rojane

21:43

Parêzera mafên mirovan a Îranî Nesrîn Sotudeh, ji ber têkoşîna xwe ya li dijî cezayê darvekirinê û serpoşa mecbûrî hate xelatkirin. Ji ber girtîgeh û qedexeyan, li ser navê Nesrîn Sotudeh keça wê Mehraveh Khandan xelat wergirt.

21:15

Li Îranê, girtiyên jin ên li dijî kamerayên tuwaletan û binpêkirinên mafan derketin, bi qedexeya serdana malbatê ji 3 hefteyan heta 9 hefteyan hatin cezakirin.

15:56

Li Kelarê Pêşangeha Sêyemîn a Hunerên Dîtbarî û Karên Destan a Jinên Germiyanê bi beşdariya 37 hunermendan vebû. Di wêneyan de aliyên cuda yên ked, jiyan û zehmetiyên jinan tê nîşandan.

15:37

Ji ber baranên dijwar û lehîyên ku li eyaleta Uttar Pradeş a Hindistanê û li Nepalê sê roj in bandora xwe didomînin, herî kêm 81 kes li Hindistanê û 27 kes jî li Nepalê mirin. Xebatên lêgerîn û rizgarkirinê yên li herêmê bi lez berdewam dikin.

14:25

Li herêma Şah Doşamşîra ya Kabulê, 20 jin ji aliyê hêzên Talîbanê ve hatin binçavkirin. Digel ku 4 jin hatine berdan, 16 jinên din hînî nehatine berdan. Hate ragihandin ku ev operasyon di çarçoveya zextên li ser cil û berg û mafên jinan de pêk hatiye.

12:56

Rêxistin û saziyên jinan û rêveberên jin ên Rêxistinên DBP’ê û DEM Partiyê yên Amedê têkildarî jinên hatine kuştin, diyar kirin ku tiştê pêşî li kuştina jinan bigre, civaka demokratîk û rêxistinkirî ye.

12:44

Li Tehran, Şûş, Ahwaz, Reşt û Îsfahanê, teqawîdan li dijî şert û mercên jiyanê û mûçeyan xwepêşandan li dar xistin. Daxwaza azadkirina girtiyan û rakirina cezayê darvekirinê kirin.

12:26

Li Qamişloya Rojavayê Kurdistanê, mamoste û xwendekaran li dijî biryara sînordarkirina fêrkirina Zimanê Kurdî bi xwepêşandanekê nerazîbûna xwe nîşan dan û daxwaza parastina mafê fêrbûna bi zimanê dayîkê kirin.

12:03

Li Tunisê di demên dawî de zextên li ser çalakvan û parêzvanên mafên mirovan zêde bûne. Rêxistina Efûyê ya Navneteweyî hişyarî da ku parêzvana mafên mirovan Siham Ben Sederin bi cezayê 25 salan û xetereya vegera zindanê re rûbirû ye.

11:51

Li gorî agahiyên kanala Telegramê ya 'United Students', ji ber biryara bêagahî û bêyî rapora fermî ya rektorê Zanîngeha Alzahrayê ya Îranê, ketina 150 xwendekaran ji bo nava kampusê hatiye qedexekirin.

11:32

Li gorî SOHR’ê, ji destpêka salê ve li Sûriyeyê di encama çalakiyên tirsnak ên wek îşkence, xeniqandin û şewatindanê de 35 zarok mirine. SOHR’ê da zanîn ku rêxistinên mafên mirovan her tim daxwaza lêpirsînên lezgîn û darizandina sûcdaran dikin.

09:55

Di salên dawî de li Îranê sepandina cezayê darvekirinê her ku diçe zêde dibe. Di 8 mehên ewil ên sala 2026'an de herî kêm 18 jin hatine darvekirin; zext û cezayên mirinê yên li ser jinan di qadên siyasî û civakî de roj bi roj giran dibin.

08:35

Hevberdevka Komîsyona Hiqûq û Mafên Mirovan a Partiya DEM’ê Sevda Çelîk Ozbîngol got ku ji bo serkeftina pêvajoyê divê mekanîzmayên çavdêriyê bên xurtkirin, girtî werin berdan û statuya Abdullah Ocalan bi awayekî rast bê pênasekirin.

08:00

Rêveberiya Fakulteya Çand û Hunerê ya Jin, Evîn Paşo diyar kir ku hebûna jinan di qada perwerdeyê de weke metirsiyeke, nîşaneya feraseta ku rola jinan kêm dike ye û got: “Feraseta qebûlnekirinê Sûriyeyê kir nava krîzê.”

21:20

Akademiya Lêkolînên Perwerdehiyê li Qamişloyê panêlek li dar xist. Di panelê de rola sereke ya jinan a di parastina zimanê dayikê de hate destnîşankirin û daxwaza mîsogerkirina mafên zimanî di destûrê de hate kirin.

16:10

Bi bidawîhatina roja 8’emîn a Lîstikên Asyayî, jinên Îranî heta niha di pêşbirkên jinan de bi giştî du zêr, heft zîv û du bronz, 11 madalya bi dest xistine.

15:35

Li Tell El-Abqainê gora hespê şer û stelên hiyeroglîfîk ên Serdema Qraliyeta Nû hatin dîtin; ev keşif rola leşkerî û jiyana kelehên sînorî yên wê demê ronî dike.

15:04

Hevseroka Giştî ya DEM Partiyê Tulay Hatîmogûllari di Kongreya Erziromê de axivî û diyar kir ku pêvajo di qonaxek nû de ye û got: “Pêwîstiya Tirkiyeyê bi rêveberiyek edemokratîk heye. Em Kurd, Elewî, jin ji rêveberiya demokratîk re amade ne.”

11:11

Hejmara 187’an a Kovara Jinê bi berga ‘Polîtîkayên Nefeqe û Xizaniya Zayendî’ derket pêşberî xwendevanên xwe.

11:06

15 partî û rêxistinên siyasî ji beşên cuda yên muxalîfên Îranê li Osloyê belgeyeke hevbeş pejirandin û îmze kirin. Di belgeyê de li ser wekheviya zayendî, parastina mafên mirovan û têkoşîna li dijî cezayê darvekirinê tê destnîşan kirin.