ڕۆژانە

15:39

لە شیراباد سەدان خێزان لە گەرمای هاویندا بێ ئاو ماونەتەوە. چالاکوانان هۆشداری دەدەن کە ئەگەر ڕێکاری بەپەلە نەگیرێتەبەر، نەبوونی ئاوی خاوێن دەبێتە هۆی کارەساتێکی گەورەی تەندروستی.

14:02

لە چوارچێوەی کەمپینی "نا بۆ ئەشکەنجە"دا، کۆمەڵەی دایکانی ڕفێندراوان گەواهی و شایەتحاڵی بەئازاری ئەو کەسانەیان خستە ڕوو کە لە زیندانەکان ڕزگاریان بووە، و داوای ئازادکردنی بێ مەرجی سەرجەم زیندانیانیان کرد.

12:03

دارستانەکانی بەڕووی چیاکانی زاگرۆس جارێکی تر لە ناو ئاگردا سووتان. سەرەڕای هاواری چالاکوانان و خۆبەخشانی خۆجێیی، لاوازیی ژێرخان و بێدەنگیی دامودەزگاکانی دەوڵەت کارەساتەکە گەورەتر دەکەن. ئەمە لە ڕۆژهەڵاتی ناوەڕاستدا بووەتە ناوەندێکی هەمیشەیی کڵپەی ئاگرەکە

11:11

ڕۆهات خەلیل، بەڕێوەبەری دەستەی ژنان لە کانتۆنی جزیرە دەڵێت: لە پەیوەندیدان لەگەڵ دەستەی کاروباری خێزان و دانیشتووانی سووریا بۆ پاراستنی دەستکەوتەکانی شۆڕشی ژنان و یەکخستنی دەستەی ژنان و دووەمین کۆبوونەوەی هاوبەشیان هەفتەی داهاتوو بەڕێوەدەچێت.

08:19

ماردین موحسین:ئابووریی سەربەخۆ بۆ ژنان زۆر گرنگە؛ چونکە دەیانپارێزێت لە توندوتیژیی کێشە کۆمەڵایەتییەکان و ڕێگەیان پێدەدات سەربەخۆیانە بڕیار بدەن، بەتایبەت بۆ ژنانی باشوور کە بەهۆی چەندین ڕێگرەوە ناتوانن بە ئاسانی بڕیاری ئازادانەی خۆیان بدەن.

15:02

بڕیارەکەی دادگای تێهەڵچوونەوەی تونس بۆ پەسەندکردنی سزای هەشت ساڵ زیندانیکردن لە دژی سەعدیە مسباح، بەرگریکاری مافی مرۆڤ، ڕەخنەی بەرفراوانی گروپەکانی مافی مرۆڤی لێکەوتەوە، لەکاتێکدایە هۆشدارییەکان لەبارەی هەڵکشانی مەترسیدارەوەیە.

14:04

بەپێی ئامارەکانی ناوەندی ئۆپەراسیۆنە فریاگوزاریەکانی وەزارەتی تەندروستی گشتی، کۆی گشتیی کوژراوانی هێرشە بەردەوامەکانی سەر ناوچە جیاوازەکانی لوبنان لە ٢ی ئادارەوە گەیشتووەتە چوار هەزار و ١٩٢ کەس و ١٢ هەزار و ١٧١ کەسیش بریندارن.

13:44

ڕاپۆرتی پشکنینی جەستەی ڕۆژڤەلات کیزماز کە لە هەلومەرجێکی نهێنیدا گیانی لەدەستداوە، ئاستێکی نزمی دی ئێن ئەی پیاو دەرکەوتووە، کە لە نمونەیەکدا، لە یەکێک لە نینۆکەکانی وەرگیراوە، سەرەڕای ئەو پرسیارانەی کە لە ڕاپۆرتەکەدا سەبارەت بە بارودۆخی مردنەکەی وروژێنرا

12:28

بەردەوامی بانگهێشتکردنی قوتابیان و تۆمارکردنی سکاڵای دیسپلینی لە دژیان لە زانکۆی خواجەنسیر لدین توسی نیگەرانییەکانی زیاتر کردووە، کە لیژنە دیسپلینییەکان وەک ئامرازێک بۆ فشارخستنە سەر خوێندکارانی ناڕەزایەتی و سنووردارکردنی مافی ناڕەزایەتییان بەکاردەهێنن.

11:02

لە کاتێکدا شارەوانی تازە هەڵبژێردراوی (ئیپکیۆلو) کە دوای کۆتایی هاتنی قەیومی حکومەت کۆنترۆڵی خۆی وەرگرتەوە، پێداچوونەوەی بە کار و پڕۆژەکانی خۆیدا کرد لە بوارەکانی ژنان و گەنجان، هاوڵاتیان داوای دامەزراندنی زیاتری پارکی گشتی و پەرتوکخانە دەکەن.

08:59

بەندکراوی کورد کەژاڵ ڕەحمانی کۆتایی بە مانگرتن لە خواردنی ١٨ ڕۆژە هێنا، بەڵام داکۆکیکارانی مافی مرۆڤ ڕایانگەیاند، کە لە ئەنجامدا باری تەندروستی تێکچووە.

08:47

لە شاری سلێمانی ناوەندی ئەرشیف و پەرتوکخانەی ژنی کورد، بە ئامادەبوونی بەشێک لە ژنان و چالاکوانان، پانێڵێکی بە ناونیشانی “ئاوەزمەندی کورد لە لایلایە” ڕێکخست، تییدا باس لە لایلایەی کوردی کرا.

15:54

ڕاپۆرتێکی نەتەوە یەکگرتووەکان دەڵێت بەهۆی ململانێکانەوە ٢٥٨ ملیۆن منداڵ لە جیهاندا زیانیان بە خوێندنیان گەیشتووە، لەوانەش ٩٣ ملیۆن منداڵ بەتەواوی لە خوێندن بێبەش بوون.

15:33

سەرەڕای ڕێککەوتنی ئاگربەست، هێزەکانی ئیسرائیل هێرشەکانیان بۆ سەر کەرتی غەززە و کامپەکانی پەنابەران چڕتر کردووەتەوە، کە بووەتە هۆی کوژران و وێرانکارییەکی بەرفراوان. هاوکات نەتەوە یەکگرتووەکان ئیسرائیل تۆمەتبار دەکات بەوەی بە ئەنقەست منداڵان دەکاتە ئامانج.

15:08

مهرنگ بەلوچ، چالاکوانی مافی مرۆڤ کە بە داکۆکیکردن لە خێزانی ئەو کەسانەی کە بێسەروشوێنکراون لە بەلوچستان ناسراوە،دوای دادگاییکردنێک کە لە زیندانێکی پارێزگای بەلوچستانی پاکستان بەڕێوەچوو، لەگەڵ سێ چالاکوانی دیکەدا سزای زیندانی هەتاهەتایییان بەسەردا سەپێندرا

14:52

دانیشتووانی شاری کۆبانێ بۆ ١١یەمین ساڵیادی کۆمەڵکوژیی کۆبانێ و شەشەمین ساڵیادی کۆمەڵکوژیی هەلینجێ ڕێپێوانێکی جەماوەرییان ئەنجامدا. ئەو ژنانەی بەشدارییان لە ڕێپێوانەکەدا کردبوو، ئاماژەیان بەوە کرد کە ئەوان تووڕەیی خۆیان دەگۆڕن بۆ هێزی تێکۆشان و بەرخودان.

14:10

ئازار عەزیما یەکەمین ژنە گۆرانیبێژی ناسراوی ئیسفەهان و کەسایەتییەکی دیاری بەرنامەی ڕادیۆیی "گوڵ" بوو، کە لە سەرەتای مۆسیقای ئێراندا دەنگ و کاریگەرییەکی بەرچاوی هەبوو، بەڵام ناو و میراسەکەی لە یادەوەری کولتووری فەرمیدا وەک شایستەی خۆی نەپارێزراوە.

13:33

ئەمڕۆ لە شاری سلێمانی، بە مەڕاسیمێکی تایبەت و بە ئامادەبوونی ژمارەیەکی بەرچاو لە نووسەران، چالاکوانان، پارێزەرانی مافەکانی ژنان، سێیەمین ساڵیادی دامەزراندنی "ناوەندی ئەرشیف، توێژینەوە و پەرتوکخانەی ژنی کورد" بەرز ڕاگیرا.

12:37

نووسینگەی مافی مرۆڤی نەتەوە یەکگرتووەکان سەدان ڕووداوی توندوتیژی سێکسی لە سودان بەڵگە کردووە. لە هەمان کاتدا هۆشداریدا کە ژمارە ڕاستەقینەکان زۆر لەوە زیاترن، چونکە ئەم پێشێلکارییانە وەک چەکێکی شەڕ لە ململانێکاندا بەکادەهێنن

11:49

سیبێل ئوزون، جێگری سەرۆکی پارتی بزووتنەوەی کرێکاران (EHP) دەڵێت: سیاسەتەکانی ناتۆ ماڵوێرانی و مەینەتی بەسەر خەڵکدا دەهێنن، جەختی لەسەر پێویستیی یەکگرتوویی هێزەکانی ئۆپۆزسیۆن لە تورکیا و باکووری کوردستان لە خەباتێکی هاوبەش بۆ ئاشتی کردەوە.