rojane

07:10

Cîhan Bîlgîna ku ji Bakurê Kurdistanê da serê rê, sûcên dagirkeriya Tirk ên li Rojava bi dinyayê re parve kir û got “Ez bawer im wê ev pêvajo biser bikeve û careke din bi Rêber Apo re rûnin.”

19:16

Rêxistinên jinan û mafên mirovan, bi daxuyaniyekî binçavkirin û girtinên li Îranê şermezar kirin û gotin: "Divê civaka navneteweyî li dijî Îranê zimanekî tundtir bikarbîne."

18:57

Li gorî rapora nû ya ji aliyê Laboratuwara Lêkolînên Mirovan a Fakûlteya Tenduristiya Gel a Zanîngeha Yale ve hate amedekirin, li El Faşêrê û derdora wê zêdetirî 150 cenaze hatiye dîtin.

18:02

Di panela serhêl ku ji aliyê Înîsiyatîfa "Ji Zilma Li Dijî Linan Re Na” ve hate li dar xistin de, rolên çalak ên jinên Sûdanê ya di têkoşîna li dijî şer de û cûreyên tundiya nayê dîtin ya jin pê re rû bi rû dimînin, hate nîqaşkirin.

17:53

Komîserê Bilind ê Penaberan ê Neteweyên Yekbûyî, fikarên xwe yên li ser zêdebûna pevçûnên li Sûdanê anî ziman û diyar kir ku ji destpêka vê mehê ve 43 jê zarok herî kêm 104 kes di encama êrîşên dronan ên li herêma Kordofanê de hatine kuştin.

17:50

Piştî êrîşa li dijî Komeleya "El-Karameh" a li Cezayîrê ji bo bihêzkirina jinan û parastina mafên wan xebat dimeşîne, hinek rêxistinên jinan hedefgirtina rasterast a xebatên ku piştgiriyê didin jinan, şermezar kirin.

16:25

Meclîsa Jinan a DEM Partiyê, derbarê destdirêjiya zarokan de li Parlamentoyê daxuyaniyek da û bal kişand ser pêwîstiya pêkanîna belgeyeke siyasetê ya li ser têkoşîn û pêşîgirtina tundiya li ser bingeha zayendî.

13:41

Li kantona Firatê ya herêma Bakur û Rojhilatê Sûriyeyê ku zêdetirî 500’î komîn hene, yekemîn konferasa komînan bi beşdarbûna 300 delegeyan hat lidarxistin.

13:30

Meclîsa Jinan a Partiya Yekîtiya Demokratîk (PYD), li dijî tundiya li ser jinê zêdetirî hezar û 905 semîner, panel, komxebt û çalakyên bîranînê li dar xistine û zêdetirî 12 hezar jin û mêr beşdarî çalakiyan bûne.

13:21

Aktivîsta Suweydayî Hind Salah, piştî têkoşîna li dijî nexweşiyê, di 61 saliya xwe de jiyana xwe ji dest da. Hind Salah li pey xwe mîrasa têkoşîna bi rûmet a li dijî zext û bêedaletiyê hişt.

13:03

Rêxistina Efûya Navneteweyî, diyar kir ku di demeke êrîşên Talîbanê zêde bûne de bi taybetî jin û zarokên keç, gelek welat penaper û koçberan, bi zorê dersînor dikin û wan neçarî vegera Efganistanê dikin.

12:49

DFG û MKG dê rojnameger Nazim Daştan û Cîhan Bîlgîn ku di 19’ê Kanûnê de ji hêla Tirkiyeyê ve bi SÎHA’yan hatibûn qetilkirin, di salvegera qetilkirina wan de li Stenbolê bi bîr bînin.

12:16

Di deklarasyona mitînga “Hêvî û Azadiyê” de hate gotin ku başkirina şertên Abdullah Ocalan ji bo pêvajoyê girîng in û wiha hate gotin: “Mifteya biratiya dîrokî û hiqûqê di ‘mafê hêviyê’ de, di cîbicîkirina vî mafî de ye.”

12:11

Tora SIHA ji bo ku hewl û rolên bêhempa yên jinên Sûdanî di demên herî tarî de rêz bigre û pîroz bike, xelatek bi navê "Jinên li Xetên Pêş" (#WomenForward) da destpêkirin.

11:30

Îranê daxwaza Xelatgira Aştiyê ya Nobelê û parêzvana mafên mirovan Nêrgiz Mihemedi ya ji bo tedawiya serbixe, red kir. Malbata wê ragihand ku Nêrgiz Mihemedî dema hate binçavkirin, polîsan bi copan lê dane û li ser rû û stûyê wê şîn bûye.

11:19

Girtiya siyasî ya berê û aktivîsta xwendekaran Motahhare Guneî ku bi sûcdariya ‘Paropagandaya dijî rejîmê’ û ‘Heqareta li Hamaney’ cezayê girtîgehê lê hatibû birîn, ji bo pêkanîna cezayê hat gazîkirin.

11:15

Dengê Qoçgiriyê Gulîzar Gumuş ku çû ser dilovaniya xwe. Gulîzar Gumuş ku bi Lorika Arix hate nasîn li dû xwe mîrateyek zengîn a wêjeya devkî û serpêhatiyek jiyanê ya serkeftî hişt.

11:10

Katibe Bîlgîn, ji bo keça xwe Cîhan Bîlgin a hat qetilkirin strana bi navê “Ji bîr nakim” çêkir.

10:36

Rojnamevan Şino Hîranî got: “Parlemento banek ku ji bo komkirina zagon û çavdêrkirina partî û aliyan e, da ku bikarin daxwazên welatiyan bi rêya zagonî pêk bînin. Ji ber vê taloqkirinê daxwazên welatiyan pêk nayê.”

10:03

Sûmiye Resulî, yek ji jinên ku bi salan di bin zexta mêrên malbata xwe de dijîn bû. Niha piştî esareta bi dehan salan, çûye ber neynikê û ji bo avakirina jiyanek serbixwe û ji nû ve avakirina xwe têdikoşe.