rojane

13:07

MKG'ê di rapora xwe ya Tebaxê de bal kişand ser zextên giran ên li ser çapemeniyê û ragihand ku di meha borî de girtin û binpêkirin dewam kirine. Lê tevî hemû astengiyên desthilatdariyê wê rojnamegerên jin dê her tim li pey rastiyê bin.

12:58

Zêdetirî 100 girtiyên siyasî yên berê, aktîvîstên siyasî û mafên mirovan, rojnamevan û aktîvîstên civakî yên ji hundir û derveyî Îranê, nameyek hevbeş weşandin û daxwaza rawestandina darvekirinan, berdana girtiyên siyasî û bidawîanîna şer kirin.

12:41

Bi pêşengiya Yekîtiya Jinên Ciwan û Akademiya Jineolojiyê, li Şengalê ji bo jinên ciwan perwerdeya 4 rojan li ser mijarên bîrdozî û çandî hat dayîn.

12:30

Li rojavayê Yemenê, ji ber zêdebûna bombebaran û êrîşên Hûsiyan, gelek malbat ji malên xwe û kampan koçber bûn. Rêxistinên herêmî hişyarî dan û diyar kirin ku ev rewş dê krîzê kûrtir bike, bang li aliyên têkildar kirin alîkariyê bigihîjînin herêmê.

12:00

Çalakvan, akademîsyen û rojnamevanên jin, ji bo nîqaşkirina pirsgirêkên jinên Iraqî, bi Şêwirmenda Serokwezîr re rûniştin û ji bo rawestandina tundiyê, parastina jîngehê û mafên kêmneteweyan projeyên xwe yên nû pêşkêş kirin.

11:36

SOHR’ê ragihand ku tenê di 8 mehên ewil ên 2026’an de li Sûriyeyê 118 jin di encama şer, pevçûn û tundiya çekdarî de hatine kuştin. Rapor eşkere dike ku tevî derbasbûna qonaxeke nû jî, metirsiya li ser jiyana jinan bê navber berdewam dike.

11:20

NY'ê xwest Îran projeyasaya ‘Bandora Biyanî’ vekişîne û destnîşan kir ku plan dikare rojnamevan û akademîsyenan heta bi 30 sal cezayê girtinê re jî rûbirû bihêle.

09:17

Seroka Ofîsa Mafên Mirovan a Helebceyê Gulistan Mihemed bal kişand ser bandorên neyînî yên zewaca Misyarê û destnîşan kir ku divê saziyên pêwendîdar û aliyên berpirsyar li hemberî vê pirsgirêkê tevbigerin û mafên jin û zarokan biparêzin.

08:00

Dilşan a di 12 saliya xwe de ji Efrînê ber bi Tirkiyeyê ve penaber bû, ev 5 sal in li welatê Fînlandayê dijî û dibe yekem mekanîsyeneke Kurd. Dilşan got: “Jin dikarin hemû karên mekanîk bikin, bibin pîlot û balafirê bifirîne.”

20:48

Rojnameger, nivîskar û aktîvîst Glorîa Steînem ku yek ji pêşengên tevgera femînîst a pêla duyemîn a li DYA’yê bû, duh di 92 saliya xwe de koça dawî kir.

19:01

Di çarçoveya lêpirsîna Gulistan Doku de, Cigirê Fermandarê Cendermeyan a Dêrsîmê ku hat diyarkirin ku ‘agahiyên Kule’ bi Tuncay Sonel re parve kiriye û hevjîna wî hatin girtin. Bi vî awayî hejmara girtiyên di lêpirsînê de derket 32’an.

18:42

Hejmara madalyayên zêr ên Mexribê ya di Lîstikên Deryaya Spî yên Taranto 2026 de, bi madalyaya zêr a werzişvana Fatma Zehra Berdeha ku di nîvmaratonê de bi dest xist re, bû 16.

17:46

Bêkaran li Tûnisê, destwerdana ewlehiyê ya li dijî xwepêşandanên xwe yên aştiyane ya bi daxwaza mafê kar û rûmetê, şermezar kirin. Xwepêşanderan, diyar kirin ku ew rastî êrîşê hatine û bi darê zorê ji paytextê hatine derxistin.

17:18

Rêxistina Meterolojiyê ya Cîhanê (WMO), hişyarî da ku ji ber pêşketina bûyera El Niño ya bi hêz, dibe ku di mehên pêşiya me de şert û mercên hewayê yên dijwar bên jiyîn û ragihand dibe ku li hinek herêman bibe sedema lehî, hişkesalî, şewata daristanan.

15:37

Hêzên Îstixbarata Îranê, li gundê Kesnezan ê ser bi bajarê Seqizê ve jinek Kurd binçav kir. Li Esfehanê jî li sê xwepêşanderên jin cezayên girtîgeh û darvekirinê hate birîn.

14:46

Zanîngeha Exeter a Îngilîstanê, dê ji bo kesên ku dixwazin Kurdî fêr bibin, qursek serhêl a 10 hefteyî pêşkêş bike.

14:35

Li gorî lêkolîna UNICEF’ê, di qada dîjîtal de tacîza zayendî li dijî zarok û ciwanan her diçe belavtir dibe û gelek caran kiryar kesên herî nêz in.

13:46

FEWS NET diyar kir ku şerê li Yemenê û êrîşên li ser benderan binesaziyê wêran dikin, bi hezaran karkeran bêpar dihêlin û bajarên wekî Hudeyde û Taîzê dixin nava krîzeke awarte ya birçîbûnê.

12:45

Komîsyona Karûbarên Penaberan a Talîbanê ragihand ku di demjimêrên dawî de hezar û 477 Efganî ji Îran û Pakistanê hatine dersînorkirin. Kesên ku vedigerin, bi şert û mercên jiyanê yên dijwar û nebûna xizmetên bingehîn ên li welêt re rûbirû ne.

12:29

Li Îranê parêzerên ku di dozên siyasî û xwepêşandanan de cih digrin, rastî zext, gef û êrîşan tên. Saziya Baroya Farsê ragihand ku li 20 parêzeran doz hatine vekirin.