rojane

15:03

Malbata xwediya Xelata Aştiyê ya Nobelê Nêrgiz Mihemedî ragihand ku Nêrgiz Mihemedî piştî ji aliyê hêzê Îranê ve hate binçavkirin, ji ber derbkirinê du caran rakirine beşa lezgîn a nexweşxaneyê.

14:44

Tora Bîjîşkên Sûdanê, ragihand ku di bombebarana Hêzên Piştgiriya Lezgîn a li dijî bajarê Dalanjê ya li eyaleta Kordofana Başûr a Başûrê Sûdanê de, 10 kes jiyana xwe ji dest dan û 17 kes jî birîndar bûn.

14:43

Di encama baran û lehiyên tund ên li bajarê Asfiyê de, 21 kes jiyana xwe ji dest da. Hate ragihandin ku xebatên lêgerîn û rizgarkirinê didomînin.

14:21

Endama Komîteya Perwerdê ya Kongra Star Leyla Hesen ku di panela “Jin û Parastin” de axivî, destnîşan kir ku hemû sîstemên desthilatdariyê li ser bindestkirina jinan hatine avakirin û got: “Rizgariya civakê bi azadkirina jinan dest pê dike.”

13:56

Tevgera jinan a li Figuigê ya li başûrê rojhilatê Mexribê dikeve sala xwe ya sêyemîn û her roja Înê xwepêşandan li dijî zehmetiyên nû yên mîna taybetkirina sektora avê û zextên aborî û civakî yên li ser jinê, didome.

13:40

Li gorî rapora UNFPA’yê, jin û zarokên keç herî zêde ji encamên krîzan bandor dibin. Di raporê de bal kişandin ser tundî û zêdebûna xeteriyên zewaca zarokan. Banga bihêzkirina desteka navnetewî û avakirina mekanîzmayên parastinê hat kirin.

12:51

Serokwekîla Koma DEM Partiyê Gulistan Kiliç Koçyîgît civîna çapemeniyê li dar xist û got: "Aqlê demokratîk divê êdî bikeve dewrê ku meseleyê ne weke pirsgirêkeke asayîşê, lê belê weke pirsgirêka demokrasî û jiyana bi hev re dibîne.”

12:43

Dr. Suad El-Amirî ya Filistînî ji ber tevkariyên mezin ên daye parastina mîrata mîmarî ya Filistînî, di sêyemîn xelata "Jêhatiyên Ereb" de, di kategoriya mîmarî û sêwiranê de xelat girt.

12:38

Girtiyên jin li Îranê bi tundî, bêparkirina mafan û lênêrîna tenduristiyê ya nebaş re rûbirû ne. Jiyana jinên girtî ku di nav de çalakvanên nexweşên penceşêrê jî hene, di xeterê de ye.

11:55

Heyva Sor a Kurdistanê ji bo alîkariyê bigihîne welatiyên li Navçeya Çemçemalê ya Silêmaniyê ku zirar ji lehiyê dîtin, dest bi amadekariyan kir.

11:54

MKG û DFG dê ji bo rojnameger Cîhan Bîlgîn û Nazim Daştan ku di 19ê Kanûna 2024an de hatibûn kuştin bernameya bîranînê li dar bixe.

10:21

Yek ji tiştên ku li Helebce balê dikşîne, hebûna hejmarek zêde ya jinan e ku berpirsyariya rêveberiyê li ser milê wan e. Beşek zêde ya rêveber û berpirsên saziyan jin in, ew jî dihêle ku destek bilind ê jinan di rêveberiya bajaran de hebe.

09:25

Parêzvan û aktîvîstên mafên jinan ên li Iraqê, destnîşan kirin ku qanûnên tundiya li hember jinan asteng dikin nayên bicîhanîn û xwestin ku qanûn ji nû ve bên nirxandin, rûmeta jinan bê parastin û ewlehiya jinan bê mîsogerkirin.

09:12

Hevseroka Meclisa Qamişlo Hêvî Ehmed, tekez kir ku sîstema hevserokatiyê jinan hêzdar dike, beşdarbûna wan a çalak di pêvajoyên biryardanê de gengaz dike û wan di rewşek hevpariya rastîn a guhertina civakî de datîne.

07:36

Rêveberiya Radyoya Star FM Solîn Serhan da zanîn ku ji bo bibin dengê jinan û şoreşa Rojava bi dirûşma “Dengê jin û jiyanê” dest bi weşanê kirine.

22:02

Li Silêmaniyê bi armanca piştgirîkirin û derxistina jêhatin û hêza jinan, bi peşêngtiya Navenda Yekîtiya Jinan a Silêmaniyê ji bo 25 jinên destrengîn mihrîcanek hate lidarxistin.

21:44

Li paytexta Sûriyeyê Şamê, jinek ji aliyê hevjinê ve bi çekê hate qetilkirin. Mêrê ku hevjîna xwe qetilkir, piştî bûyerê bi heman çekê xwe jî xwekuşt.

17:49

Bajarê Mahabadê mazûvaniya bazarekî demsalî ya bi boneya zivistanê û sersalê tê lidarxistin, dike. Ev bazar îsal, bi beşdariya xurt a xwediyên stantên herêmî û bi taybetî rola çalak a jinan di pêşkêşkirina berhemên dest û malê de, pêktê.

14:47

Kovara ‘Afaq el- Mara’ xwe mîsyona pêşkêşkirina mijarên der barê jinan ên rojane, agahî, çandî û fikrî ye. Hejmara 16’an a Kovarê pirsgirêkên nûjen ên jinan eleqedar dike digre dest û hedef dike ku civakê der barê girîngiya rola jinan de hişyar bike.

14:46

Komleya Jinên Azad a Rojhilatê Kurdistanê (KJAR) bi daxuyaniyek bertek nîşanî li girtina aktivîstên jin ên Îranî da û bal kişand ser piştevaniya jinan.