rojane

16:15

Neteweyên Yekbûyî hişyarî da ku bi hevdemî zêdebûna êrîşên leşkerî yên DYAû Îsraîlê, dikare hejmara kesên ku ji Îranê hatine koçberkirin zêde bibe.

14:43

Ji ber zêdebûna ragêşiyên leşkerî li Rojhilata Navîn, Rêxistina Tenduristiya Cîhanê (WHO) hişyariyek li ser xirabûna mezin a pergalên tenduristiyê yên li herêmê, da.

14:24

Li gorî rapora UNICEF’ê, di encama zêdebûna şer û tunduya li Rojhilata Navîn de zêdetirî 1.100 zarok hatine kuştin an jî birîndar bûne. Ji wan 200 zarok li Îranê, 91 zarok li Lubnanê, 4 zarok li Îsraîlê û zarokek li Kuweytê hatine kuştin.

13:31

Aktivîsta Tûnisî Saadia Mosbah, piştî girtina sal û nîv, îro dê derbikeve pêşberî Dadgehê.

13:19

Meclîsa Bajarê Til Temir ê Kantona Cizîrê û Meclîsa Gel a Qamişloyê li ser 22 saliya serhildana 12’ê Adara 2004’an daxuyanî dan û bal kişandin ku ruhê 12’ê Adarê û 19’ê Tîrmehê divê bi mafên gelê Kurd ên di destûra Sûriyeyê de tacîdar bibe.

12:28

Meclîsa Bajarê Hesekê bi daxuyaniyek serhildana 12’ê Adarê bi bîr anî û tekez kir ku serhildan bûye bingeha têkçûna rejîma Beasê.

11:54

Êrîşên Îsraîlê li dijî herêmên Lubnanê didomin. Di êrîşa hewayî ya li dijî Ramlet el-Beyda de, 7 kes mirin û 21 kes jî birîndar bûn. Êrîş bû sedem ku li ser rêya peravê tirs û xof zêde bibe.

11:51

Bi derketina şertên şer re, hejmarek zêde ya kesên ku di xwepêşandanên Çileya 2026’an de de hatibûn girtin, ji girtîgeha Kirmanê derketin. Lê belê Şakîla Qasimî jî di nav de nêzî 20 kes hê li girtîgehê tên ragirtin.

10:50

Di avahiya navendî ya Ronahî TV’yê ya li Qamişloyê de agirê ku nayê zanîn ji ku derketiye, bû sedema zirarên madî.

10:48

Li Cezayîrê kuştina jina ciwan Esma Omeyma civak hejand, bi vê yekê re carek din tundiya li dijî jinan û nebûna mekanîzmayên bi bandor ên parastina jinan tîne rojevê.

10:47

Li Mexrîbê, bi boneya 8’ê Adarê Roja Jinên Kedkar ên Cîhanê, bi armanca destnîşankirina pirsgirêkên civakî û malbatî, şanoya ‘El-Safiya’ hat nîşandan. Şanoyê zêdetir diyardeyên ku rewşa jinan dibêjin pêşkêş kir.

08:49

Meclîsên Binarê Qendîlê ji bo Newroza îsal bang li gelê Kurdistanê kirin ku bi cil û bergên Kurdî û bi rihê berxwedanê beşdarî Newroza Qendîlê bibin. Meclîsan xwest ku ev Newroz bibe wesîlya azadiya fîzîkî ya Rêberê Gelê Kurd Abdullah Ocalan.

08:13

Aktîvîsta Tevgera Jinen Azad (TJA) Hêvîdar Bayer diyar kir ku peyamên Rêberê Gelê Kurd Abdullah Ocalan ji bo jinan di berxwedanê de berpirsyariyên nû tîne û got: “Emê bi mezinkirina tekoşînê, van berpirsyariyan bi cih bînin.”

08:11

Kongra Star bi daxuyaniyek ji ber şehadeta siyasetmedar Salih Muslim sersaxî ji malbata wî û gelê Kurdistanê re xwest.

08:00

Hevseroka Meclîsa bajarê Til Temirê Gulîxan Tahir tekez kir ku fitne û tevliheviya ku tê xwestin di vê pêvajoyê de bê derxistin, berdewama lîstika siyasî ya xeternak a 12’ê Adara 2004’an e û got: “Serhildana 12’ê Adarê bingeha Şoreşa Rojava ye.”

07:34

Fêmkirina dîroka siyasî ya Başûrê Kurdistanê bêyî fêmkirina rola jinan zor e. Nivîskar Nermîn Osman bi rêya rûpelên pirtûka xwe ya bi navê ‘Guldana Jinê’ de, balê dikşîne ser guherînên civakî û astengên siyasî yên li ber pêşketina tevgera jinan sekinîn e.

07:25

Jinên ji bajarê Kobanê li dijî hikûmeta HTŞ’ê ya YPJ’ê nas nake helwesta xwe anîn ziman. Jinan bi gotina; “YPJ xeta me ya sor û nasnameya me ye. Kes nikare hebûna me înkar bike û em ê têbikoşin” bersiv dan.

20:54

Hat ragihandin ku ji Leyda Recayî ya di 26ê Sibatê de ji aliyê hêzên ewlehiyê yên Îranê ve htiye girtin û ew birine cihekî ne diyar û ti agahî derbarê wê de nayê giritn.

18:28

Li gorî agahiyên Malpera Dengê Binçavkiriyan, rewşa nêzî 80 jinên di xwepêşandanên dawî yên li Îranê hatin girtin di xeteriyê de ye. diyar kir ku dosya darizandina wan heta meha Gulanê hatiye paşxistin.

13:00

Komeleya Jinên Îraqê salvegera damezrandina xwe ya 74’emîn bi civînekê pîroz kir. Jinan behsa astengiyên li pêşiya karê xwe kirin û dan zanînin ku dê têkoşîna wan ya ji bo civakek dadperwer ku wekhevî û rûmeta jinan mîsoger dike, bidome.