ڕۆژانە

14:28

ئەنجومەنی بنەماڵەی شەهیدانی کانتۆنی جزیرە ڕایگەیاند، لە هێرشێکی فڕۆکەوانی دەوڵەتی تورکیا، هەزنا عەبدە، ئەندامی هەپەجە- ژن کرایە ئامانج و گیانی لەدەستدا.

13:54

دژی پەسەندکردنی هەموواری یاسای باری کەسیی لەلایەن پەرلەمانی عێراقەوە، هاوپەیمانی ١٨٨ی سلێمانی کۆنگرەیەکی ڕۆژنامەوانیان ئەنجامداو وتیان: بڕیارێکی نامرۆڤانەیە و سەودا و مامەڵەی بە ژیانی تەواوی کۆمەڵگەی عێراقەوە کرد، بەتایبەتی منداڵان و ژنان.

12:42

دەوڵەتی تورکیا و چەتەکانی گرتە ڤیدیۆییەکانی کۆمەڵکوژی دژی خەڵکی مەدەنی لە بەنداوی تشرینیان بڵاوکردەوەم سەرەڕای ئەم دیمەنانە، کۆمەڵگەی نێودەوڵەتی بێدەنگە.

11:36

ژمارەی ئەو کەسانەی بەهۆی ئاگرکەوتنەوە لە هۆتێل کارتالکایا لە شاری بۆلو گیانیان لەدەستداوە بۆ ٧٦ کەس بەرزبووەتەوە، سەبارەت بە ئاگرەکە ٩ کەس ڕاگیراون.

11:09

لەچوارچێوەی ناڕەزایەتییەکان لەدژی پشتڕاستکردنەوەی سزای لەسێدارەدانی پەخشان عەزیزی و وریشە مورادی، شەوی ڕابردوو وێنەی پەخشان و وریشە لەسەر شەقامەکانی ڕۆژهەڵاتی کوردستان هەڵواسران.

10:41

شاندی دەم پارتی ئەمڕۆ دەچنە دورگەی ئیمڕالی و لەگەڵ ڕێبەری گەلی کورد عەبدوڵا ئۆجالان کۆدەبێتەوە.

10:32

سەرلەبەیانی ئەمڕۆ لە ئەنجامی هەڵکوتانە سەر ماڵان، ڕۆژنامەنووس ئایلەم بابەیغیت دەستبەسەر کرا.

10:28

ئەمڕۆ لە ڕۆژهەڵاتی کوردستان لە دژی پەسەند کردنی سزای لەسێدارەدانی پەخشان و وریشە مانگرتنی گشتیی دەستی پێکرد، چالاکوانان و ئازادیخوازان داوای هەڵوەشاندنەوەی سزاکەیان دەکەن.

09:14

پەرلەمانی عێراق لە کۆبوونەوەی دوێنێیدا دەنگی بە هەموواری یاسای باری کەسی دا، کە بەپێی یاساناسان و چالاکوانان ئەمە ڕێگە بۆ هاوسەرگیری منداڵان دەکاتەوە.

08:19

ژنانی گوندی هەلینجەی سەر بە شاری کۆبانێ، کە خواردن ئامادە دەکەن و دەینێرن بۆ پاڵپشتیکردنی شەڕڤانەکانیان لە بەرەکانی شەڕدا، ڕایانگەیاند، چارەنووسی دەوڵەتی تورک وەک داعش دەبێت.

07:47

ژنێکی گەنج کە بەهۆی هێرشەکانی دەوڵەتی تورکیا تەمەنی منداڵی و گەنجی خۆی لە کۆچبەری بەسەر بردووە وتی: لە ماوەی ٧ ساڵی ڕابردوودا لە کۆچبەری ژیان بەسەر دەبەین، چیتر ناتوانین لە بارودۆخی کۆچکردندا بژین، دەمانەوێت بگەڕێینەوە بۆ عەفرینەکەمان.

14:59

هەڵمەتی "سێشەممەی نا بۆ سێدارە" لە زیندانەکانی ئێران بەڕێوەچوو، ڕێکخراوی خوێندکارانی پێشکەوتنخوازیش پشتیوانیان لە هەڵمەتەکە و مانگرتنی گشتی شارەکانی ڕۆژهەڵاتی کوردستان کرد بۆ ناڕەزایەتی دەربڕین دژی سزای لەسێدارەدانی پەخشان عەزیزی و وریشە مورادی.

14:49

کەمپەینی زیندانییانی سیاسیی دەڵێن: پشتیوانی لە بانگەوازی مانگرتنی گشتیی سبەی چوارشەممە دەکەین کە بە مەبەستی ناڕەزایەتی دەربڕین بۆ سزای لەسێدارەدانی پەخشان و وریشە مانگرتن بەڕێوەدەچێت.

14:37

ناوەندی ڕاگەیاندنی هێزەکانی ئاسایشی ناوخۆ ڕایگەیاند، لە هێرشەکەی دوێنێی شارۆچکەی زیبان لە ڕۆژهەڵاتی دێرەزوور، بەهۆی گولـلەی پاشماوەکانی ڕژێمی پێشوو و "بەرگری نیشتمانی"، منداڵێک گیانی لەدەستداوە.

14:09

وانەبێژانی لادراوی وەزارەتی پەروەردەی حكومەتی كاربەڕێكەری هەرێم لە هەولێر گردبوونەوە و وتیان: ژمارەمان لە نێوان هەزار و ٥٠٠ بۆ دوو هەزار وانەبێژدایە و داوادەکەین بە گرێبەست دابمەزرێینەوە.

13:37

ئەکادیمیستەکان، سەندیکاکانی کرێکاران، سیاسەتمەداران، داکۆکیکارانی مافی مرۆڤ و ٦٩ کەس لە براوەی خەڵاتی نۆبڵ، بانگەوازیان ئاراستەی لیژنەی وەزیرانی ئەنجومەنی ئەوروپا کردووە بۆ ئازادیی عەبدوڵا ئۆجالان، ڕێبەری گەلی کورد.

13:19

دەوڵەتی داگیرکەری تورک جارێکی دیکە گەلی ئێشکگری لە بەنداوی تشرین بۆردوومان کرد و بریندار هەیە.

13:11

لە شارۆچکەی تەقتەق ژنێک سووتا و بە پێی لێکۆڵینەوە سەرەتاییەکان دەرکەوتووە، ژنەکە خۆی سووتاندووە.

13:01

سزای هەتاهەتایی بەسەر ئەو تاوانبارەدا سەپێندرا کە لە ٩ی ئابی ٢٠٢٤، لە نەخۆشخانەیەکی دەوڵەتی هیندستان دەستدرێژی کردە سەر پزیشکێکی ڕاهێنراو و کوشتی.

12:21

گروپێک لە خوێندکارانی زانکۆی کورد و هاوپەیمانی ژنانی کورد سەپاندنی سزای لەسێدارەدان بەسەر پەخشان عەزیزی و وریشە مورادیان شەرمەزار کرد و ڕایانگەیاند، ئێران دەیەوێت تۆڵەی شۆڕشی "ژن ژیان ئازادی" بەتایبەتی لە ژنان بکاتەوە.