rojane

20:30

Komeleya Jinên Azad ên Rojhilatê Kurdistanê (KJAR) diyar kir ku kuştina Nîlûfer Mojawar ne bûyereke cuda ye, lê belê parçeyek ji tundiya rêxistinkirî û sîstematîk a desthilatdariyê ye. KJAR'ê bang li civaka Kurdistanê kir ku li dijî vê yekê bêdeng nemînin

20:05

Raportora Taybet a NY’yê Francesca Albanese hişyarî da ku rakirina kavilan li Xezayê dibe sedema tunekirina delîlên sûcên navneteweyî û astengkirina naskirina cenazeyêm mirovan.

19:36

Saziyên civaka sivîl û karkeran ên li Rojhilatê Kurdistan û Îranê, bi boneya salvegera 4'emîn a Şoreşa ‘Jin, Jiyan, Azadî’ daxuyaniyek dan û banga bilindkirina têkoşîna li dijî darvekirin û mêtingeriyê kirin.

19:16

Çalakvana xwendekar û girtiya siyasî ya berê Motahîra Gonî, piştî ragihandina cezayê xwe yê 15 mehî hat girtin û ji bo cîbicîkirina cezayê wê, ew veguhastin girtîgeha Evînê.

15:04

Ji ber nebûna wargehên dewletê û zêdebûna xercan a heta 20 mîlyon tumenî, xwendekarên Zanîngeha Golestanê a Îranê di navbera xwendin û qutbûna ji perwerdeyê de asê mane. Rayedar ji bo vê rewşa giran bersiveke zelal nadin.

13:45

Li 176 gundên Kohgiluye û Bûyer Ehmed a Îranê krîza avê dewam dike; li hin deveran çavkanî bi temamî zuhabûne û rayedar hişyariya rewşa krîtîk dikin.

13:34

12:04

Li Rojavayê Kurdistanê û bajarê Qamişloyê komek xwendekaran daxwaza mafê xwe yê Zimanê Kurdî kir û gotin “Ji bo Zimanê Kurdî bi hezaran kes şehîd ketine. Em ê jî wekî xwendekar, li ser şopa şehîdan bin.”

11:25

Hemşîreyên Sine ji bo daxwaza mafên xwe daketin qadan, bal kişandin ser şert û mercên dijwar ên xebatê û xwestin pênaseya hemşîretiyê bi temamî bicîh bînin.

11:17

Çalakvanên Tûnisî di meşa parastina "Fîloya Berxwedanê" de serdegirtin û girtina aktîvîstan şermezar kirin. Her wiha bal kişandin ser greva birçîbûnê ya girtiyan û tekez kirin ku ew ê ji bo azadiya parêzvanên Filistînê bêdeng nemînin.

10:17

Rejîma Îranê li Mihabadê jina bi navê Îlham Elîzade girt û heta niha derbarê aqûbeta wê de tu agahî nehatine bidestxistin.

10:00

Rojnameger Avan Kerîm bal kişand ser girîngiya pêvajoya aştiyê û destnîşan kir ku divê Kurd li hemû perçeyan bi yekitî tevbigerin û pêgeha xwe mîsoger bikin.

08:14

Şêwira ku ji bo dîlgirtiyên jin ên Êzidî di 5’ê Îlonê de li Şengalê hate lidarxistin, di nava jinên Êzidî de rastî eleqayek mezin hat. Jinên beşdarî şêwirê bûn gotin ‘ji bo rizgarkirina hemû dîlgirtiyan pêwîsteya hevgirtina jinên Êzidî heye.’

21:24

Navenda Lêkolîn û Ramanên Jineolojiyê li Misrê bi atolyeyeke sêrojî qada jinan a di warê nivîskarî û analîzên civakî de berfireh dike. Armanca atolyeyê ewe ku ramanên jinan veguherîne gotarên lêkolînî û naveroka bi bandor.

18:55

Îro bi beşdariya endamên Meclîsa Gel a Şengalê û saziyên civaka Êzidî, li dijî biryarên Iraqê yên li ser Şengalê ku dixwaze hêzên ewlehiya Şengalê belav bike û îradeya civaka Êzidî ya siyasî nasnake, banga meşa 8’ê îlonê hate kirin.

18:00

Li welatê giravî yê Efrîkayê Cape Verdeyê, otobuseke xwendekaran ji bilindahiya 30 metreyan ket xwarê; di qezayê de herî kêm 25 kesan jiyana xwe ji dest da û gelek kes jî birîndar bûn.

17:30

Li Sûdanê ji ber şerê berdewam krîza tenduristiyê kûrtir dibe. Tenê li gundên Kordofana Rojava zêdetirî 310 bûyerên kolerayê û bi dehan mirin hatin tomarkirin; kêmbûna derman û zehmetiyên veguhastinê jî jiyana nexweşan dixe metirsiyeke mezin de.

16:20

Bi armanca pêşxistina hişmendiya jinan û xurtkirina şiyanên wan ên analîzkirinê di vê pêvajoyê de, Komîteya Perwerdeya Kongra Star a Kantona Hesekê dewreyeke perwerdeyê vekir.

16:01

Umut Altaş ku di çarçoveya lêpirsîna Gulistan Doku de li DYE’yê îfade da û der barê wî de fermana girtinê heye, li xwe mikur hat ku wî şahidiya kuştina Gulistan Doku kiriye û cenazeya wê bi hev re birine bagaja otomobîlekê.

15:25

Li Tehranê di nava salên dawî de nasnameya 2 hezar û 88 zarokên perwerdê nedîtine hat tespîtkirin. Berpirsan bal kişandin ser rewşa dijwar a malbatên van zarokan û zehmetiyên qeydkirina wan.