ڕۆژانە

09:28

کۆنفیدراسیۆنی کرێکارانی تورکیا لە ئەورووپا "ATÎK" زیندانیکردنی یوکسەل کۆچی شەرمەزار کرد و داوای ئازادکردنیان کرد، داوای کرد هەموو هێزە دیموکراتیکەکان هەڵوێست وەربگرن و خاوەنداری لە یوکسەل کۆچ بکەن.

16:27

دەستەی کولتووری لە پارێزگای رەققە، لە ناوچەی باکوور و ڕۆژهەڵاتی سووریا، مۆزەخانەیەکی کردۆتەوە کە بەڵگەی پێشێلکاری و تاوانەکانی داعش لە دژی هاوڵاتیانی مەدەنی لە ماوەی ساڵانی کۆنترۆڵکردنی ناوچەکەدا تۆمار دەکات.

15:59

هێرشە ئاسمانییەکانی ئیسرائیل بۆ سەر چادرەکانی ئاوارەکان و ناوچە جۆربەجۆرەکان لە سەرانسەری کەرتی غەززە، ١٩ هاوڵاتی مەدەنی لە نێویاندا منداڵ و ژن کوژران و دەیان کەسیش بریندار بوون.

14:54

خالیدە تورکئۆغڵو، وتەبێژی ئەنجومەنی ژنانی دەم پارتی جەختی لەوە کردەوە کە ژنان بەرپرسیارێتی مێژوویی بانگەوازەکەی ڕێبەری گەلی کورد عەبدوڵا ئۆجالان لە ئەستۆ دەگرن.

14:18

ماڵپەری دەنگی ژنانی ئەفغانستان بڵاویکردەوە، لەلایەن تاڵیبانەوە ١٢٠ مامۆستا لە شاری كابوڵ لە كارەكانیان دوورخرانەوە.

13:55

مەهواش (سایە) سەیدال، زیندانی سیاسی و خاوەنی دکتۆرا لە یاسای نێودەوڵەتی، نامەیەکی لە زیندانی ئێڤینەوە بۆ ڕێکخراوە نێودەوڵەتییەکانی مافی مرۆڤ ناردووە، هۆشداریی لە دۆخی نالەباری تەندروستی زیندانیانی ژن و بەتایبەت زیندانیانی سیاسی داوە.

13:01

پارێزەر ڕووکەن گولاگاجی کە بە مەبەستی ئەرکی پیشەیی خۆی سەردانی گرتووخانەی کاندرای کرد، لە کاتی دەرچوونی لە گرتووخانەکەدا دەستبەسەر کرا.

11:34

ژیانی سەدان کەس تەنها لەبەر بۆچونەکانیان لە مەترسیدایە و بێدەنگی لەسەریان بە واتای شکست دێت، ئەمەش کاردانەوەی بەربڵاو لە بەرامبەر شەپۆلی سێدارەکان لە ئێران فراوانتر دەکات.

09:54

دایکانی شەهیدان لە شاری دیرک لە باکوور و ڕۆژهەڵاتی سووریا دووپاتیان کردەوە کە بانگەوازی کۆنگرەی ١٢هەمی پەکەکە هەنگاوێکی ئەرێنییە، پێویستە هەمووان بەرپرسیارێتی خۆیان بخەنە سەر شان بۆ دەستەبەرکردنی سەرکەوتنی ئەم پرۆسەیە.

09:42

موکادەس ئەردۆغدو چەلیک، ئەندامی دەستپێشخەریی ژنان بۆ ئاشتی و نووسەر، ڕایگەیاند کە بڕیارەکەی کۆنگرەی پەکەکە گۆڕانکاری ڕیشەیی و مۆدێلی چارەسەری سەدەی ٢١ لەخۆدەگرێت، ێستا دەبێت حکومەت هەنگاوی کۆنکرێتی بنێت.

09:21

زلار ستێرک ئاماژەی بەوەدا ئەوانەی سەدەیەکە سیاسەتی نکۆڵی و لەناوبردن دەسەپێنن بەر ئیرادەی پەکەکە کەوتن و وتی: بە هیچ جۆرێک ناتوانرێت تێکۆشانی ئازادی کوردستان سەرکوت بکرێت، ئیرادەیەکی هەمیشەییە.

16:15

هیومان رایتس ووچ نیگەرانی خۆی لە دامەزراندنی کۆمیسیۆنی نیشتمانی دادپەروەری گوازراوە و کۆمیسیۆنی نیشتمانی بۆ کەسانی بێسەروشوێن لە سووریا دەربڕی، جەختی کردەوە کە لەوانەیە ئەو دەزگایانە دەسەڵاتی سنوورداریان هەبێت، ڕەنگە هەموو قوربانییەکان نەگرێتەوە.

15:45

ڕێکخراوی لێبوردنی نێودەوڵەتی داوای لێکۆڵینەوەیەکی بەپەلە و سەربەخۆی نێودەوڵەتی کرد، سەبارەت بە هێرشێکی ئاسمانی ئەمریکا کە لە کۆتایی مانگی نیساندا ناوەندێکی دەستبەسەرکردنی کۆچبەران لە پارێزگای سەعدە لە باکووری ڕۆژئاوای یەمەن کردە ئامانج.

14:59

کامپەینی "سێشەممانی نا بۆ لەسێدارەدان" فراوانتر بووە بۆ ٦٩هەمین هەفتەی لەسەریەک، دوای ئەوەی زیندانەکانی مەهاباد، بۆکان و یاسوج پەیوەست بوون بەو هەڵمەتەوە، فراوانتر بووە و ٤٤ زیندانی لەخۆگرتووە.

14:36

بەڕێوەبەرایەتی توندوتیژی هەولێر ژنان ئاگادار دەکاتەوە کە هەر ژنێک هەڕەشەی لێكرا پێویست ناكات ملکەچی كەسی تاوانبار بێت، دەشڵێت، لە کاتی بوونی هەڕەشە پەیوەندیمان پێوە بکەن.

14:03

ئەو ئیسلامە سیاسییەی لە سووریا بڵاودەبێتەوە، کوشتن و ئاوارەکردنی دانیشتووانەکەیە، ژنان لە چالاکییە سیاسییەکان دوور دەخاتەوە، تەنها یەک یان دوو پۆست بە ژنان دەدات بۆ دڵخۆشکردنی کۆمەڵگەی نێودەوڵەتی.

13:01

تەژەئا دەڵێت: ژنان بۆ ئاشتی کۆمەڵایەتی و چارەسەری دیموکراسی ڕێپێوان دەکەن، بۆ ئەم مەبەستە داوای بەشداریکردنی لەو ڕێپێوانە کرد کە لە ٣١ی ئایار بە بەشداری هەزاران ژن لە ئامەد بەڕێوەدەچێت.

12:03

زۆزان چەولیگ، ئەندامی کۆنگرەی ١٢هەمینی پەکەکە باسی لەوەکرد، تێکۆشانی ئازادی ژنانی کورد ناکرێت بێ پاراستن بمێنێتەوە ولە ئێستادا ژنان ڕووبەڕووی قڕکردن بوونەتەوە. لەبەرانبەر ئەمەدا کەس ناتوانێت ڕێگە لە تێكۆشانی ئازادی ژنان بگرێت.

11:48

ناوەندی زانیاری لە بەغدا دانیشتنێکی دیالۆگی لەگەڵ چالاکوانانی مەدەنی و کاندیدەکانی هەڵبژاردنی داهاتوو ئەنجامدا، بە ئامانجی بەهێزکردنی ڕۆڵی ژنان لە پۆستە بڕیاردانی سیاسی و بەرزکردنەوەی ڕۆڵی ژنان لەڕێگەی هەمووارکردنەوەی یاساکان و زیادکردکردنی هۆشیاری سیاسی.

11:16

بەڕێوەبەرایەتی پۆلیسی دهۆک بڵاویکردەوە، شەوی ڕابردوو لە ئەنجامی ڕووداوێکی تەقەکردن خوشک و برایەک بریندار بوون، تۆمەتبارەکە دەستگیر کراوە و بریندارەکانیش لە ژێر چاودێری پزیشکیدان.