rojane

21:02

Di daxuyanî û çalakiyên ku li Ewropa û Emerîkaya Latîn hatin lidarxistin de, bang hat kirin ku divê êrîşên li ser Rojava werin rawestandin û hevgirtina bi gelan re were mezinkirin.

20:44

Navenda Ragihandinê ya QSD’ê, ragihand ku çeteyên rêveberiya demkî agirbest binpê kirin û bajarê Zirganê yê kantona Cizîrê topbaran dikin.

20:17

Endama Konseya Hevserokatiyê ya PYD'ê Foza Yûsif, bi peyamekê hişyarî da û got “Her çi qas agirbest hatiye îlankirin jî lê hîn jî tiştek ne diyar e ka wê desthilata Şamê pabend be yan na… Helwesta xwe lawaz nekin.”

19:50

Fermandara Nesrîn Ebdullah: Divê her kes bêje ez heme Endama Fermandariya Giştî ya YPJ’ê Nesrîn Ebdullah helwesta kurdistaniyên li dîasporayê silav kir û got: "Divê her kes bêje ez heme."

18:54

Fermandariya Giştî ya Hêzên Sûriya Demokratîk (QSD), daxuyand ku hêzên wan pabendî peymana agirbestê ya bi rêveberiya demkî re hatiye lihevkirin in û got: "Heya êriş li ser me neyên kirin em ê tu çalakiyên leşkerî nekin."

18:40

Bi sedan kesên ku li Nisêbînê barîkatên polîsan derbas kirin, derbasî Qamişlo bûn û ciwanên Başûrê Kurdistanê jî ji Deriyê Sînor ê Sêmalka re derbasî Rojava bûn. Li ser sînorê Nisêbîn-Qamişlo, çalakiya nobetê hate destpêkirin.

17:51

Îlham Ehmed, Foza Yûsif û Sozdar Dêrik, li dijî êrîşên li ser Bakur û Rojhilatê Sûriyeyê banga mezinkirina seferberiyê kirin. Di daxuyaniyên pêşengtiya jinan de, hate destnîşan kirin ku divê êrîş werin rawestandin û berxwedana gel belav bibe.

17:31

Konfederasyona Rêxistinên Civaka Demokratîk û Tevgera Civaka Demokratîk a Bakur û Rojhilatê Sûriyeyê, diyar kirin ku bêdengiya li dijî êrîşan hevkariya sûc e û banga seferberiya giştî û hevgirtina kûrewî kirin.

16:53

Platforma Çalakiyên Hevbeş a Tevger û Rêxistinên Jinan a Kantona Cizîrê, bi daxuyaniyekî tevlîbûna xwe ta serferberiya giştî ragihandin.

16:45

Bi çalakiyên ku li gelek bajarên Kurdistanê hatin lidarxistin re, bertek nîşanî êrîşên çeteyên HTŞ’ê yên bi piştgiriya dewleta Tirk a li ser Bakur û Rojhilatê Sûriyeyê hate nîşan dan.

16:27

Li Silopiyê di meşa ku bi deh hezaran kes beşdarbûn de peyama hevgirtina bi Rojava re hate dayîn û li li Edeneyê jî jinan gotin: "Em ê vê tarîtiyê bi serhildana jinê parçe bikin."

16:06

QSD’ê ragihand ku ji ber helwesta bêperpirsyar a navneteweyî ya li hemberî dosyaya çeteyên DAIŞ’ê, ew neçar in hêzên xwe ji kampê vekişînin.

15:55

Rêveberiya Xweseriya Demokratîk a Kantona Firatê, der barê êrişên li ser Bakur û Rojhilatê Sûriyeyê daxuyaniyek da û bang li gel kir ku xeta parastina rewa xurt bike.

15:54

5 rêxistinên jinan a li Rojhilatê Kurdistanê, destnîşan kirin ku ji bo piştgiriya Rojava pêdivî mudaxeleya navneteweyî ya lezgîn heye û diyar kirin kiryarên hovane yên van koman heman îdeolojiya DAIŞ’ê ye û êrîşên li ser gelê Kurd a Rojava şermezar kir.

15:50

Endamên Kongra Star ên li bajarê Amûdê, Tirbespiyê û Çilaxayê yên Kantona Cizîrê ragihandin ku ew tevlî seferberiyê bûne û wê herêmên xwe bi hêzên xwe biparêzin.

15:24

Hevseroka Giştî yê DEM Partiyê Tulay Hatimogullari di civîna xwe ya komê ya li ser sînorê Nisêbînê de axivî û got: “Em bang li rewşenbîr, rojnameger, nivîskar û aliyên demokratîk dikin. Em bi hev re li dijî vî şerî derkevin û ji vî şerî re bêjin bes e.”

15:10

Li wargeha penaberan a Mexmûrê xwendekar û mamosteyên zaningehê ku perwerdeya xwe ya zanîngehê bi riya onlîne li Zanîngeha Kobanê dibînin, li ser êrîşên ku li Rojavayê Kurdistanê çêbûne daxuyaniyek dan.

15:07

Gelê Başûrê Kurdistanê ku ji bo piştgiriya Rojava birê ket, sînor derbas kir û gihîşt Rojava.

15:00

Gelê Qamişlo û Hesekê beşdarî banga seferberiya Rêveberiya Xweser a li dijî êrîşên çeteyên cîhadîstên HTŞ’ê ku desteka xwe ji dewleta Tirk digrin, bûn û Yekîneyên Parastinê ava kirin û peyama ‘Serkeftin a me ye’ dan.

14:30

TEV-ÇAND bi daxuyaniyekê tevlîbûna xwe ya ji bo seferberiyê îlan kir. Hunermend beşdarî qadên berxwedanê bûn û bi stran û enstrurmanên xwe moral dan eniyên parastinê.