rojane

09:18

Hate diyarkirin ku di êrîşa Îsraîlê li dijî navendek a tenduristiyê li bajarokê Burc Qelawiya ya Başûrê Lubnanê de, herî kêm 12 personelên tenduristiyê jiyana xwe ji dest dane.

08:56

Çalakvana jin Şara Ebdulkerîm diyar kir ku jin di nav têkoşînek mezin de ne û got ku her çend ji bo nasname û mafên xwe têdikoşin jî, li her çar perçên Kurdistanê jî têkoşîna netewî bipêş dixin.

08:42

Bi perwerdeya bi zimanê dayîkê û rêvebirina navendên tendirustiyê bi ferasetek pîşeyî û mirovî, tecrubeya jinan a li Rojava bûye modeleke pêkhatî. Ev tecrube nîşan dide ku jin ne bi awayê sembolîk li ser bingeha hevkariyê tevlî xebatan bûne.

07:39

Hevberdevka HDK’ê Meral Daniş Beştaş diyar kir ku şerê li Rojhilata Navîn, bandorên global ava kiriye, polîtîkayên parastinê yên Tirkiyeyê rexne kir û got: “Pêvajoya li Tirkiyeyê berdewam dike û muxatab diyar e.”

07:23

Ji rêveberiya bajarê Kobanê Rûken Ehmed da zanîn ku şoreşa jinê ya Rojavayê Kurdistanê û serhildana Jin Jiyan Azadî rûbirûyê komployeke mezin in û got “Divê jin li dijî komployên heyî xwe weke netewekê birêxistin bikin û yekîtiya xwe ava bikin.”

14:14

Di ser qutbûna înternetê ya li Îranê de 312 saet derbas bûn û girtina agahiyên jiyanî, der barê demên şer û aloziyan de ji gelên li Îranê dijîn zehmetir dibe.

13:32

Di êrîşên hewayî yên Pakistanê de li ser herêmên sivîlan li Kabul û Qendeherê de di nav wan de jin û zarok, 4 sivîl hatin kuştin û zêdetirî 15 kesên din jî birîndar bûn.

12:48

Zeyneb Ete jineke Kurd e di Newroza par li Bismilê ji ber desmalek bi rengên ‘kesk, sor û zer’ dabû serê xwe bi sûcê “propagandaya rêxistinê” 10 meh cezayê zindanê lê hat birîn.

12:37

Êrîşên Îsraîlê yên li ser başûrê Lubnanê berdewam dikin û di dema ku fermana valakirina ji sedî deh ya bajêr hatiye dayîn de, hejmara kesên hatine kuştin zêdetirî 687’an e.

12:30

Rêber Gelê Kurd, Rêber Abdullah Ocelan ji bo endamê Desteya Heverokatiyê ya Partiya Yekîtiya Demokratîk PYD'ê Salih Muslim peyama sersaxiyê da.

11:43

Îran ligel rageşiya leşkerî ya berdewam a li herêmê, pêlek nû ya rageşiya navxweyî jî dibîne. Rêxistineke mafên mirovan ragihand ku rayedarên Îranê kampanyayeke girtinê ya berfireh dimeşînin ku bandorê li bi sedan kesan dike.

10:49

Bi zêdebûna şerê di navbera Îran, Amerîka û Îsraîlê de, çavên bazarên cîhanî dîsa çûn ser Tengava Hurmuzê. Beşeke mezin a nefta cîhanê ji Tengava Hurmuzê derbas dibe û her gef an jî astengiya li wer dibe krîzeke cîhanî di bazara enerjiyê de.

09:47

Parêzer Ayşe Kelaa pêdiviya malbata Mexrîbî bi qanûnek li ser bingeha wekhevî, rûmet û berjewendiyên çêtirîn ên zarokan tekez dike û dibêje: ”Paşguhkirina nirxa aborî ya karê navmalî, zîhniyetên kevneşopî nîşan dide.”

08:59

Koçberên Kurd ên ku 6 sal in ji Serêkaniyê koçber bûne, vegera bi ewle û komî dixwazin û dibêjin: “Em ê di bin siya çeteyên dagirkeriya Tirk û dewleta Tirk de nejîn, bila rêveberiya bajarê me ji gelê me be.”

08:40

Endama Komîteya Navendî ya Komeleya Zehmetkêşanî Kurdistan Pirşeng Mihemedî got ku divê ol û dewlet ji hev cuda bin û di dewleta nû ya Îranê de jin xwedî biryar bin.

07:29

Endama Koordînasyona Kongra Star a bajarê Kobanê Xûnav Xelîl bilêv kir ku projeya qirkirina jinan tê meşandin û got ku “Jin di navenda alozî û şerê heyî de ne, divê em xeleka xwe ya têkoşînê mezintir bikin.”

06:56

Endama Mala Jinê Nafiya Eseid anî ziman ku di dema Rejîma Baasê de pîrozkirina Newrozê qedexe bûye û got bi saya Şoreşa Rojava, Newrozê bi serbilindî û serbestî pîroz dikin.

16:49

Şerê ku Rojhilata Navîn jê bi bandor bûye ket roja 13’an. Di şerê ku êrîşên li dijî hev didome de, Îranê hedefên xwe berfireh kir. Serokê DYE’yê Trump jî îdia kir ku Îran nêzî têkçûnê ye.

16:31

Êrîşên Hêzên Pişgiriya Lezgîn, alozıya mirovî û ewlehiyê kûr kiriye, ev êrîş rê li ber koçberkirina bi sed hezaran mirovan vedikin. Dibistan û tesîsên tenduristiyê hatin hedefgirtin û hejmara mirî û birîndaran her diçe zêde dibe.

16:26

HRANA’yê ragihand ku di nava 24 saetên borî de di êrîşên hevbeş ên Îsraîl û DYE’yên li ser Rojhilatê Kurdistan û Îranê de 14 welatiyên sivîl hatin qetilkirin û 6 welatî jî birîndar bûne.