ڕۆژانە

14:31

 نەتەوە یەکگرتووەکان ڕایگەیاند، ٤٠٠ هەزار فەڵەستینی لە باکووری غەززە گیریان خواردووە و ئیسرائیل هێرشەکانی زیاتر کردووە.

13:52

دانیشتووانی کامپی مەخموور بۆ ئیدانەکردنی پلانگێڕی نێودەوڵەتی دژی ڕێبەری گەلی کورد عەبدوڵا ئۆجالان چوونە مەیدان.

13:07

چالاکوانانی مافەکانی مرۆڤ لە ئێران بڵاویان کردەوە، نێرگز مەنسوری، زیندانیکراوى سیاسیی لە زیندانی ئەڤین لە مافە سەرەتاییەکانی بێبەش کراوە.

11:58

بەسێ هۆزات، هاوسەرۆکی دەستەی بەڕێوەبەریی کەجەکە رایگەیاند، هەڵبژاردنی باشوور لەناو شەڕێکی گەورەدا بەرێوەدەچێت، دەبێت گەلی باشوور دەنگ بدەن بە کاندیدە وڵاتپارێز و نیشتمانپەروەرەکان.

10:37

لە ڕێگەی دەروازەی سنووریی قائیمەوە كۆمەڵەی چوارەمی ئاوارەكانی لوبنان، كە لە ٤٥٢ كەس پێكهاتوون گەیشتنە عێراق.

10:22

ئەکادیمیای ژنۆلۆژی لە شەنگال بەردەوامە لە سیمینارەکانی و داوا دەکرێت ڕێگای بەردەم ژنان بکرێتەوە.

09:49

لە چوارچێوەی ڕێگریکردن لە توندوتیژی لە کاتی پرۆسەی بانگەشەی هەڵبژاردندا، لە شاری هەڵەبجە سیمینارێک بۆ هۆشیارکردنەوەی گەنجان بەڕێوەچوو.

09:23

سوهام شەنگالی، وتەبێژی کۆمیتەی دیپلۆماسی تاژێ باسی لە پلانگێڕیی ٩ی تشرینی یەکەم کرد و داوای لە هەموو پێکهاتە ئازادیخوازەکان و بەتایبەت پێکهاتەی ئێزیدی کرد داوای ئازادی جەستەیی ڕێبەری گەلی کورد عەبدوڵا ئۆجالان بکەن و خەبات بکەن.

18:40

لە درێژەی سەردانەکانیاندا، شاندی ڕۆژنامەنووسانی ئازاد، لە شاری سلێمانی، لەگەڵ چەند دەزگا و ناوەندێکی میدیایی کۆبوونەوە و باسیان لە دروستکردنی پردی نێوان دەزگا و ڕێکخراوەکانی ڕۆژنامەنووسان کرد بۆ کارکردن لەسەر دۆسیەی ڕۆژنامەنووسان لەسەر ئاستی نێودەوڵەتی.

15:29

سندوقی دانیشتووانی نەتەوە یەکگرتووەکان ڕایگەیاند، لە سەرەتای ئەمساڵەوە پاراستنی ژیان و خزمەتگوزاری تەندروستی زاوزێی پێشکەش بە نزیکەی ٢٠ هەزار ژن و منداڵی کچ لە ناوچە دوورەدەستەکان و ناوچە ئاوارەبوونەکان کردووە.

15:06

 سەرۆکی پێشووی ئیندۆنیزیا نیگەرانی خۆی دەربڕی کە جیهان بەدەست جۆرە جیاوازەکانی کۆلۆنیالیزمی نوێوە دەناڵێنێت.

14:39

شاندی ڕۆژنامەنووسانی ئازاد کە لە ئەوروپاوە هاتوونەتە باشووری کوردستان سەردانی بنەماڵەی هێرۆ بەهادین و شوێنی بە ئامانجگرتنی ڕۆژنامەنووسان گوڵستان تارا و هێرۆ بەهادینیان کرد، ئامانجیانە دۆسیەی بە ئامانجگرتنی ڕۆژنامەنووسان بکەنە نێودەوڵەتی.

14:38

ڕێکخراوی یونسێف ڕایگەیاند، لەماوەی ١١ ڕۆژی ڕابردوودا و بەهۆی گرژی و ئاڵۆزییەکانی نێوان حزبوڵا و ئیسرائیل ١٠٠منداڵ لە لوبنان گیانیان لەدەستداوە.

13:57

ئەکادیمیای ژنۆلۆژی لە سەرتاسەری شەنگال لەگەڵ ژنان باس لە زانستەکەی دەکات، دوێنێ لە گوندی گوهبەل گفتوگۆی ژنۆلۆژی بە جۆش و خرۆشەوە بەردەوام بوو، ژنانی بەشداربوو ڕای خۆیان دەربڕی.

13:01

 بەهۆی گۆشەگیری توندی ڕێبەری گەلی کورد عەبدوڵا ئۆجالان، ماوەی ٤٣ مانگە هیچ زانیارییەکی لێ وەرنەگیراوە، پارێزەر سۆزان ئاکیپا لایەنە یاساییەکانی هەڵسەنگاند و وتی: گۆشەگیریی توند و ڕەهای بەڕێز ئۆجالان دەبێت دەستبەجێ کۆتایی پێبێت.

11:12

ڕا-ژن سڵاوی لە ڕۆژی ڕۆژنامەگەری ژنی کورد کرد و یادی گوربەتلی ئەرسۆزی کردەوە، لە ڕاگەیاندراوەکەدا هاتووە، "ئێمە بەدوای ڕاستییەکاندا دژی جینۆسایدی ژنان و پیلانگێڕی و جینۆساید دەگەڕێین".

10:52

ئەمشێ کۆرکۆکی، هاوسەرۆکی ئەنجومەنی شەنگال ڕایگەیاند، ڕێگا نادەن پلان و پیلانگێڕی دژی گەل ڕووبدات و داوای لە هەموو گەلی ئازادیخواز کرد بۆ ئازادی جەستەیی ڕێبەری گەلی کورد عەبدوڵا ئۆجالان بوەستنەوە.

10:26

سەپاندنی عەبا و پەچەی ڕەش نەک تەنها بەسەر ژناندا، بەڵکو بەسەر منداڵانی ١٠ ساڵیشدا بڵاوبووەتەوە، ئەمەش پێشێلکردنی ئاشکرای ئازادی جلوبەرگە لە ئیدلب، کە لایەن هێزی تەحریر شامەوە دەسەپێندرێت.

10:09

کۆردیناسیۆنی پاژک لە ٢٧ەمین ساڵیادی پیلانگێڕی نێودەوڵەتی لە سەر ڕێبەری گەلی کورد، عەبدوڵا ئۆجالان ڕاگەیاندراوێکیان بڵاوکردەوە وڕایانگەیاند:" ئازادیی سەرۆک ئاپۆ، چارەسەری کێشەی کورد و ئازادیی خەڵکی ڕۆژهەڵاتی ناوەڕاست مسۆگەر دەکات".

09:33

کۆچبەرانی کامپی واشۆکانی جەختیان لەوە کردەوە، داگیرکردنی سەرێکانی درێژەپێدەری پلانگێڕیی دژی ڕێبەری گەلی کورد عەبدوڵا ئۆجالانە. ئەوان کە ماوەی ٥ ساڵە بە بەرخۆدان و تێکۆشان و سەختی لەو کامپە دەژین، ڕێگای بەرخۆدانیان هەڵبژاردووە.