rojane

10:55

Akademîsyen û kesayetên siyasî yên ji seranserê cîhanê, nameyek nivîsandin û daxwaza rawestandina darvekirin û tepeserkirinên li Îranê kirin. Di nameyê de der barê encamên şer û pêkanînên DYE-Îsraîlê de hişyarî hate dayîn.

10:32

Xelata Chatham House ya 2026’an, ji ber "wêrekî û berxwedêrî ya wan a li hemberê zextên bipergalî ya li ser bingeha zayendî" ji jinên Efganistanê re hate dayîn.

09:58

Navenda “El-Lûceyîn” a li Suweydayê, bi pêşangeheke berfireh mîrata hunerî ya nêzî 8 hezar berhemên zarokan û xwendekaran nîşan dide; bi vê yekê re hem bîranînên nifşên berê tên jiyandin hem jî guherînên di cîhana zarokan de tên belgekirin.

09:23

Cîlan Berces a ku di Fermana 74’an de bû sembola îradeya jinên Êzidî, di 12’emîn salvegera şehadeta xwe de li Tilezêrê hat bibîranîn. Di bîranînê de hat xwestin ku hestûyên Cîlan û hemû windayan ji gorên komî werin derxistin.

08:53

Çalakvan Dilsoz Zangana diyar kir ku ji ber qeyrana aborî û nebûna pergaleke dadwer her wiha gendeliya ku her di her warî de heye herî zêde jin û malbatên kêmdahat zirarê dibînin û rastî astengiyan tên.

08:00

Endama Têkiliyên Dîplomatîk a Kongra Star Emîna Osê diyar kir ku peymana 29’ê Çileyê doza Kurd û ya jinan bi dawî nake û destnîşan kir ku cihgirtina jinan di avakirina Sûriyeya nû de stratejiyeke sereke ye.

17:05

Li gorî raporek nû ya Çavdêriya Mafên Mirovan, zêdebûna êrîşên niştecihan a li Şerîaya Rojava ya ji destpêka sala 2023’an û vir ve bûye sedema koçberbûna niştecihên 107 herêm û wargehên Filistînî û bandor li nêzî 5 hezar û 900 kesan kir.

15:45

Li gorî Rêxistina Navneteweyî ya Koçberiyê, di rojên dawî de li Sûdanê, ji ber zêdebûna pevçûn û lehiyan nêzî 200 hezar kes neçar mane koç bikin. Rêxistinê hişyar kir ku krîza mirovî bandorê li 8.6 milyon mirovên bêwar dike.

14:02

Mayîn û bermahiyên şer ên ji şerê bi salan e li Sûriyeyê domiya man, gefê li jiyana sivîlan dixwin. Di meha Tebaxê de 10 kesan jiyana xwe ji dest dan û 19 kesên ku piraniya wan jin û zarok bûn jî birîndar bûn.

13:44

Li ser cezayê 4 salan ê girtîgehê yê li ser stranbêj Hîva Seyfîzade hatiye birîn, Rêveberê Mûzîkê yê Îranê Hemîdreza Nûrbexş bertek nîşan da û xwest ku rola jinan di hunerê de neyê paşguhkirin.

13:05

Di semînera neteweyî ya li Sidi Bouzida Tûnisê de hat gotin ku “Mekanîzmayên ku dewletê ji bo parastina jinên ku di qada çandiniyê de dixebitin destnîşan kirine, nekarîne jinan biparêzin.”

12:56

Rêxistinên jinan daxwaza parastina parêzer û rojnamevanên jin ên ku dema beşdarî çalakiyên mafên sivîl û mirovan bûn, li Niyalayê hatin binçavkirin kirin û diyar kirin ku divê tavilê bên berdan.

11:26

Li gel dewamkirina girtina kafe û xwaringehan a bi hinceta “binpêkirina exlaqê îslamî”, Serokê Dadweriya Ûrmiyeyê ragihand ku 14 îdianame hatine derxistin û zextên li ser karsaziyan zêde bûn.

11:04

Tora Jinên Sûdanê banga baştirkirina rewşa jinan û tevlîkirina wan di pêvajoya siyasî û însiyatîfên aştiyê de kir. Torê tekez kir ku berdewamiya pevçûnê li Kordofana Başûr û Çiyayên Nuba êşên mirovî girantir kiriye.

10:04

Di çapa 8'an a Xelata Asiya Cebbar de ji 155 romanên bi sê zimanan, 26 berhem man lîsteya dirêj; kesên serkeftî dê di Cotmehê de werin ragihandin.

09:54

Zanyara siyasî Dr. Arzu Yilmaz, diyar kir ku piştî yasa çarçoveyî hevsengiya hêzê ya li Rojhilata Navîn ji nû ve teşe girtiye û destnîşan kir ku helwestên Îran, Îsraîl û welatên Kendavê dê di serdema nû de diyarker bin.

08:53

Îslam El-Balbisî di navbera pevçûnên li Sûdanê û şerê li Xezayê de, du caran koçberî dîtiye. Ew bi tena serê xwe bi zarokê xwe re bi birçîbûn û tirsê re rûbirû maye û hewl dide tevî hemû şert û mercên giran li ser piyan bimîne.

08:18

Seroka Desteya Jin a bajarê Kobanê Macîde Hesûn, metirsiyên xwe yên der barê rewşa ewlehiyê ya li Sûriyeyê de bi gotinên; “Pergala ewlehiyê li Sûriyeyê gelek lawaz e û bi xwe re metirsiyên gelek mezin tîne” şîrove kir.

22:51

Welatiya Kurd a 18 salî Zehra Rabbanî, ku di dema girtina xwe de temenê wê 17 sal bû, ji aliyê dadgeheke Îranê ve bi hinceta beşdarbûna xwepêşandanan bi 15 meh û 2 roj cezayê girtîgehê û 6 milyon Tûmen cezayê pereyan hate mehkûmkirin.

21:04

Eniya Wekhevî û Mafên Jinan, bi hevkariya Tora Rojnamevanên Jin ên Maghrebê, der barê veguhestina Qanûna Rewşa Kesane ya di medyayê de rûniştineke diyalogê li dar xist.