rojane

05:06

Rêvebera Kongra Star a Kantona Qamişlo-Bakur û Rojhilatê Sûriyeyê, da zanîn ku ew ê li ser şopa rêvebera Kombûna Jinan a Zenûbiya ya Reqayê Kerem Ehmed a ji aliyê dewleta Tirk ve hat qetilkirin têkoşîna xwe bidomînin.

05:00

Hevseroka Meclîsa Gel a Şengalê Emşê Korkorkî li ser kampanyaya îmzeyan a ji bo naskirina jenosîdê got ku ew bi hemû sazî û dezgehên xwe tevlî bûne û bang li civaka Êzidî kir ku xwedî li kampanyayê derkevin.

20:06

Dewleta Tirk û komên paramîlîter yên girêdayê wê Eyn Îsa bombebaran kir. Ji heman malbatê 3 zarok birîndar bûn.

19:17

Çalakiya Nobetê ya li wargeha penaberan a Mexmûrê bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 108’emîn û biryardarî didome.

19:13

Jinên girtî yên li girtîgeha Lakan li Reşit ragihand ku ew nerazîbûna xwe nîşanê cezayê darvekirinê Pexşan Ezîzî û Werîşe Mûradî hatiye birîn, dan û gotin: “Daxwaz dikin ku piştgiriyê bibin ji bo rawestandina cezayê darvekirinê.”

15:11

Bi pêşengiya Tevgera Jinên Ciwan û Tevgera Ciwanên Mexmûrê de li dijî êrişên ser Bakur û Rojhilatê Suriyê meşekî girseyî hat lidarxistin. Di meşê de berxwedana gel a li Bendava Tişrînê hat silav kirin.

14:44

Hejmara rojnamegerên di serdegirtina malan de hatin binçavkirin derket 6’an.

13:40

Girtiyên siyasî Enîşa Esed Îlahî û Hiwar Nîkbext diyarkirin ku divê Pexşan Ezîzî were parastin û her kes ji bo rawestandina cezayê darvekirinê bikeve nava hewldanan.

13:33

Munîre Qazî ku keça yek ji pêşengên dîrokî yên Kurdan Qazî Mihemed e, piştgirî da berxwedana Rojava.

13:28

ROJIN’ê bertek nîşanî êrîşên dewleta Tirk ên li dijî nobedarên li Bendana Tişrînê û rojnamevanan da û got: “Dewleta Tirk di van êrîşan de bi zanebûn rojnamevanan hedef digire.”

13:12

Raportora Taybet a Mafên Mirovan a Neteweyên Yekbûyî li Îranê Maî Sato anî ziman ku divê demildest biryara darvekirinê ya ser Pexşan Ezîzî were rakirin.

12:43

DFG û MKG’ê bertek nîşanî binçavkirin û zextên li ser rojnamegeran dan û gotin, “Êriş nikarin xebatkarên Çapemeniya Azad ên ku hêza xwe ji kenê Cîhan û Nazim, rastiya Apê Musa û baweriya Gurbetellî digirin têk bibin."

11:08

Beşdarên civîna “Her stratejiyek ji bo kêmkirina nexwendewariyê li herêma Marakêş Asafiyê”, destnîşan kirin ku rêjeya bilindbûna pirsgirêka nexwendewariyê di nava jinan de zêdetir bûye û sedem û çareseriya wê nîqaş kirin.

10:50

Ji destpêka êrişan heya îro dewleta Tirk li Bendava Tişrînê 8 welatiyan qetil kir. Di êrişan de 55 welatî birîndar bûn.

10:21

Di çarçoveya lêpirsîna ku navenda wê Stenbol e de, polîsan avêtin ser produksiyonên Marti û Guncel. Li cihên kar ên xwediyên wan lê nebûn, lêgerîn hat kirin û polîsan dest danîn ser hemû kompîtur û hard dîskan.

09:46

Danişîna Halîse Aksoy a ku hestiyên kurê wê Egîd Îpek di nava qutiyek de bi kargoyê jê re hatin şandin; ji bo ku dozgerî biryara xwe amade bike hat paşvexistin.

09:36

Heyeta Îmraliyê diyar kir ku hevdîtin bi hevî ne û got, "Piştgiriya berdewam a gel a ji bo van hewldanan, wê di avakirina aştî û çareseriyê de bibe hêmana herî girîng." Heyetê diyar kir ku dê hevdîtin bidomin.

09:02

Yekîtiya Ragihandina Jinê YRJ bi daxuyaniyek nivîskî bal kişand ser êrişên dewleta Tirk ên li hember gelê sivîl û rojnamevanên li Tişrînê û bang li saziyên navnetewî kir ku li hember van êrişan helwesta xwe nîşan bidin.

08:56

Platforma Defacto bi armanca pêşxistina diyalogan di nava pêkhateyên Sûriyê de û aktîvkirina rola jinan di pêvajoya nû ya Sûriyê û pêxistina wê di qada siyasî de, civînek diyalogî li darxist.

07:30

Rojnameger Reyhan Hacioglu, Ahmet Guneş û Necla Demîr danê sibehê di serdegirtina malan de hatin binçavkirin.