ناوەندی هەواڵ

 

دایکانی شەممە کە هەفتانە خۆپیشاندان لە گۆڕەپانی گەلاتەسەرای ئەنجام دەدەن بۆ داوای چارەنووسی کەسوکارەکانیان کە لە دەستبەسەریدا بێسەروشوێنن/کوژراون و داوای دادگاییکردنی تاوانباران دەکەن، لە یەکەم شەممەی ساڵی ٢٠٢٦دا هەزارو ٨٤هەمین خۆپیشاندانی هەفتانەی خۆیان ئەنجامدا. 

 

بەسنا تۆسون لە خەڵکی شەممەوە، دەقی ڕاگەیەندراوی لە چالاکییەکەدا خوێندەوەو ڕایگەیاند کە ئەوان بەبێ ئەوەی چارەنووسی کەسوکاریان بزانن کە لە کاتی دەستبەسەرکردندا بێسەروشوێن بوون چوونەتە ساڵی ٢٠٢٦ و جەختی لەوە کردەوە کە ڕێگری لە مافی زانینی ڕاستی و دەستڕاگەیشتن بە دادپەروەری سەبارەت بە کەسوکاریان بە شێوەیەکی سیستماتیکی بەردەوامە و پێشێل دەکرێت.

 

داواکاری دایکانی شەممە

لە یەکەم شەممەی ساڵی ٢٠٢٦دا بەسنا تۆسون داواکارییەکانی خۆی بەم شێوەیە خستەڕوو:

*پێویستە لێکۆڵینەوەی کاریگەر و سەربەخۆ و بێلایەن لە حاڵەتەکانی بێسەروشوێنکردنی زۆرەملێ ئەنجام بدرێت؛ بەرپرسان بدرێنە دادگا و دادگایی بکرێت.

*مافی کەسوکاری بێسەروشوێنەکان بۆ زانینی ڕاستییەکان بناسرێت.

*پێویستە سنووردارکردنی نایاسایی و قەدەغەکردنی کۆبوونەوەی ئاشتیانە لە گۆڕەپانی گەلاتەسەرای هەڵبگیرێت.

*داواکارین کە بێسەروشوێنکردنی زۆرەملێ وەک تاوان بناسرێت و چاکسازی یاسایی بکرێت بۆ سزادانی ئەو کەسانەی ئەم تاوانە ئەنجام دەدەن.

*پێویستە تورکیا ڕێککەوتننامەی نێودەوڵەتی نەتەوە یەکگرتووەکان بۆ پاراستنی هەموو کەسەکان لە بێسەروشوێنکردنی زۆرەملێ و پەیڕەوی ڕۆمای دادگای تاوانە نێودەوڵەتییەکان واژۆ بکات و پەسەندی بکات و جێبەجێی بکات.