rojane

14:56

Leyla Ebolhusnî ya 43 salî û dayîka du zarokan, ji ber kişandina dîmenan li firoşgehek hat girtin û bi tohmeta "dijminatiya li dijî Xwedê" cezayê darvekirinê lê hat birîn.

12:27

Dema ku hikûmeta Îranê weşandina statîstîkên xizaniya kûr bi ‘qedexeya ewlehiyê’ vedişêre, daneyên fermî nîşan didin ku bi sed hezaran zarok rûbirûyî kêmxurekiyê ne û hêza kirîna malbatan bi awayekî xedar daketiye.

12:04

Li gorî daneyên Ofîsa Koordînasyona Karûbarên Mirovî ya Neteweyên Yekbûyî, di êrîşên milîsên Hûsî yên li ser herêmên niştecihbûnê yên li Marib, Taiz û Mochayê de, 60 sivîl hatin kuştin ev yek bû sedema pêla koçberiyê û zirarên mezin.

11:39

Fermandariya Giştî ya YPJ’ê ragihand ku di 26’ê Tebaxê de bi şandeke fermî ya Wezareta Hundirîn a hikûmeta veguhêz re civîneke erênî pêk aniye û li ser entegrasyona YPJ’ê ya di nava wezaretê de danûstandin berdewam dikin.

11:34

Rojnamevanên jin ên beşdarî lansmana rapora Çavdêriya Azadiya Medyayê ya li Yemenê bûn, diyar kirin ku dorpêça metirsiya li dijî mafên rojnamevanan berfireh dibe û rojnamevanên jin dibin hedefa tundiya dîjîtal û tacîzê.

11:26

Civîna di navbera Fermandariya YPJ’ê û Wezîrê Karên Navxwe ê hikûmeta demkî ya Sûriyeyê de bi dawî bû. Li gorî çavkaniyên taybet, YPJ’ê dê weke yekîneyek taybet di nav wezaretê de cih bigire û xweseriya wê bê parastin.

11:17

Kongra Star bal kişand ser keda cangoriyên azadiyê ya di têkoşîna azadiya gelê Kurd de û got “Her gavê ku wan avêt, her ked û xebata ku wan dan û her fedakariya ku wan kir, îro rêya azadiyê ya ku em li ser dimeşin ronî dike.”

09:34

Li rojhilatê Cezayîrê ji ber germahiya zêde û bayê zêde şewat derket û li daristanan belav bû. Di encama şewatan de herî kêm 12 kesan jiyana xwe ji dest da, 54 kes birîndar bûn û bi hezaran hektar erdên çandiniyê zirar dîtin.

08:35

Mamoste û Parêzvana Mafên Jinan Kelsûm Kerîm diyar kir ku ew bi jinên Rojava û jinên Bakur serbilind e û got: “Ew bûne sembola jinên her çar aliyên Kurdistanê. Di dîrokê de jin beşdarî hemû cureyên xebatên neteweyî bûne.”

08:03

Parêzer Jiyan Kaya êrîşên li dijî Kurdan nirxand û diyar kir ku girtina dest a bûyeran wek ‘şexsî’ pirsgirêka pergalî vedişêre û got: “Aştiya civakî tenê dema ku hemû nasname tê xwedî hesta aydiyet û ewlehiyê bin pêkan e.”

20:36

Baranên zêde û lehiyên ku zêdetirî du meh in li Yemenê didomin, bûne sedema mirina bi dehan kesan û zirardîtina bi hezaran malbatan. Berdewama şert û mercên hewayî yên nebaş fikara zêdebûna zirarên mirovî û madî li welêt zêde kiriye.

16:44

TJA’yê bal kişand ser madeyên çalak ên dermanan ku di laşê Rojîn Kabaîş de hatin dîtin û daxwaz kir ku hemû daneyên adlî û tibî bixin nav pêvajoya lêpirsînê û gumanên li ser mirina wê werin zelalkirin.

16:31

Hat diyarkirin ku Abdullah Ocalan dê bibe beşek ji Komîsyona Jêrîn a Bêçekkirin û Koordînasyona Stratejîk û dê Komîsyona Jêrîn bê damezrandin ku di bin çavdêriya wî de li Tirkiye, Ewropa û Herêma Başûrê Kurdistanê bixebite.

15:57

Rêxistina Tenduristiyê ya Cîhanê, der barê zêdebûna metirsiya felcê ya li Yemen û Qiloça Efrîkayê de hişyarî da. Kêmasiya aşîkirinê û astengiyên ewlehiyê, metirsiya belavbûnê zêde dikin.

15:04

Li Xezayê hejmara kesên ku di encama êrîşên Îsraîlê de mirin roj bi roj zêdetir dibe. Wezareta Tenduristiyê piştrast kir ku hê cenazeyên di bin kavilan de ne û tîmên rizgarkirinê di gihîştina deverên hilweşiyayî de zehmetiyan dikşînin.

13:42

Meclîsa Jinan a DEM Partiyê derbarê mirina gumanbar a Rojîn Kabaiş de daxuyaniyek da. Daxuyaniyê destnîşan kir ku saziyên dewletê hewl didin kuştina jinan veşêrin û daxwaz kirin ku bersiva pirsên di rapora Saziya Tiba Edlî de bên dayîn.

12:30

Tora Bijîşkên Sûdanê hişyarî li ser zêdebûna pevçûnan kir û bang kir ku sivîl nebin hedef. Di êrîşên hêzên Tevgera Rizgariya Gelê Sûdanê, li Kordofana Başûr de 27 kesên ku di navbera wan de zarok jî hebûn mirin.

12:17

Komek ji navdarên cîhana zanistî û rojnamegeriyê ya Îranî diyar kir ku kontrolkirina çalakiyên akademîk ji aliyê Wezareta Îstîxbaratê ve dê saziyên zanistî zêdetir bike bin zext û kontrola siyasî.

10:48

Çavdêriya Mafên Mirovan a Sûriyeyê di heşt mehên pêşîn ên vê salê de 334 sûc û kuştinê belge kir ku di encamê de 362 kes mirin. Ev nîşaneyek e ku berfirehbûna sûc û zêdebûna pirsgirêkên ewlehiyê li gorî sala borî nîşan dide.

10:33