Navenda Nûçeyan – Tedbîrên dîsîplînê yên nû li lîsteya cezayên ku li ser girtiyên jin ên li girtîgehên Îranê têne sepandin hatine zêdekirin. Bi kêmî ve 23 jin, di nav wan de Golrokh Îraei, Sekine Parvane, Gazel Marzban, û Nesîm Simiarî, hatine qedexekirin ku malbatên xwe bibînin. Li gorî raporê, qedexeyên serdanê di navbera 3 û 9 hefteyan de dom dikin.

Li gorî agahiyan, ev qedexe di navbera 3 û 9 hefteyan de dom dikin. Golrokh Îraei û Sakine Parvane dê 9 hefteyan, Xezal Marzban 7 hefteyan û Nesim Simiari 6 hefteyan ji bo dîtina malbatên xwe werin qedexekirin. Li ser 19 girtiyên jin, ku Şekîla Muneferd, Pexşan Ezîzî, Mutahere Gunei, Rizvane Ahmedhanbeygî û Zehra Safaî jî di nav de ne, qedexeyek 3 hefteyan li ser serdana malbatê hatiye danîn.

Li gorî agahiyan, ev ceza piştî nerazîbûnên girtiyên jin ên li dijî pêkanînên ku mafên wan ên bingehîn binpê dikin, hatine dayîn. Jinên girtî li dijî danîna kamerayan di tuwaletan de, ketina karmendên ewlehiyê di hucreyên wan de, kêmkirina demên serdanê ji nîv saetê kêmtir, muameleya xerab ji aliyê rayedaran ve di dema veguhastinê de û zexta lixwekirina cilên ku ew bi xwe di hucreyan de hildibijêrin, nerazîbûn nîşan didin.