rojane

16:47

Înîsiyatîfa Jinan a “Pêdiviya Min bi Aştiyê Heye”, daxwaz kir ku ji bo pêkanîna aştiyê tundiya leşkerî ya li dijî jinan bê lêkolîn kirin û darizandin. Înîsiyatîf, daxwaza avakirina komîsyona heqîqetê ya jinan û berdana girtiyên siyasî kir.

16:36

Hejmara qurbaniyên şerê Îsraîlê yê li ser Xezayê ku ji Cotmeha 2023'an vir ve berdewam dike, gihîştiye 73 hezar û 419 mirî û 174 hezar û 364 birîndaran.

16:23

Li Îranê, darvekirina jina Kurd a 18 salî Dunya Mihemedî ku di temenê biçûk de hatî zewicandin, nîşana berdewama pêla darvekirin, cezayên mirinê û binçavkirinan e.

15:01

Îdiayên “Rojnamevan Sahar el-Hawlanî ya li Yemenê ji aliyê Hûsiyan ve hatiye binçavkirin, ev nêzî 7 meh in di hucreya yek kesî de tê girtin, du caran rastî êrîşê hatiye û tenduristiya wê xirab dibe”, fikaran zêde dike.

14:38

Di duyemîn salvegera şehîdên ragihandina azad Hêro Bahadîn û Gulistan Tara de, panelek hat lidarxistin. Di panelê de hat destnîşankirin ku divê rojnamevanên jin xwedî parêzbendî bin.

14:18

Dayîkên Şemiyê di hefteya hezar û 117’emîn a çalakiya xwe de li Qada Galatasarayê kom bûn û xwestin ku aqûbeta Mustafa Mehmet Gunkan ê ku 32 sal berê li Hênê di binçav de hatibû windakirin, bê aşkerakirin.

13:36

Bi armanca piştgirî , perwerde û pêşxistina her jinekê ku dixwaze di qadên cuda de serkeftî û pêşeng be, li bajarê Hesekê Saziya Xizmetên Civakî û Pêşxistina Jinan hat vekirin.

12:50

Li welatiya Kurd a li Bokanê Menîce Hoşnud, bi hinceta "propagandaya li dijî pergalê" sê meh cezayê girtîgehê hat birîn. Hoşnud berê jî bi heman hincetê hatibû darizandin û cezayê girtîgehê lê hatibû birîn.

11:24

Di panela bi mebesta 2’yemîn salvegera qetilkirina Gulistan Tara û Hêro Behadîn de, jinan bi gotarên cuda bal kişandin ser rola jinên rojnamevan a di saziyên ragihandinê yên Başûrê Kurdistanê de.

11:00

Yek ji girtiyên xwepêşandanên meha Çileyê Mehbûba Şabanî, ji bo protestokirina şert û mercên xirab ên girtinê yên beşa karantînayê ya girtîgeha Wakilabada Meşhedê û nezelaliya derbarê doza wê de, dest bi greva birçîbûnê kir.

10:30

Rayedarên Tûnisê eşkere kirin ku herî kêm 13 koçber piştî li peravên Tûnisê di riya koçberiyê de mirin, hatin dîtin. Di heman demê de tîmên rizgarkirinê karîbûn du kesên sax ji avê derxin, ku yek ji wan di rewşek krîtîk de ye.

09:37

Yekîtiya Ragihandina Jinê (YRJ) di salvegera qetilkirina rojnamevan Gulistan Tara û Hêro Bahaddîn de, ragihand ku êrîşên li ser çapemeniya azad sîstematîk in û da xuyakirin ku ew ê têkoşîna wan a ji bo gihandina rastiyê bidomînin.

21:26

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, bi dewirgirtina koma 217’an, di roja xwe ya hezar û 129’an de didome.

15:42

Li Sûdanê di dema şerê navxweyî de bi deh hezaran kes mirine û bi milyonan jî koçber bûne. Sendîkaya Rojnamevanên Sûdanê hişyariyê dide ku rojnamevanên ku bi awayekî bêalî rastiyan radigihînin, bi gef, girtin û armanckirinê re rûbirû ne.

15:35

Çalakvana Alman Paula Mayer, îdia kir ku piştî serdana xwe ya Bakurê Kurdistanê li Tirkiyeyê hatiye binçavkirin û ji aliyê karmendekî yekîneya koçberiyê ve rastî destdirêjiya zayendî hatiye.

15:16

Neteweyên Yekbûyî, ragihand ku ji sedî 94’ê nifûsa Xezayê hewceyê stargeh û pêdiviyên bingehîn in. Li gorî nirxandinên mirovî yên zêde dibin, çar ji her pênc malbatan di stargehan de bi birçîbûneke krîtîk re rûbirû ne.

15:08

Nişteciha Pîranşarê Naznîn Hûseyînpûr piştî ku serî li Rêveberiya Îstîxbaratê da, hate binçavkirin û birin cihekî nediyar. Malbata wê di nava fikarê de ye û ji ber ku agahî ji rewşa wê nayên girtin.

14:39

Li Komara Demokratîk a Kongoyê vîrusa Ebola bi lezeke mezin belav dibe. Rayedarên NY'yê hişyar dikin ku qada pêketî niha ji Fransayê mezintir e û şewb ji kapasîteya têkoşînê ya rêxistinan derbas bûye.

13:36

Li Tûnisê bi beşdariyeke xurt a jinan li dijî neheqî, zilm û xirabûna şert û mercên jiyanê meşek hate lidarxistin. Xwepêşanderan daxwaza berdana girtiyên siyasî û çareserkirina qeyranên aborî kirin.

11:10

Navenda Dewi bi sempozyûmek bal kişand ser girîngiya beşdariya jinan di avakirina aştiyê de. Pispor û çalakvanan tekez kirin ku tevlîbûna jinan a biryargirtinê ewlehî û aramiya civakî xurt dike.