ڕۆژانە

14:30

زیندانیانی سیاسی ئەنیشا ئەسعەد ئیلاهی و هوار نیکبەخت ڕایانگەیاند کە پێویستە پەخشان عەزیزی بپارێزرێت و پێویستە هەمووان یەکبگرن لە هەوڵەکان بۆ ڕاگرتنی سزای لەسێدارەدان.

14:01

مونیرە قازی، کچی قازی محەمەدی پێشەنگی مێژوویی کورد، پشتیوانی بەرخۆدانی ڕۆژئاوای کرد.

13:38

یەکێتی ڕاگەیاندنی ژنان-یەرەژە ڕاگەیەندراوێکی نووسراوی لە بارەی هێرشەکانی دەوڵەتی تورکیا بۆ سەر هاوڵاتیانی مەدەنی و ڕۆژنامەنووسان لە بەنداوی تشرین بڵاوکردەوە و داوای له دامودەزگا نێودەوڵەتییەکان کرد هەڵوێستی خۆیان بە ڕوونی بخەنە ڕوو.

12:34

کەژەکە ڕایگەیاند کە دەوڵەتی تورکیا بە فڕۆکەی جەنگی و فڕۆکەی سیخوڕی و چەکی قورس لە بەردەم هەموو جیهان خەڵکی باکوور و ڕۆژهەڵاتی سووریا دەکاتە ئامانج، بۆیە ڕۆژ ڕۆژی خاوەنداریکردنە لە باکوور و ڕۆژهەڵاتی سووریا.

12:12

لە سەرەتای هێرشەکانەوە، دەوڵەتی تورکیا ٨ هاوڵاتیی لە بەنداوی تشرین کردووەتە ئامانج و ٥٥ هاوڵاتی دیکەش بریندار بوون.

11:45

دانیشتنی دادگاییکردنی هالیدە ئاکسۆی کە پاشماوەی تەرمی کوڕەکەی عەگید ئیپەکیان لە سندوقێکدا بە بار بۆ ڕەوانە کردەوە، دواخرا بۆ ئەوەی داواکاری گشتی بتوانێت بڕیارەکەی ئامادە بکات.

11:41

لە چوارچێوەی پاکتاوی سیاسیدا کە ناوەندەکەی لە ئەستەنبوڵەوە دەستی پێکرد، پۆلیس هەڵیکوتایە سەر کۆمپانیاکانی مارتی و گونجەل، لە شوێنی کاردا کە خاوەنەکانیان ئامادە نەبوون، پۆلیس دەستی بەسەر سەرجەم کۆمپیوتەر و هارد دیسکەکاندا گرتووە.

11:37

شاندی ئیمرالی ڕایانگەیاند، کۆبوونەوەکان بەرژەوەندی هەمەلایەنەی هەبووە، "پاڵپشتی بەردەوامی گەل بۆ ئەو هەوڵانە گرنگترین فاکتەر دەبێت لە بنیادنانی ئاشتی و چارەسەردا، لە نزیکترین کاتیشدا دەچینەوە ئیمرالی".

11:32

بەرەبەیانی ئەمڕۆ لە هەڵمەتێکی هەڵکوتانە سەر ماڵانی دەوڵەتی تورکیا، ڕۆژنامەنووسان ڕەیحان حاجیۆئۆغڵو، ئەحمەد گونەش و نەکلا دەمیر دەستبەسەر کران.

10:29

ژنانی شاری کۆبانێ لە کانتۆنی فورات ستایشی بەرخۆدان و ئیرادەی خەڵکی باکووری کوردستانی ئازادیان کرد بۆ هاودەنگییان لەگەڵ گەلی کۆبانێ.

10:12

 ژنانی سووریانی ئیدانەی ئەو کردەوانەی دژ بە ئایین و بیروباوەڕی مەسیحییەکانیان کرد کە لە حەما و لازقییە ڕوودەدەن و ڕایانگەیاند: ئیدارەی خۆبەڕێوەبەریی نموونەی پاراستنی هەموو نەتەوە و ئایین و بیروباوەڕەکانە.

08:35

ژنێکی ٣٧ ساڵ لە شاری هەولێر لەلایەن براکەیەوە کوژرا و پۆلیس تا ئێستا ڕووداوەکەی بە فەرمی ڕانەگەیاندووە.

14:24

نەسرین.ب لە ڕۆژهەڵاتی کوردستان هێرشەکانی دەوڵەتی تورکیای شەرمەزار کرد و سڵاوی لە بەرخۆدانی گەل لە بەرامبەر ئەو هێرشانە کرد و وتی: لە هەموو شوێنێکی کوردستان خەبات بۆ سەرکەوتن بەردەوام دەبێت، چونکە بەرخۆدان ژیانە.

14:14

گەلی شاری حەسەکە بە هەموو نەتەوەکانیانەوە - کورد، عەرەب، سریانی و ئەرمەنی- بە ڕێپێوانێک ناڕەزایەتییان دەربڕی بەرامبەر بە کۆمەڵکوژی ئێشکگرانی بەنداوی تشرین لە ناوچەی باکوور و ڕۆژهەڵاتی سووریا.

13:40

هەوڵدانی دادپەروەری بەرەنگاربوونەوەی گۆشەگیری لە کۆتاییدا کارەکانی خۆی تەواو کرد و داوای کرد، ئۆپۆزسیۆن بۆ خەباتی دیموکراسی لە پێناو تەندروستی و ئاسایش و ئازادی بەڕێز عەبدوڵا ئۆجالان بانگهێشت دەکەین.

13:19

پەروین بوڵدان، ئەندامی شاندی ئیمرالی دەم پارتی ڕایگەیاند، ڕێبەری گەلی کورد عەبدوڵا ئۆجالان لە میانی کۆبوونەوەی داهاتوودا بانگەوازێکی تایبەت بۆ ژنان دەکات.

12:55

موسا سەڤیم کە مەریەم سەڤیمی هاوژینی کوشتووە، دوای دوو ساڵ خەبات، سزای بەسەردا سەپێندرا، خوشکی مریەم وتی: ئەگەر ئەو سزایە بە بکوژانی ژنان بدرایە کە شایەنی خۆیان بوو، نە مەریەم و نە ژنەکانی دیکە نەدەکوژران.

12:10

لە کاردانەوە بە پشتڕاستکردنەوەی سزای لەسێدارەدان بەسەر چالاکوانان بەخشان عەزیزی و وریشە مورادی، ڕێکخراوی ٨ی مارسی ژنان (ئێران-ئەفغانستان) جەختی لەوە کردەوە کە دەرکردنی سزای لەسێدارەدان لە دژی چالاکوانانی ژن بەڵگەی لاوازی و بێ ئومێدی ڕژێمی کۆماری ئیسلامییە

11:19

دوای ١٥ مانگ شەڕی توند، ئاگربەست لە نێوان ئیسرائیل و حەماس ڕاگەیەندرا، بڕیارە لە ڕۆژی یەکشەممەوە ئاگربەستەکە بچێتە بواری جێبەجێکردنەوە.

11:09

لوبنا نەجیب توانی لەو بوارانەدا جێگای خۆی بگرێتەوە کە پێشتر بۆ پیاوان دیاری کرابوون، ئەو یەکەم ئێشگری ئاسایشی تایبەتی ژنە لە مەغریب کە دامەزراوەیەکی بۆ پاراستنی مافی ژنانی کرێکار دامەزراندووە.