rojane

13:53

Dayîkên Şemiyê di çalakiya xwe ya hefteya hezar û 123’yan de, aqûbeta Îbrahîm Gundem ê ku 35 sal berê li Amedê di binçavan de hat windakirin, pirsîn û banga darizandina kujeran kirin.

13:27

Li gorî rapora nû ya Neteweyên Yekbûyî, ji ber pevçûn û krîzên berdewam li Rojhilata Navîn û cîhanê, bi milyonan jin û keç bi birçîbûnê re rûbirû ne. Rêxistin, balê dikşîne ser bandorên newekheviya zayendî û bang kir ku mafên jinan werin parastin.

12:55

Çavdêriya Mafên Mirovan a Sûriyeyê eşkere kir ku ji destpêka vê salê ve li çend herêmên Sûriyeyê di 401 bûyerên sûc de 438 kes hatine kuştin. Hat diyarkirin ku ev yek pirsgirêkên ewlehiyê û tundiyê zêdetir dike.

12:28

Li gorî rapora DFG’ê ya meha Îlonê, 15 rojnamevan hatine binçavkirin, 8 hatine girtin û gihîştina bi hezaran naverokên medyaya dîjîtal hatiye astengkirin. DFG’ê tekez kir ku astengiyên li ser ragihandinê divê wekî pirsgirêkên çavdêriyê bên hesibandin.

11:39

Bi nêzbûna 10’ê Cotmehê, roja cîhanî ya li dijî cezayê darvekirinê, 87 rêxistinên mafên mirovan û saziyên civaka sivîl banga rawestandina hemû cureyên darvekirinên li Îranê kir.

10:06

Çavdêriya Mafên Mirovan a El Cezîre înfazên girseyî yên bêdarizandin ku li herêma Umm Bedir a Eyaleta Kordofan a Bakur bûne sedema mirina 23 sivîlan, kir rapor û diyar kir ku ev kiryar binpêkirinek giran a hiqûqa mirovî ya navneteweyî ye.

09:03

Li Efganistanê bi vegera Talîbanê re tundî û bûyerên kuştina jinan gihîştin asta herî jor. Ev rapora ku bûyerên dawî radixe ber çavan, nîşan dide jin ji mafên xwe yên bingehîn bêpar in û bi metirsiya kuştin, xwekujî û zextên sîstematîk re rûbirû ne.

15:34

Sager Muradî, di kategoriya jinan a di bin 67 kg de li hemberê Ozoda ya ji Ozbekistanê biser ket û bû yekem jina Îranî ku di dîroka Lîstikên Asyayê de madalyaya zêr bi dest xist.

15:06

Ji ber xirabûna rewşa ewlehî û mirovî ya li herêma Nîla Şîn a başûrê rojhilatê Sûdanê, nêzî 7 hezar kes ji nû ve ji cih û warên xwe bûn. Hate diyarkirin ku bi deh hezaran kes bi xetereya birçîbûn û mirinê re rûbirû ne.

14:40

Tora Têkoşîna li dijî Tundiyê ya Amedê, ji bo protestokirina kuştinên jinan û mirinên gumanbar ên jinan, ji 6'ê Cotmehê û pê ve li ber Edliyeya Amedê dest bi "Nobeta Jin, Edalet û Bîrê” dike.

13:51

Neteweyên Yekbûyî, ji ber zêdebûna pevçûnên sînor û teqînên ji ber bermahiyên şer, hişyariya zêdebûna xetereyên li ser sivîlên li Efganistanê da.

13:41

Aktora Sûrî Sulaf Fewaxircî bi serkeftina fîlmê ‘Land of Angels’, ji Xezayê ber bi qada herî mezin a cîhanê (Oscar) ve rêwîtiyeke bêhempa pêk tîne.

12:47

Dadgeha Îranê cezayê qamçî û qedexeya hunerî li stranbêj Parestoo Ahmadî û 8 muzîkjenan birî. Rêxistina Efûyê ev cezayê hovane şermezar kir û bang kir ku demildest bê rawestandin.

11:27

Şerê bêdawî û hişkesaliya ku çandiniyê sekinandiye, Sûdanê ber bi karesateke mezin ve dikişîne. Li herêma Cebel Marra zarok ji ber kêmbûna xurekê û hilweşîna pergala tenduristiyê jiyana xwe ji dest didin. Heya niha 31 zaroj jiyana xwe ji dest daye.

11:15

Di semînera ku ji aliyê "Foruma Dayîk û Zarok" û Yekîtiya Jinên Iraqê ve hate lidarxistin de, bandorên Yasaya Sivîl a Caferî ya li ser mafên welayet, nefeqe û mafê hevdîtina zarok û bandorên wê ya li ser malbatên Iraqî hatin nîqaşkirin.

10:42

Di civîna 63’yemîn a Konseya Mafên Mirovan a Neteweyên Yekbûyî de navê 46 welatan hate dayîn ku ev 46 welat ji bo rawestandina darvekirinên ji hêla rejîma Îranê ve tê kirin daxuyaniyek hevbeş dan.

09:47

08:57

Huner û parastina jîngehê di yek kesî de: Çalakvana Helebçeyî Hosna Mehmûd, bi berhemên xwe yên ku ji bermahiyan diafirîne, hêjayî Xelata Ozonê hatiye dîtin.

08:00

Amed Dilpak yekem jin e ku li Rojava ofîsek taybet a fêrkirina ajotinê ji bo jinan vekir. Bi vê projeyê ew astengiyên civakî û tirsê ji holê radike. Heta niha nêzî 600 jin fêrî ajotinê kirine û dibêje: “Bi xwe bawer bin.”

20:11

Çalakiya Nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, di roja xwe ya hezar û 170’an de bi dewirgirtina koma 223’an didome.