ناوەندی هەواڵ

 

لاورا کۆرادی، کۆمەڵناسی ئیتاڵی کە لە ١٢هەمین کۆنفرانسی جیهانی ژنولۆژی لە تایلەند کە لە ٢٦-٣٠ی ئایار بەڕێوەچوو بەشداری کرد و خەڵاتی "پێشکەشکردنی سەرکەوتوو"ی وەرگرت. 

 

لۆرا کۆرادی بەهۆی پێشکەشکردنی زارەکی بە ناوی"بنیاتنانی ژنۆلۆژی لە ڕەخنەی ساندرا هاردینگ لەسەر زانستی فێمینیستی" بە شایانی خەڵات دەستنیشان کرا. 

 

لاورا کۆرادی، کۆمەڵناس و ئەکادیمیست، بڕوانامەی دکتۆرای لە کۆمەڵناسیی زانکۆی کالیفۆرنیا تەواو کردووە. لاورا کۆرادی نزیکەی ١٥ کتێب و سەدان بابەتی ئەکادیمی نووسیوە. ئێستا لە زانکۆی کالابریا لە بەشی جێندەری و میتۆدۆلۆژیدا وانە دەڵێتەوە. لاورا کۆرادی ڕێکخەری Decolonial Feminist Queer LAB ە. 

 

لاورا کۆرادی هەمیشە لە خەباتی ئەکادیمی و فێمینیستەکانیدا لەگەڵ بیرۆکەکانی "ڕێبەر ئاپۆ" لە پەیوەندیدا بووە و چەمکی ژنۆلۆژی و ئەزموونە کردەییەکانی تەڤگەری ئازادیی ژنانی کورد وەک ئاماژەیەکی ڕەخنەگرانە دژی لێکۆڵینەوەی جێندەری جیهانی پێناسە دەکات.