Navenda Nûçeyan – Li Tirkiyeyê, dozên hedefgirtina rojnamevanan zêde dibin, doz bi tohmetên têkildarî ewlehiya neteweyî û operasyonên li dijî terorê gelek caran tên vekirin. Ev yek jî fikarên li ser rewşa azadiya çapemeniyê û mercên ku rojnamevan tê de dixebitin zêde dike.

Duyemîn rûniştina doza li dijî Rêvebera Ajansa Nûçeyan a JINNEWS’ê Oznur Deger û edîtorê Berê yê Rojnameya Yenî Yaşamê Osman Akın, der barê nûçeya wan a li ser îşkenceya ku di 16’ê Tîrmeha 2024’an de di serdegirtina maleke li Nisêbîna Mêrdînê de pêk hatibû, doz li Dadgeha Cezayê Giran a Mêrdînê hat dîtin.

Her çendî rojnamevan Oznur Deger û Osman Akin beşdarî rûniştina doza bi tohmeta “hedefgirtina kesên di operasyonên li dijî terorê de xizmet kirine” piştî giliyê Kamîl Aksoy, Fermandarê Tabûra Komando ya Leşkeran a Qiziltepe hatibû vekirin, nebûn jî, parêzerên wan amade bûn.

Dozger, di rûniştinê de nêrîna got û daxwaza cezakirinê li ser tohmeta “hedefgirtina kesên ku di operasyonên li dijî terorê de xizmet kirine” kir.

Rûniştin heta 16’ê Hezîranê hat taloqkirin da ku destûr were dayîn parastinên li dijî nêrîna dozger werin pêşkêşkirin.