ڕۆژانە

12:39

ئیلهام ئەحمەد ڕایگەیاند، ڕێککەوتنی نێوان هەسەدە و حکومەتی کاتی قۆناغێکی نوێی سەقامگیری و گەشەسەندن بەدوای خۆیدا دەهێنێت و دەڵێت: ڕێککەوتنەکە گەڕانەوەی شکۆمەندانەی خەڵکی عەفرین و سەرێکانی بۆ زێدی خۆیان مسۆگەر دەکات.

12:18

ئەندامانی دامەزراوە و ڕێکخراوەکانی ژنان لە ئوسترالیا لە ڕێگەی گرتە ڤیدیۆییەکانەوە کە دەستەواژەی وەک ''ئێمە بە هاودەنگی لەگەڵتان دەوەستینەوە'' پشتیوانی خۆیان بۆ ژنان و خەڵکی ڕۆژئاوا دەربڕی.

10:45

هونەرمەندی کورد یەڵدا عەباسی کە لەکاتی سەردانیکردنی خانەوادەکەی لە مەشهەد، لەلایەن هێزە بەناو ئەمنییەکانی ئێرانەوە دەستبەسەرکرابوو، ئازادبوو.

09:25

ڕیهام حجۆ، ئەندامی کۆردۆناسیۆنی ''تاژێ'' ڕایگەیاند، کە پارادایمی ڕێبەرعەبدوڵا ئۆجەلان لە ڕۆژئاوای کوردستان بووەتە سیستماتیکی و ڕوونە کە هێزە هەژموونخوازەکان لە ڕێگەی شەڕی ئەمڕۆی ڕۆژئاوا دەیانەوێت ئەم پارادایمە تێک بدەن.

08:45

ڕوکەن ئەحمەد، ئەندامی کۆنگرە ستار، جەختی لەوە کردەوە، کە هێرشەکانی هەتەشە بۆ سەر باکوور و ڕۆژهەڵاتی سووریا، پیلانێکە دژی ئیرادەی گەل و بە سەرۆکایەتی دەوڵەتی تورکیا ئەنجام دەدرێت.

08:28

ڕێکخراوی کۆمەڵەی ژنانی رۆژهەڵات ڕایدەگەیەنێت، ئەوەی لە ڕۆژهەڵاتی کوردستان وئێران ڕوودەدات تاوانی دژی مرۆڤایەتییە و پێویستی بە وەڵامی ڕاستەقینەی نێودەوڵەتییە، داوا دەکەین بەرپرسانی کوشتن، سەرکوت بخەنە ژێر دادگایی ولێپرسینەوەی نێودەوڵەتی.

14:45

بەڕێوەبەرایەتی خوێندنگەکانی تل تەمرئەمڕۆ، لە وەڵامی بانگەوازی سەفەربەری،پێنووسەکانیان دانا و چەکیان هەڵگرت و بە بەستنی نیشانە پەیوەست بوون بە سەفەربەری، ئیدارەیخوێندنگەکە وتی: دەستکەوتەکانی شۆڕشی ١٤ ساڵەمان دەپارێزین.

14:07

هاوسەرۆکانی گشتیی دەم پارتی بۆ گفتوگۆکردن دەربارەی هێرشەکانی سەر ڕۆژئاوای کوردستان، لە ئەنقەرە سەردانی سەرۆکی گشتیی پارتی سەعادەتیان کرد.

13:26

ڕوانگەی سووری بۆ مافەکانی مرۆڤ ڕایگەیاند، لە مانگی یەکدا ٢٠ کەس لە ناوچەکانی ژێر دەسەڵاتی ئیدارەی کاتی سووریا کوژراون.

13:07

مارین لۆپێن، سەرۆکی فراکسیۆنی پارتی کۆبوونەوەی نیشتمانیی فەڕەنسا ڕایگەیاند، کوردەکان ئازایانە شەڕی دژی داعشیان کرد، ئێستا لەلایەن حکومەتە ڕۆژئاواییەکان و کۆمەڵگەی نێودەوڵەتییەوە پشتگوێ خراون و بەهۆی ترسنۆکی وڵاتان تەنها جێهێڵدران.

12:23

نوسینگەی هەماهەنگی کاروباری مرۆیی نەتەوە یەکگرتووەکان "ئۆچا" ڕایگەیاند، بەهۆی دووهەمین زریانی بەفربارین، دۆخی هەزاران ئاوارەبووی سووریا خراپتر بووە.

10:16

نودەم یامان، هاوسەرۆکی ئەنجومەنی گەلی مەخموور، باسی لە ئامانجی هێرشەکانی سەر ڕۆژئاوای کوردستان کردو ڕایگەیاند، بۆ ئەوەی پرۆسەی "ئاشتی و کۆمەڵگەی دیموکراتیک" بەرەو پێش بچێت، دەبێت دەستێوەردانەکانی سەربازی لە ڕۆژئاوای کوردستان ڕابگیرێت.

09:51

لە پەیمانگای هونەرە جوانەکانی چەمچەماڵ، پەیکەری کەزییەک بە درێژیی پێنج مەتر بۆ پشتیوانی لە بەرخۆدانی ڕۆژئاوای کوردستان دروست کرا.

09:45

کەژەکە سڵاوی لە بەرخۆدانی گەل کرد کە لە دژی هێرشە قڕکارییەکان لە ڕۆژهەڵات و ڕۆژئاوای کوردستان پەرەدەسێنن، سەرنجی خستەسەر پلانە ئێمپرالیستییەکان کە ڕۆژهەڵاتی ناوی دەگۆڕێت بۆ غەززە و بانگەوازی لە ڕای گشتیی جیهانی کرد بەرپرسیارێتی خۆی بگێڕێت.

09:31

بەیان محەمەد-

08:59

ژنانی ئەرمەنی و سریانی جەختیان لە خەباتی خۆیان لە دژی ئەو عەقڵیەتە کردەوە کە ئامانجی تێکدانی پێکەوەژیانی پێکهاتەکانی ناوچەکەیە و وتیان: ئێمە بە هاودەنگی و یەکڕیزیمان دەستکەوتەکانی شۆڕشمان بەدەستهێنا و ئەو ڕۆحە دەپارێزین.

08:27

ڕوکەن ئەحمەد، ئەندامی کۆمیتەی پەیوەندی و هاوپەیمانییەکانی سیاسەتی دیموکراتیکی کۆنگرەی ستار، باسی لە دۆخی سیاسی ئەم دواییەی سووریا کرد و وتی: ڕێککەوتنی ١٠ی ئادار بە هۆی دەستێوەردانی دەوڵەتی تورکیا نەگەیشتە ئەنجام.

07:45

یەرەئا و سەندیکای ڕۆژنامەنووسانی کوردستان، لێدوانە ڕق و کینەئامێزەکانی کەناڵی جەزیرە و هەردوو کەناڵی عەرەبییە و عەرەبیە حەدەس و کەسایەتی و دامەزراوە فەرمییەکانی دیکەیان لە دژی خەڵکی ڕۆژئاوا شەرمەزار کرد.

07:20

پێشڕەویکردنی نەوەی نوێ لە پشتیوانییەکان بۆ ڕۆژئاوای کوردستان، دەرخەری سەرکەوتنی گەلی کوردە بە دەستی نەوەکانی داهاتوو.

14:40

تەڤگەری ژنان و کۆنگرە ستار لە ناوچەی فورات لە ڕۆژئاوای کوردستان، هێرشەکانی سەر کۆبانێیان شەرمەزار کرد و بە هەڕەشەیەکی ڕاستەوخۆ بۆ سەر مافی ژیان و شکۆمەندیان زانی.