rojane

13:24

Li Tirkiyeyê pêşî li tundiya li dijî jinê nayê girtin. Di meha Adarê de herî kêm 29 jin û 2 zarok hatin qetilkirin, 20 jin û 2 zarok bi awayek gumanbar mirin.

13:05

Fona Nifûsa Neteweyên Yekbûyî, ji ber kêmaniya xizmetên tenduristiyê û qedexeyên civakî hişyarî da ku Efganistan bûye yek ji welatên Asya-Pasafîk ku rêjeya mirina dayîkan lê zêde bûye.

12:13

Li gorî raporan, malbatên wan derbarê rewşa Nesrîn Sotudeh û girtiyên din de ti xeberek nagrin û her wiha hate diyarkirin ku piştî revîra girtîgeha Evînê hate texrîbkirin, girtî ji mafê xizmeta tenduristiyê bê par hatine hiştin.

11:36

Kampanyaya ‘Sêşema ji Darvekirinan re Na’ di hefteya 115’an de ragihand ku, tevî ku hinek endamên vê kampanyayê hatine darvekirin, dê girtî çalakiyên protesto û grevên biçîbûnê bidomînin.

11:00

Di êrîşa bi drone ya li ser bajarê Hewlêrê Herêma Federal a Kurdistanê de, ji heman malbatê jin û mêrek jiyana xwe ji dest dan 3 zarok jî birîndar bûn.

10:31

Li Efganistanê ji destpêka salê ve, barana ku bi hêviya hişkesalî bi dawî bibe dibare, lehî û erdhejên çêdibin, dibin sedema mirina bi dehan kesan. Di encama hilweşîna dîwarê malek de, ji heman malbatê 9 kes mirin.

09:36

Di êrîşên Îsraîlê yên li ser Lubnanê de 7 kes hatin kuştin û bi dehan kes birîndar bûn. Di heman demê de êrîş li ser bajarokên başûr û rojavayê Bekayê berdewam dikin û zêdetirî 137 hezar kes jî koçber bûne.

08:35

Bi şerê di navbera Îran Emerîka û Îsraîlê de, herêma Federal a Kurdistanê bû hedefa êrîşan. Bi êrîşên dron û fuzeyan gelek kes hatin kuştin û zirara madî çêbû. Jinên li bajarokê Koye yê Hewlêrê gotin ku dijmin aramiya Kurdistanê naxwazin.

15:00

Desteya Jinan a Neteweyên Yekbûyî ‘UN Women’ sînorkirinên zêde yên li ser jinan ku li Efganistanê derdikevin pêş, şermezar kir û tekez kir ku divê civaka navneteweyî ferzkirina şêwazên jiyanê yan jî pratîkan li ser jinan red bike.

13:29

Hevseroka Komîteya Ekolojî ya Bajarê Kobanê Almaz Romî bû Şaredara Kobanê.

13:22

Baran Omidian, xwendekarekî PhD di endezyariyê de û xwarziya wê ya 17 salî Dorsa Ayazî, li Beheşt-e Zehra ji aliyê hêzên leşkerî ve hatin girtin.

11:49

Ji ber êrîşên dawî yên li 12 bajaran ên li ser navendên perwerdehî, tenduristî û niştecihbûnê, binesaziya Îranê gelek zirar dîtiye. Ev yek jî fikaran li ser bandora van êrîşan a li ser sivîlan zêde dike.

10:03

Li gorî çavdêrî û raporan di rojên dawî de atmosfera leşkerî li Seqizê dijwartir bûye. Her wiha bi zêdebûna hebûna hêzên leşkerî û kontrola trafîkê, fikarên li ser rewşa welatiyan jî zêde bûne.

09:46

Çend roj piştî ku gardiyanan êrîşî Beşa 4’an a girtîgeha Qezel Hezar kirin û çend girtiyên siyasî veguhestin hucreyên yekkesî, agahî li ser rewşa wan kêm in û malbatên wan hê jî nizanin ka aqûbeta wan çi ye.

09:39

MKG û DFG'ê der barê Roja Rojnamegerên hatine kuştin de daxuyaniyek nivîskî weşandin. Di daxuyaniyê de wiha hat gotin: “Zext, gef û polîtîkayên bêcezahiştinê tu carî nikaribûn kevneşopiya çapemeniya azad bidin sekinandin.”

09:08

Her çendî rayedarên fermî dibêjin ku di dabînkirina derman û xwîna ji bo nexweşên talasemiyê de tu pirsgirêk tune ye jî; raporên ku şert û mercên şer nîşan didin, kêmasiyên zêde yên dermanan û hebûna bazareke reş nîşan didin.

08:10

Rêxistina Tenduristiyê ya Cîhanê (RTC) ragihand ku li seranserê cîhanê koçber û penaber bi rîskên cidî yên tenduristiyê re rû bi rû ne û her wiha sîstemên heyî yên tenduristiyê jî nikarin bersivê bidin pêwîstiyên heyî.

07:43

Tevî ku di ser destpêkirina şer de mehek zêdetir derbas bûye jî pirsa bingehîn hê jî bê bersiv e; ji bo gelê Îranê gefa herî mezin fuzeyên ji derve tên avêtin e, yan polîtîkaya dewletê ya ku jiyana sivîlan dike parçeyeke şer e?

07:27

Hevseroka bajarê Wanê ya DEM Partiyê Gulşen Kurt, diyar kir ku herî zêde jin û zarok encamên giran ên koça bi darê zorê ya ji ber şeran dijîn û da zanîn ku ji rêyên koçê heta kampên koçberiyê di her qonaxê de binpêkirinên mafan kûr bûne.

20:30

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 192’emîn, di roja 990’an de didome.