rojane

08:20

Jinên ji bajarê Qamişlo yê Rojavayayê Kurdistanê piştgiriya xwe bi Yekîneyên Parastina Jinan YPJ’ê re diyar kirin. Jinan tekez kirin ku pêwîst e YPJ di nava artêşa Sûriyeyê de cihê xwe bigre.

17:16

Komîteya Wezîran a Konseya Ewropayê, di civînekê de ku cîbicîkirina biryarên DMME’yê dinirxîne, banga xwe ya ji bo dosyeya Selahattîn Demîrtaş û Fîgen Yuksekdag de banga ji bo demildest berdana her du siyasetmedaran dubare kir.

17:10

Kamyonek ku karkerên çandiniyê yên jin di navbera Reqabe û Mazûna de li parêzgeha Sîdî Bozeyîd wergeriya, di encamê de du jin mirin û 13 kesên din jî birîndar bûn. Jina ku ji qezayê rizgar bû dîmenên tirsnak, şert û mercên veguhastinê anî ziman.

15:19

Çalakvanên civaka sivîl û mafên mirovan bang li partiyên siyasî yên Mexribê kirin ku mijarên wekhevî, mafên jinan û parastina ji tundiyê, tundiya dîjîtal, di sozên ji bo hilbijartinê di bernameyên hilbijartinên pêşerojê de bigrin.

14:41

Meclîsa Tenduristiya Karkeran û Ewlehiya Kar (ÎSÎG) Rapora kuştinên li ser cihê Kar a Gulana 2026’an weşand. Li gorî raporê, di meha Gulanê de herî kêm 212 karkeran jiyana xwe ji dest dane.

14:34

Dîlek Oz û Sureyya Bulut ku beriya vê 32 sal in li Girtîgeha Jinan a Bakirkoyê girtî ne, hatin berdan. Du jinên ku bi biryarên Desteya Rêveber û Çavdêriyê gelek caran berdana wan hat taloqkirin, li ber girtîgehê bi kulîlk û tilîliyan hatin pêşwazîkirin.

14:24

Festîvala Fîlmên Jinan li Ummanê çapa xwe ya 14’emîn bi nîqaşên sînemayî û mafên mirovan ên ku balê dikişînin ser tundiya dîjîtal û bandora wê li ser beşdariya jinan di qada giştî de, bi rêya nîşandana fîlman û belgefîlman ev mijar nîqaş kirin.

12:45

Tecrubeya Rêveberiya Xweser a Rojava, ji bo pêşeroja Sûriyeyê derfetên girîng pêşkêş bike jî; di mijarên nasîna nasnameya Kurd, mafê zimanê dayîkê û statuya fermî ya YPJ’ê de nediyarî hene û ev yek ji bo diyarkirina pêvajoyê ezmûnên bingehîn in.

12:31

KJAR’ê diyar kir ku pirsgirêka jinên Efganistanê sînorên erdnîgarî nas nake û bang li hemû hêzên azadîxwaz û bi taybetî li jinên çalak kir ku hemû bibin dengê jinên Efganistanê.

12:00

Ji bo baştirkirina şert û mercên girtîgeha herêmî ya Port-Sûdan, rojnamevana Sûdanî Raşan Oşî însiyetîfeke civakî da destpêkirin bi armanca ku jîngeha mirovî û xizmetên bingehîn di beşa jinan de baştir bike.

11:49

Tevgera “Azadiya Jinên Efganistanê” hişyarî da ku polîtîkayên Talîbanê jinan ber bi krîzek kûrtir ve dibe û binpêkirinên berfireh ên mafên wan zêde kirine.

08:29

Li Colemêrgê ku bi çiyayan dorpêçkirî ye, berhevkirina pincaran bi helandina berfê re dest pê dike. Pincarên weke mendê û siyabo ji bilindahiya çiyayan tên berhevkirin, piştî keda bi zehmet ji bo malbatê dibin çavkaniya debarê.

08:03

Rojnivîsa Rûheyvê êşên ku nehatine jibîrkirin, kêvxweşiyên nîvçomayî, malên li pişt hatine hiştin, rêwîtiyên bêdawî û zarokatiya ku bi koçberiyê dibore vedibêje. Li ser xetên wê yên nivîsê ji xeyalên zarokatiyê wêdetir, gelek riyên koçberiya hene.

15:36

Fona Zarokan a Neteweyên Yekbûyî (UNICEF), di daxuyaniyekê de bal kişand ser kuştina berdewam a zarokên Filistînî li Zivala Xezayê û Şerîaya Rojava û diyar kir ku divê ev yek wekî "rastiyek nû" an jî bûyerek normal neyê hesibandin.

15:21

Serokwekîla Koma DEM Partiyê Gulistan Kiliç Koçyîgît li parlamentoyê civîneke çapemeniyê li dar xist û der barê Pakêta Darazê ya 12'emîn, rêziknameyên niştecihbûnê û pêvajoya aştiyê de nirxandin kir.

14:51

Tevgera Hîlala Zêrîn û Tev-Çand ji bo piştgiriya bi Yekîneyên Parastina Jin (YPJ) re konserek birêxistin kir. Di Konserê de YPJ’ê teqez kir ku hebûna wan garantiya parastina gel û jinan e.

13:25

Komîserê Bilind ê Penaberan ê Neteweyên Yekbûyî (UNHCR), di Rapora xwe ya Arasteya Kûrewî de ragihand ku rêjeya koçberiya bi zorê li çaraliyê cîhanê sala borî cara yekem kêm bûye.

12:50

Ji hêla Talîbanê ve li Heratê li ser mamosteyên jin qedexeyên nû tên ferz kirin. Mamosteyan ragihand ku ji hêla rêveberiyên Talîbanê ve bikaranîna telefonên jîr li dibistanê hatine qedexe kirin.

12:37

Beriya Greva Jinan a salane ku di 14ê Hezîranê de li Swîsreyê tê lidarxistin, Yekîtiya Jinên Kurd ên Swîsreyê (YJK-S) bang li jinan kir ku li qadên giştî bicivin. Sendîkayê ragihand ku ew ê di çalakiyên îsal de bi dirûşmeya "Em hemû YPJ ne" beşdar bibin.

12:25

Kirmanşan ne tenê bajarek e; laboratuwarek e ku sînorên siyaseta hemdem a Îranê eşkere dike. Mijara ku li vir derdikeve holê ne dikare bi tevahî were tepeserkirin ne jî bi tevahî were girtin.