ڕۆنیدا حاجی 

 

حەسەکە-دوای ڕێککەوتنی نێوان دیمەشق و قەسەدە و جێبەجێکردنی بەشێک لە بڕگەکانی ڕێککەوتننامەکە، گرنگیی ئەنتیگراسیحنی دیموکراتیک، بەتایبەتی لە کاتێکی وا هەستیاردا کە هەموو ڕۆژهەڵاتی ناوەڕاست لە ململانێدایە، دامەزراوە کوردییەکان بەردەوامن لە کارەکانیان. سەبارەت بەو پرسە، ژیان دێرک، راوێژکاری خۆبەڕێوەبەری کانتۆنی جزیرە هەڵسەنگاندنی گرنگی بۆ ئاژانسەکەمان کرد.

 

"ناکۆکییەکان لە سووریا کۆتایی نەهاتووە"

ژیان دێرک ئاماژەی بەوەدا کە هێشتا ناکۆکی لە سووریا کۆتایی نەهاتووە، پێویستی بە ئەنتیگراسیۆنی دیموکراتیک هەیە و بەم شێوەیە درێژەی بە قسەکانی دا: ئێمە لە جەنگی جیهانی سێیەمدا دەژین؛ ئاگر لە دەوروبەرمان هەیە و سووریا ماوەی ١٤ ساڵە لەم ململانێ و ئاگرەدا دەژی، بۆیە سووریا و ڕۆژهەڵاتی ناوەڕاستیش پێویستیان بە پرۆژەیەکی دیموکراتیک هەیە، ئەنتیگراسیۆنی دیموکراتیک لەم کاتەدا زۆر گرنگە، لە سووریا دوای ڕووخانی ڕژێمی بەعس، حکومەتێکی کاتی هەیە، بەڵام قەیرانی سووریا کۆتایی نەهاتووە و چارەسەریش نەکراوە.

 

"دەیانەوێت سوریا بەرەو ناسەقامگیری ببەن"

ژیان دێرک وتی: ئێمە بینیمان لە کەناراوەکانی سووریا و لە سوەیدا و ئێستاش لە ناوچە کوردنشینەکان چی ڕوویدا، بۆیە هێشتا سووریا سەقامگیری بەدەستنەهێناوە و ئاسایش جێگیر نەبووە، لە شەڕێکی لەو شێوەیەدا و بە دروستکردنی ململانێ لە نێوان پێکهاتەکاندا ئامانج ئەوەیە سووریا بەرەو ناسەقامگیری ببەین، بۆیە ناتوانین بڵێین سیستەمێکی دیموکراتیک لە سووریا هەیە، چونکە لە لایەک عەقڵیەتی بەعسی بەردەوامە و لە لایەکی دیکەوە دەست، کەسانێک هەن کە خۆیان وەک مۆدێلێک دەبینن و دەیانەوێت مۆدێلێکی بیانی لە سووریا جێبەجێ بکەن لەگەڵ ئەوەشدا گەلی سووریا خاوەنی کولتووری خۆیەتی و چەندین ئایین لە سووریا هەن کە هەزاران ساڵە پێکەوە ژیاون و مۆدێلی بیانی قبوڵ ناکەن بۆیە لە زۆر شوێن کێشە هەیە.

 

‘ئێمە خاوەن هێزین بۆ شکستپێهێنانی مەترسیدارترین هێز’

ژیان دێرک ئاماژەی بەوەشکرد، کۆمەڵگای سەوریا خەباتی بۆ ئاشتی کردووەو وتی: هەموو کەسێک لە سووریا هەوڵی دروستکردنی مۆدێلێک دەدات، ئیدلیب هەروەها دەڵێت "ئێمە مۆدێلین" و ئێمەش وەک خۆبەڕێوەبەری دەڵێین "ئێمە مۆدێلێکی سەرکەوتووین". ئێمە ١٤ ساڵە بەرخۆدانمان کرد بۆ پرۆژەکەمان و دۆزی خۆمان و گەلەکەمان، سەرەڕای ئەو هەموو هێرش و نەبوونی دەرفەت،١٤ساڵە هەرێمەکەمان بەڕێوە دەبەین.١٤ ساڵە هێزی خۆمان سەلماندووە و دژی مەترسیدارترین هێزی سەر زەوی کە داعشە شەڕمان کردووە. هەر بۆیە ئێمە دەستکەوتی زۆرمان هەیە. هەروەها دروززەکان دەڵێن “ئێمە مۆدێلین”. هەر بۆیە هەموو پێکهاتەکان لە سووریا خەباتیان کردووە بۆ ئاشتی.

 

"ئەنتیگراسیۆن بوارێکی فراوانتر بۆ خەباتی فیکریمان دەکاتەوە"

ژیان دێرک تیشکی خستە سەر جیاوازی نێوان پارێزگای حەسەکە و پارێزگاکانی تری سووریا لە ڕێککەوتنی نێوان دیمەشق و هێزەکانی سووریای دیموکراتیک و ئەم جیاوازییەی بەم شێوەیە دەربڕی: پارێزگای حەسەکە زۆر جیاوازە لە پارێزگاکانی تری سووریا چونکە ڕێککەوتنێک لە حەسەکە هەیە، لەم پارێزگایە ئێمە وەک گەلێک بەرگریمان لە خۆمان کردووە و خاوەن هێزین و خۆی بەڕێوەدەبات، ئەندام هەیە کە ماوەیەکی زۆرە لە دامەزراوەکانی دەوڵەتدا کاردەکات و بەردەوامیشی هەیە ئەوە بکەن ئەم یەکگرتنە، ئەم ڕاگەیاندنەی پێگەی فەرمیمان لەگەڵ حکومەتدا، بەو واتایەیە کە دامەزراوەکانمان بوونەتە دامەزراوەی فەرمی لەناو حکومەتدا دەتوانین بڵێین دیموکراتیک و دەوڵەت لێرەدا کاردەکەن.