rojane

11:13

Fîlmê Sûdanî "Şahbanûya Pembo" ku çîroka keçeke gundî ya li dijî talana jîngehê û guhertina tovên genetîk têdikoşe vedibêje, di 15'emîn Festîvala Fîlman a Mexrîbê de Xelata Mezin stend.

11:04

Dadgeha leşkerî ya Tûnisê, ji ber dijberiya wê ya li hember desthilatdariya welêt, 4 sal cezayê girtîgehê li çalakvan û siyasetmedara Tûnisî Olefa Hamdî birî.

08:30

Rêvebera Rêxistina Dabîn a Geşepêdana Demokrasî û Mafên Mirovan Dilsoz Zengene got ku ji ber yasa nayên bicihanîn, nebûna cezayên giran ji bo kiryaran û di dozan de destwerdana hinek aliyan, bûeyrên kuştina jinan zêde dibin.

08:00

Endama Koordînasyona Meclîsa Îştar Leyla Arzû Îlhan, balkişand ser êrîşên dawî yên li Rojava ku dixwaze hemû destkeftiyên gelê Rojava û civaka Sûriyeyê ji holê rake.

20:13

Rapora ku ji aliyê Navenda Mafên Zarokan a Baroya Amedê ve der barê nîvê ewil a sala 2026’an de hate amadekirin, binpêkirinên mafan ên ku zarok pê re rûbirû dimînin û kêmasiyên di pegala parastinê de raxist berçavan.

19:40

Fermandariya Giştî ya Yekîneyên Parastina Jin (YPJ), diyar kir ku biryara darvekirinê ya li dijî jina Kurd Werîşe Muradî, êrîşeke rasterast e li ser îrade û azadîxwestina tevahiya jinan

18:31

Hêzên Îsraîlê li Qudusê avahiyeke ku zêdetirî nîv sedsal berê hatibû avakirin hilweşandin û di encamê de 7 malbatên ku li avahiyê jiyan dikirin, bi xetereya bêmalbûnê re rûbirû ne.

15:26

Rêveberiya Nexweşxaneya Dongolayê ragihand ku bijîjkek wan di dema xebatê de rastî êrîşa polîsek hatiye û tekez kir ji bo parastina rûmeta xebatkarên tenduristiyê ew ê hemû gavên yasayî bavêjin.

15:01

Neteweyên Yekbûyî (NY), bal kişand ser bandora wêranker a zêdebûna êrîşê bi balafirên bêmirov (ÎHA) yên li ser sivîl û binesaziyê li Sûdan û herêma Abyeî û tekez kir ku bi êrîşan yasayên navneteweyî tên binpêkirin.

14:34

Li Yemenê zêdebûna şer û êrîşên hewayî, gefê li jiyana bi milyonan sivîlan dixwe. UNICEF’ê hişyarî da ku nêzî 3 milyon kes ji xizmetên bingehîn bêpar in.

13:41

Teorîsyen û bîrewera Hindî Gayatri Spivak ji Rêberê Gelê Kurd Abdullah Ocalan re nameyek şand û destnîşan kir ku ew piştgiriyê dide avakirina civakeke demokratîk û adil.

13:13

4’emîn Mîhrîcana Şanoyê ya Kolanan a Herêmî ya ‘Zab’ li Pîranşehrê dest pê kir. Tenê du berhemên ku derhêneriya wan ji aliyê jinan ve hat kirin û di juriya pênc kesî de tenê jinek heye.

13:07

Siyasetmedarên Elmanyayê Cansu Ozdemir û Sara Mirow daxwaz kirin ku cezayê darvekirinê yê li çalakvana Kurd Werîşe Moradî hatiye birîn tavilê bê betalkirin û were berdan.

11:47

Emîsyonên gaza serayê yên cîhanî gihîştine asta rekorê û li gorî rapora Neteweyên Yekbûyî, germahiya Erdê heta dawiya sedsalê dibe ku 2,6 heta 2,8 pileyên Celsius zêde bibe.

11:29

Kêmbûna alavên bijîşkî, cihê teng di nexweşxaneyan de û gihîştina sînordar a xizmetên tenduristiyê rewşa kêmbûna xwarinê li Efganistanê girantir dike. Pispor balê dikişînin ser girîngiya piştgiriya dayîkan û zêdekirina hişmendiya malbatan.

11:01

Du xwişkên cêwî Taraneh û Romîna Rehîmi ku cezayê darvekirinê û 25 sal cezayê girtîgehê li wan hatî birîn, wek namzetên Xelata Sakharov a 2026’an hatin hilbijartin.

10:30

Buroya Hiqûqê ya Asrinê gilînameyek ji Sekreteriya Komîteya Wezîran a Konseya Ewropayê re şand û diyar kir ku Rêberê Gelê Kurd Abdullah Ocalan li derveyî Yasaya Çarcoveyî hatiye hiştin, xwest Komîteya Wezîran ji nêz ve pêvajoyê bişopîne.

09:21

Parêzera Helebceyî Derya Fetah derbarê zagona bikaranîna xirab a amûrên ragihandinê li ser torên civakî de got “Kesên bi kiryaran re dimînin dikarin bi riya zagonê daxwaza parastinê bikin. Herî zêde jin bi zext û gefan re rûbirû dimînin.”

08:00

Çalakvana Mafên Mirovan Evîn Cuma diyar kir ku li Sûriyeyê kuştina jinan zêde dibe, destnîşan kir ku lawaziya zagonan û bêbandoriya saziyên berpirsyar rê li ber berdewamiya van binpêkirinan vedike.

20:33

Fakulteya Ragihandinê ya Zanîngeha Zanist û Teknolojiyê ya Misirê, serdana Navenda Jineolojiyê Misirê kir û ji ber hevkariya wan a berhemdar belgeya spasî û teqdîrê da Navenda Jineolojiyê.