rojane

14:49

WHO’yê ragihand ku ji ber pirsgirêkên ewlehiyê û kêmasiyên binesaziyê şewba Ebolayê nayê kontrolkirin, hejmara bûyeran ji hezar û 500’î derbas bûye û navendên tenduristiyê bi rêjeya ji sedî 90 tijî bûne.

14:18

Bîlançoya hefteya yekem a meha Tîrmehê nîşan dide ku li Sûriyeyê tu ewlehiya jiyanê nîne. Tundî û kuştin her diçe zêde dibe. Li herêmên cûda bi dehan mirin hatine tomar kirin.

13:11

Krîza ava vexwarinê û paqijiyê ya li Beşa 1’emîn a Girtîgeha Mezin a Tehranê, rê li ber karesateke tendurustiyê vekir. Ji ber nexweşiya gûrîbûnê çermê girtiyan birîn bûye û daxwaza karantîna û dermankirina lezgîn tê kirin.

12:42

Piştî ku girtiya siyasî Mahbube Şabanî ya li Girtîgeha Vekilabadê ya li Meşhedê ya Îranê ye kirin karantînaya bê hincetek fermî, fikarên derbarê cezayê darvekirinê bê dayîn de, zêde kiriye.

12:34

55’emîn Mihrîcana Hunerên Gel a Neteweyî ya li Marakeşê hat lidarxistin, bi pêşandana performansên folklorîk ên ji hêla komên ji herêmên cûda yên Mexrîbê ve hatin pêşkêşkirin bi dawî bû.

12:21

Li Îranê zextên li ser girtiyên ku şert û mercên girtîgehan dighînin raya giştî zêde dibin. Girtiya siyasî Azar Yahu Torqabeh ji ber belavkirina dengekî li ser rewşa girtîgeha Vekîlabadê, sewqî hûcreya disîplînê hat kirin.

11:36

Li navçeya Xaşê pergala perwerdeyê hilweşiyaye. 395 mamoste kêm in, 180 pol bê teknolojî ne û nêzîkî 5 hezar xwendekar li benda piştgiriya bilez in.

11:23

Kampanyaya ‘Sêşema na ji darvekirinan re’ di daxuyaniya xwe ya heftane ya 128’emîn de bal kişand ser zêdebûna cezayên îdamê yên li dijî girtiyên siyasî û jinan li Îranê û ragihand ku li 57 girtîgehan greva birçîbûnê ya girtiyan berdewam dike.

11:03

Dema qeydên dibistanan dest pê kir, raporên ji navçeya Kanganê tên, nîşan dan ku qeydkirina hejmarek xwendekarên keç ên Sunnî li dibistana Sakîneyê hatine redkirin.

10:19

Li bajarê Efrînê yê dagirkirî, kolandinên neqanûnî û talankirina berhemên dîrokî bi rêya makîneyên giran berdewam dike. Çavkanî diyar dikin ku mîrasa çandî ya herêmê tê windakirin, berhemên kevnar di malan de tên veşartin û bazirganiya wan tê kirin.

10:13

Li Mexrîbê, li ser rêbazên têkoşîna li dijî şîdeta li ser bingeha zayendî û xurtkirina parastina jinan nîqaş berdewam dikin. Rêxistinên mafên mirovan bang kir û got “Polîtîkayên ku gihîştina jinan a edaletê garantî dikin, bipêş bixin.”

08:31

Endama Desteya Rêveber a Platforma Neteweyî ya Jinên Kurd a Başûr Şeyda Merûf got ku nivîsandina jinan ji bo çanda Kurdî girîng e, tevî guhertinên civakî û bandora neyînî ya torên dîjîtal pênûs bûye dengê jinan.

19:33

Tomareke deng ya xwendekara girtî Parîsa Kamalî ku ji girtîgehê derketiye, li ser tora dijîtal deng veda. Kamalî di peyama xwe de bi tundî pergala dadweriyê û miameleyên li dijî xwepêşanderan rexne dike û balê dikişîne ser zêdebûna cezayên darvekirinê.

15:50

UNICEF’ê raporek weşand û ragihand ku li Sûdanê zarok bi “qirkirina bêdeng” re rûbirû ne. Her wiha bang li aliyên pêwendîdar kir ku zarok û sivîl werin parastin.

15:28

Li Komara Demokratîk a Kongoyê, vîrûsa Ebolayê ya cureyê “Bundibugyo” ji kontrolê derdikeve. Hejmara pêketiyan ji hezar û nîvî borî û Rêxistina Tenduristiyê ya Cîhanî (WHO) ji bo vî cureyê bêderzî dest bi ceribandinên klînîkî kir.

14:24

Li parêzgeha Xuzîstanê ya Îranê, çalakiya rûniştinê ya aştiyane ya ciwanên bêkar ku daxwaza mafê xwe yê kar dikirin, bi destwerdana tund a hêzên ewlehiyê û girtina komek xwepêşanderan bi dawî bû.

13:23

Karsaza Kurd Nevîn Îl ku ji bo karsazên jin xebatên gelek girîng meşand, vê sibê ji ber nexweşîna giran koça dawî kir.

12:50

FÎSA’yê rapora xwe ya “Binpêkirinên Mafê Jiyanê ya Zarokan li Tirkiyeyê” ya Çile-Gulana 2026’an weşand. Li gorî raporê, di nava 5 mehan de herî kêm 303 zarok mirine û bajarê ku herî zêde mirina zarokan lê çêbûye, Riha ye.

12:34

Yekîtiya Çalakvanên Mafên Mirovan vexwendina şandeya Talîbanê ji bo merasîma dîplomatîk şermezar kir û hişyarî da ku dayîna statuya fermî tê wateya paşguhkirina zextên sîstematîk û rewakirina binpêkirina mafên mirovan.

11:39

Malbata aktivîsta mafê karkeran Şerîfe Mihemedî di şertên giran de ye û diya wê li nexweşxaneyê ye; tevî vê yekê piştî bidawîbûna betlaneya wê dîsa sewqî Girtîgeha Reşt Lakanê hat kirin.