ڕۆژانە

08:16

لەگەڵ دەستپێکردنی پشووی خوێندن تەوژمە فیکری و سیاسییە دژبەیەکەکانی باشووری کوردستان خولە هاوینەکان وەک کەرەستەیەکی سەرەکی بۆ کێشبڕکێ و ئاڕاستەکردنی نەوەی نوێ بەکاردەهێنن ئەمەش گەنجانی کوردی لە نێوان ناسنامەی ڕەسەن و جیهانگیریدا ڕووبەڕوو کردۆتەوە.

15:30

قەیرانی هەڵاوسان لە ئێران چیتر تەنها بە بەرزبوونەوەی نرخی بازاڕ ناپێورێت، بەڵکو بە لێکەوتە دوور مەوداکانیش دەپێورێت، لەگەڵ دابەزینی هێزی کڕین نائاسایشی خۆراک فراوانتر دەبێت و ژنان و منداڵان خۆیان دەبیننەوە کە ڕووبەڕووی کاردانەوەی ئابووری و تەندروستی دەبن.

14:21

دەم پارتی لە ئەنجامنامەی کۆبوونەوەی ئەنجومەنەکەیدا ڕایگەیاند، دیموکراتیک بوون بە هەنگاوی سیاسی بوێرانە دەبێت و نابێت"یاسای چوارچێوە" بەرتەسک و سنوورداربێت، دەبێت ئازادیی جەستەیی ڕێبەر ئاپۆ و بەشداریی سیاسەتی دیموکراتیک لەخۆ بگرێت.

13:42

ژنێک کە بە مەبەستی کاری کۆکردنەوەی جاترە چووەتە کوێستانەکانی سەرشێخان لە بناری قەندیل، هەڵدێراو گیانی لەدەستدا.

13:13

لە نێوان پەرەسەندنی لەسێدارەدان لە ئێران، کەمپینی "سێشەممانی نا بۆ لە سێدارەدان" هاتە ناو هەفتەی ١٢٩هەمین و زیندانیانی ٥٨ زیندان بەشدارییان کردو درێژەیان بە مانگرتن لە خواردن و ناڕەزایەتیی خۆیان دا.

12:21

پێشانگایەکی هونەری لە نەخۆشخانەی نیشتمانیی سوەیدا بۆ یادکردنەوەی ڕووداوەکانی مانگی تەمووزو بەڵگەنامەکردنی پێشێلکارییەکان و زیندووکردنەوەی یادەوەری بەکۆمەڵ، لە ڕێگەی کارە هونەرییەکانەوە کە ترس و خۆڕاگرییان بەرجەستە کردبوو، سازکرا.

10:35

ژمارەیەکی زۆر لە ڕاپۆرتەکانی پارێزگا جیاوازەکانی ئەفغانستان ئاماژە بەوە دەکەن، کە ژمارەیەک ژن و منداڵای کچ، بەتایبەتی خوێندەوار، هەڕەشە و دەستگیرکردن و ئەشکەنجە و فشاری جیاوازیان لەسەر کراوە بۆ ئەوەی ناچاریان بکرێت هاوسەرگیری لەگەڵ ئەندامانی تاڵیبان بکەن.

09:28

دەوڵەتی تورک و چەتەکانی لە ساڵی ٢٠١٨دا دیمۆگرافیای عەفرینیان گۆڕی، بەڵام خەڵک دەستبەرداری خاکی خۆیان نەبوون، کۆچبەرانی گەڕاوە داوای ئاسایش و گەڕاندنەوەی موڵک و ماڵییان و لێپێچینەوە لە بەرپرسان دەکەن.

15:52

سودان لەمساڵدا شایەتی تێکچوونی جددی دۆخی منداڵانی بەخۆیەوە بینیوە، خەمڵاندنەکانی نەتەوە یەکگرتووەکان ئاشکرای دەکەن، کە نزیکەی ٨٢٥ هەزار منداڵی خوار تەمەنی پێنج ساڵ مەترسیی بەدخۆراکی توندیان لەسەرە.

15:04

ڕوانگەی مافەکانی مرۆڤی ئەفغانستان داواکاری خۆی بۆ کۆتاییهێنان بە سنووردارکردنی خوێندنی منداڵانی کچ دووپات کردەوە و داوای لە کۆمەڵگەی نێودەوڵەتی کرد پشتیوانی مافی گەڕانەوەیان بۆ قوتابخانە و بەردەوام بن لە بونیادنانی داهاتوویان.

14:25

لەژێر ئاڵای دادپەروەری و ناساندنی جینۆساید، شنگال ئامادەکاری دەکات بۆ ئەنجامدانی کۆنگرەیەک بۆ گفتوگۆکردنی کاریگەرییەکانی فەرمانی ساڵی ٢٠١٤ و چارەنووسی ڕفێندراو و بێسەروشوێنەکان و ڕۆڵی ژنانی ئێزدی لە بەرخۆداندا.

13:50

گواستنەوەی نزیکەی ٦٠ زیندانیی ژن لە زیندانی قەرچەکەوە بۆ بەشی ژنانی زیندانی ئێڤین، بووە هۆی سەرهەڵدانی ناڕەزایەتی بەهۆی چڕی زیندانیان و کەمیی شوێن، دواتر بەهۆی دەستوەردانی پاسەوانانی زیندانەکەوە گرژی لێکەوتەوە.

13:34

ڕوانگەی سووریا بۆ مافەکانی مرۆڤ بەڵگەدارکردنی کوشتنی ٤٨ ژنی لە ماوەی نیوەی یەکەمی ئەمساڵدا کردووە، کە ٤٠ ژنیان لە کردەوەی تاوانکاری و ٨ ژنیشیان لە هێرشی خێڵەکی بووە، ئەم ژمارەیە ڕەنگدانەوەی پەرەسەندنی توندوتیژییە دژی ژنان.

11:51

دوای شەش مانگ لە سەرکوتکردنی ناڕەزایەتییەکانی مانگی کانوونی دووەمی تارانی پایتەختی ئێران، زۆرێک لە چیرۆکەکانی ئەو ڕۆژانە بە نەگێڕاوەی ماونەتەوە.

11:03

ڕوکەن کلیچ، چالاکوانی پلاتفۆرمی "هۆشیار بە" دەڵێت: بەکارهێنانی ماددەی هۆشبەر لە کوردستان زیادی کردووە، ماددەی هۆشبەر ئامرازی سیاسەتی شەڕی تایبەتە، ڕەنگدانەوەی سیاسەتی شەڕی تایبەت و سیاسەتی ئەمنییە.

08:42

لە شاری کەرکوک منداڵێکی کچی تەمەن سێ ساڵ بە شێوەیەکی گوماناوی کوژراو دوو منداڵی کوڕی تەمەن ١٠ ساڵ بەهۆی ڕووداوەکە دەستگیرکراون و لێکۆڵینەوە دەستی پێکردووە.

08:18

ژنانی ڕۆژنامەنووسی باشووری کوردستان لە ژینگەیەکی کاری مەترسیداردان و لەلایەن هاوپیشە پیاوەکانەوە هەراسان دەکرێن و توندوتیژییان بەرامبەر دەکرێت، ڕۆژنامەنووس هاوژین شوانە دەڵێت: پێویستە بابەتی جێندەر و جیاکاری ڕەگەزی لە ڕەگ و ڕیشەوە چارەسەر بکرێت.

15:25

دەستبەسەرکردنی درێژخایەن، بێبەشکردن لە پارێزەر و چارەسەری پزیشکی، سەپاندنی کەفالەتی قورس، ڕاگرتن لە تاکەکەسی و تۆمەتی بەکارهێنانی دانپێدانانی زۆرەملێ، لە دیارترین پێشێلکارییەکانی هەفتەی ڕابردوون لەلایەن ڕژێمی ئێرانەوە.

14:55

ماندانا و مەهسا ستوودە، دوو هاوڵاتیی بەهایی دانیشتووی شیراز، دوای پێشکەشکردنی بارمتەی شەش ملیار تمەنی لە بەندیخانەی عادل‌ئاباد ئازاد کران، بەڵام هێشتا هیچ زانیارییەکی ڕوون لەسەر ئەو تۆمەتانەی ئاڕاستەیان کراون لەبەردەستدا نییە.

14:17

پەرەسەندنی هێرشەکان لە باشووری ئێران هاوکاتە لەگەڵ درێژەی هەوڵە دیپلۆماسییەکانی نێوان تاران و واشنتۆن کە ڕەنگدانەوەی یاریی نێوان شەڕ و دانوستانە لە چوارچێوەی ململانێیەکی بەرفراوانتری ناوچەییدا.