.

19:18

Biryara rêveberiya El-Layîk a Enstîtuya Azadiyê ya Şamê ya veqetandina xwendekarên keç û kur, di navendên perwerde û çandî de bû sedema nîqaşan. Hinek kesan ev biryar wekî gavek paşvekişandinê ji nasnameya laîk a dîrokî ya dibistanê dîtin.

18:56

Li başûrê rojavayê Yemenê, ji ber pevçûnên di navbera Hûsiyan û hêzên alîgirên hikûmetê de nêzî 20 hezar ji neçarî cih û warên xwe bûn. IOM ragihand ku li herêmê pêdiviyên mirovî zêde dibin û banga parastina sivîlan û alîkariya mirovî kir.

17:05

Sendîkaya Rojnamevanên Neteweyî ya Tûnisê, li dijî zêdebûna girtin û zextên li ser ragihandinê "rewşa awarte ya çapemeniyê" ragihand û hişyarî da ku ew di bin van şertan de nikarin karê xwe bidin meşandin.

15:28

Bi nêzbûna 4’emîn salvegera kuştina Jîna Emînî û serhildana “Jin Jiyan Azadî" re, hat ragihandin ku li zanîngehên Îranê talîmatên nû yên der barê serpûşan de dê di demek nêz de bikevin meriyetê.

15:05

Civaknas Sêmîn Kazemî diyar kir ku sînordarkirina pergala mehrê ji bo jinan bêyî misogerkirina wekheviya yasayî û serxwebûna aborî, dikare piştî hevberdanê bêewlehiya wan a aborî zêde bike.

14:26

Ji ber kêmbûna fînansmanê û şerê navxweyî yê li Sûdanê, qada tenduristiyê ketiye qonaxeke metirsidar. Rêxistina Tenduristiyê ya Cîhanê (WHO) hişyar dike ku gelek klînîk tên girtin û bi milyonan mirov bi qeyraneke mezin re rûbirû ne.

12:44

Koçberên Serêkaniyê ku piştî êrîşên sala 2019’an neçar man ji mal û axa xwe dûr bikevin, piştî heft salan îro karwanê duyemîn ber bi 55 gund û gundewarên Serêkaniyê, Zirgan û Til Temirê ve ketin rê.

11:40

Kampanyaya "Na ji darvekirinê re" kete hefteya 137'an û hejmara girtîgehên beşdar derket 62’yan. Girtiyan diyar kir ku di hefteyekê de 32 kes hatine darvekirin û banga berxwedanê kirin.

11:33

Kongra Star bi daxuyaniyekê bertek nîşanî biryarên li ser xwendina bi zimanê Kurdî da û ev tişt anî zimna: “Perwerdehiya bi zimanê dayîkê mafek rewa û bingehîn e.”

11:00

Navenda Mafên Mirovan a Taizê di rapora xwe ya nû de ragihand ku pêleke mezin a koçberiyê li navçeya Mawza ya bajarê Taizê çêbûye, bi sedan malbatan piştî zêdebûna Hûsiyan, malên xwe terikandine.

09:53

Jinên Êzidî biryara Bexdayê ya ji bo bêçekkirina YBŞ û YJŞ'ê red kirin û tekez kirin ku ji derveyî zarokên wan kes wan naparêze, dan zanîn ku ew çekên xwe nadin.

09:04

Giyayên biharê ku bi destên jinan tên berhevkirin û hişkirin, di zivistanê de bi bêhn û tama xwe dibin şîfa. Bi wan giyanyan hem xwarinên malbatan dewlemend dibin hem jî bi taybetmendiyên xwe di sermayê de dibin dermanên nexweşiyan.

08:11

Hiqûqnas Mehtap Işık destnîşan kir ku di pêvajoyên çareseriyê yên berê de nebûna yasaya çarçove û bingehên yasayî bû sedema kêmbûna ewlehiyê, lewra ji bo serketina pêvajoyê hebûna nirxandinek û çarçoveyeke yasayî gelekî girîng e.

20:53

Tora Jinên Sûdanî hişyarî da ku diyalogên bi serokatiya leşkerî re wê bibin sedema rewatbûna bi rejîma kevin û xwest ku jin di hemû qadên biryardanê de bi awayekî wekhev cih bigirin.