rojane

07:13

Jinên bajarê Kobanê yê kantona Firatê, berxwedan û vîna gelê bakurê Kurdistanê ya ji bo hevgirtina gelê Kobanê silav kirin.

05:20

Cewhera El Qaîdî alîkariya jinên gundewarên Edenê dike. Bi projeyên çandiniya erdên xwe ku tê de 20 jin rojane dixebitin hewl dide pirsgirêkên debarê çareser bike.

05:10

Pispora civakî û Psîkolojîk a li Xezayê Rîham Libid diyar kir ku zewaca di temenê biçûk de dawî li pirsgirêkan nayne her wiha zêdetir dike û got: “Zewaca biçûk jinên ciwan dike qurbaniya biryarên civakî.”

05:00

Jinên Suryan kiryarên li dijî ol û baweriyên Xirstiyan ku li Hema û Laziqiyê pêk tê şermezar kirin û gotin: “Rêveberiya Xweser mînaka parastina hemû netew, ol û baweriyan e.”

19:23

YRA tekîldarê êrîşên dewleta Tirk ên li ser gelê ku ji bo parastina Bendava Tişrînê nobetê digrin û hedef girtina rojnamevanan daxuyanî da û diyar kir ku bêdengiya saziyên navnetweyî cesaretê dide dewleta Tirk.

19:06

Desteya Tenduristiyê ya Kantona Firatê ya Herêma Bakur û Rojhilatê Sûriyeyê diyar kir ku di van 2 rojên dawîn de, ji ber êrişên dewleta Tirk a dagirker û çeteyên wê li Bendava Tişrînê, 5 welatî jiyana xwe ji dest dan û 40 jî birîndar bûn.

17:23

KJK’ê diyar kir ku dewleta Tirk li ber çavê hemû cîhanê bi balafirên şer, balafirên keşfê û çekên giran gelê li Bakur û Rojhilatê Sûriyê qetil dike û got, “Roj roja xwedîderketina Bakurû Rojhilatê Sûriyê ye."

16:06

Tevgera Azadiya Jinên Êzidî (TAJÊ )erêkirina cezayê darvekirinê ya li ser Pexşan Ezîzî bi tundî şermezar kir û bang li tevahî jinan kir da ku li dijî her cure êriş û tundiya li ser jinan rabin serhildanê.

15:22

Bi hezaran şêniyên Kantona Firatê ji bo komkujiya ku dewleta Tirk a dagirker li Bendava Tişrînê pêk anî bi meşeke girseyî şermezar kirin û gotin: “Îro li bendavê destan tên nivîsandin.”

15:21

Koçberên Efrînê, daxwaza vegera bi ewle ya Efrînê kirin û nameyek radestî Neteweyên Yekbûyî kirin.

14:54

Dewleta Tirk carekî din bi balafirên şer êrîşê gel ê ku ji bo parastina bendavê çûbûn Bendava Tişrînê kir. Li gor gahiyên destpêkê welatiyek jiyana xwe ji dest da û 10 kes jî birîndar bûn.

14:32

Îsraîl piştî ragihandina agirbesta ku wê di 19’ê Çileyê de bikeve meriyetê êrîşî gelek deverên Zîvala Xezayê kir. Di êrîşê de 39 kes jiyana xwe ji dest dan.

13:26

Gelê bajarê Hesekê bi hemû netewên xwe Kurd, Ereb, Suryan û Ermen bi meşekê komkujiya nobedarên li Bendava Tişrînê ya Herêma Bakur û Rojhilatê Sûriyeyê şermezar kirin .

12:56

HDK, ji bo pirsgirêka Kurd kampanya “Ji bo aştiyê milyonek îmze” da destpê kirin. dike.

12:17

Nesrîn B a Rojhilatê Kurdistanê, êrîşên dewleta Tirk şermezar kir û berxwedan gel ya li dijî van êrîşan, silav kir û got: “Li her derê Kurdistanê wê têkoşîna ji bo serkeftinê bidome, ji ber ku berxwedan jiyan e.”

12:03

Endama Heyeta Îmraliyê ya Partiya DEM’ê Pervîn Buldan ragihand ku Rêberê Gelê Kurd Abdllah Ocalan ewê di hevdîtina pêş de bi taybetî ji bo jinan bangek bike.

11:32

Hewldana Edaletê ya li Dijî Tecrîdê xebatên xwe bi dawî kir û banga: “Em muxalefetê vedixwînin têkoşîna demokrasiyê ya ji bo mercên tenduristî, ewlehî û azadiyê yên Abdullah Ocalan.”

10:25

Musa Sevîm ê ku hevjîna xwe Meryem Sevîm qetil kir, piştî 2 salan di encama têkoşîneke dijwar de ceza girt. Xwişka Meryem got ku ger cezayê ku heq kiribûn bidana kujerên jinan, ewê ne Meryem ne jî jinên din bihatana qetilkirin.

10:22

Di Dadgeha Gel a ku dê di 5-6'ê Sibatê de li Brukselê pêk were dê dewleta Tirk ji ber sûcên şer û sûcên li dijî mirovahiyê yên li herêmên Bakur û Rojhilatê Sûriyeyê kirine, were darizandin.

10:20

Piştî şerekî dijwar ê 15 mehan, di navbera Îsraîl û Hemasê de agirbest hat îlankirin. Biryare roja yekşemê agirbest bikeve meriyetê.