ڕۆژانە

14:24

 لە ماوەی چوار ڕۆژی ڕابردوودا شەپۆلێکی لەسێدارەدانی نهێنی و کوشتنی لەلایەن دەوڵەت چڕتر بووەتەوە، هاوکات لەگەڵ دەستگیرکردنی چالاکوانانی مەدەنی. فشار لەسەر خێزانی ئەو کەسانەی کە داوای دادپەروەری دەکەن لە ڕۆژهەڵاتی کوردستان و بەلوچستان زیادی کردووە.

13:29

پەرەسەندنی شەڕ و فەرمانی ئاوارەبوونی زۆرەملێ لە لوبنان بووەتە هۆی کوژرانی چەند کەسێکی مەدەنی و زیادبوونی ئاوارەبوون، ئەمەش لە کاتێکدایە کە باس لە هێرشی ئاسمانی و زیانگەیاندن بە شوێنە کولتوورییە پارێزراوەکان دەکرێت.

10:05

سەلیم ئنساریۆئۆغڵو، پەرلەمانتاری ئاکەپە لە ئیستەنبوڵ کە لەگەڵ نیزامەدین کابایش، باوکی ڕۆژین کەبایش کۆبووەوە، ڕایگەیاند کە تۆڕێکی بەکارهێنانی ڕێکخراو لە هەندێک زانکۆدا هەیە کە پۆلیسیش لەخۆدەگرێت.

08:34

چیا یاسین، چالاکوانی بواری ژنان دەڵێت: ژنان لە ناو خێزانەکاندا بە پلە دوو تەماشا دەکرێن، ئەمە ڕێگە بۆ کوشتنەکانی ژنان خۆشدەکات.

16:13

سندوقی منداڵانی نەتەوە یەکگرتووەکان (یونیسێف) ڕایگەیاند، بەهۆی هێرشە بەردەوامەکانی ئیسرائیل بۆ سەر لوبنان، ژمارەی کوژراو و بریندارەکانی منداڵ لە زیادبووندایە، ئەوەش پشتڕاستیکردەوە کە ڕۆژانە ١١ منداڵ لە ئۆپەراسیۆنە سەربازییەکاندا دەکوژرێن و بریندار دەبن.

14:59

تولای حاتم ئۆغولاری و تونجەر باقرخان، هاوسەرۆکانی گشتی پارتی یەکسانی و دیموکراسیی گەلان "دەم پارتی" لە ٤٦هەمین ساڵیادی کۆمەڵکوژی چۆرومدا، لە پێناو ئاشتیی کۆمەڵایەتیی، بانگەوازیان بۆ ڕووبەڕووبوونەوە لەگەڵ ڕابردوو کرد.

14:45

لە ئەفغانستان لە مانگی نیساندا لانیکەم ٢٠ ژن و شەش منداڵ کوژراون، هاوكات لە ڕووداوێکی تریشدا لە هێلمەند شەش ژن و دوو منداڵ لە ئاودا خنکێندراون.

12:19

ڕێکخراوی کەشناسیی جیهانی هۆشداری دەدات، پرۆسەی گەرمبوونی زەوی و تووانەوەی سەهۆڵبەندانی جەمسەرەکان بە خێرایییەکی زۆر بەردەوامە و پێشبینی دەکرێت تێکڕای پلەی گەرمیی زەوی لە ماوەی پێنج ساڵی داهاتوودا بگاتە بەرزترین ئاستی تۆمارکراو لە مێژوودا.

11:25

دوو خوشکی دانیشتووی شاری بۆکان لە ڕۆژهەڵاتی کوردستان بە ناوەکانی حومەیرا ئەمین‌پوور و شەوکار (شلێر) ئەمین‌پوور لە لایەن هێزە ئەمنییەکانی ڕژێمی ئێرانەوە دەستبەسەر کران و بۆ شوێنێکی نادیار گوازرانەوە.

10:25

پرۆسەی ئاشتی و کۆمەڵگەی دیموکراتیک لە دۆخێکدایە کە بتوانێت چارەسەرێک بۆ ناوچەکە دابین بکات، ئیتردەبێت ئاکەپە بڕیارێک بدات: ئایا هەڵوێستێک بۆ دیموکرتیک کردن و چارەسەری پرسی کورد دەگرێتەبەر، یان نا؟

08:56

ماوەی ٤٥ ڕۆژە لە شاری سەقز، دەوڵەتی ئێران ژنێکی کوردی دەستبەسەرکردووە و چارەنووسی بەنادیاری ماوەتەوە.

08:27

لە حکومەتی نوێی عێراقدا ژنان بەشداری پێ نەکراون و تەنها یەک ژن پۆستی وەزیری وەرگرتووە کە وەزیری ژینگەیە، بەشدار نەبوونی ژنان دەرخەری ئەو رادستییەیە کە حکومەتەکان هەمیشە بەدەست پیاوانەوەن.

16:01

لە ئەنجامی ئاگرکەوتنەوەیەک لە بەشەناوخۆیی قوتابخانەی کچانی (ئوتومیشی) لە کینیا، ١٦ خوێندکار گیانیان لەدەستدا و ٧٣ کەسی دیکەش بریندار بوون.

15:55

ئەو مینە چێندراوانە، بۆمبە هێشووییەکان و تەقەمەنییە نەتەقیوانەی کە لە جەنگی سووریاوە بەجێماون، تا ئێستاش لە سووریا دەبنە هۆی گیانلەدەستدانی هاووڵاتییانی سڤیل

15:35

ڕێکخراوی چاودێری مافەکانی مرۆڤ لە سووریا (SOHR) ڕایگەیاند کە ژمارەیەکی زۆر لە زیندانیانی دۆرزى خەڵکی سووەیدا لە زیندانی ناوەندیی ئەدرا، کە نزیکەی ساڵێکە لەوێ دەستبەسەرن، دەستیان بە مانگرتنێکی بێبڕانەوە لە خواردن کردووە.

15:00

ساڵی ڕابردوو نزیکەی ٤٠٠ کەس لە خۆپێشاندانەکانی سیرجاندا لە مانگی کانوونی یەکەمی ٢٠٢٥دا دەستبەسەر کران. لە نێوانیاندا ژنانی خۆپێشاندەر و چالاکوانانی مەدەنی هەبوون، کە هەندێکیان هێشتا لە زینداندا ماونەتەوە.

12:19

لەگەڵ بەردەوامی هێرشە هاوبەشەکانی نێوان ئیسرائیل و حیزبوڵا و نزیکبوونەوەی خولێکی نوێی دانوستانەکان لە واشنتۆن، لوبنان گەورەترین پرۆسەی کۆچپێکردن و چۆڵکردنی بەخۆیەوە بینی لە دوای جێبەجێکردنی ئاگربەست لە ١٧ی نیساندا.

10:39

ڕژێمی ئێران سزای ١٨ ساڵ زیندانی بەسەر سێ ژندا سەپاند، کە لە خۆپیشاندانەکانی ئەم دواییەدا بەشدارییان کردووە.

16:06

لە ناوچەی ڤیلا جیاردینۆ لە پارێزگای کۆردۆبای ئەرژەنتین لە چوارچێوەی کەمپەینی نێودەوڵەتی "هەموومان یەپەژەین!"، چالاکییەکی پشتگیریی ئەنجامدرا.

13:32

وریشە مورادی، زیندانیی سیاسیی کورد لەلایەن ڕژێمی ئێرانەوە لە مافی پەیوەندی تەلەفۆنی بێبەشكراوەو پێشتریش لە چاوپێکەوتن لەگەڵ بنەماڵەو پارێزەرەکانی بێبەش کرابوو.