سیاسەت

13:09

ئەمڕۆ ١٢ی تەمموز، بڕیاربوو دانیشتنی دادگا بۆ دادگاییکردنی چوار چالاکوانی دیکەی بادینان بەڕێوەبچێت کە تۆمەتی ئەوەیان دراوەتە پاڵ کاریان بۆ سەرۆک کۆماری عێراق کردوە، د.شایان عەسکەری لە پەیامێکدا داوا لە سەرۆک کۆماری عێراق دەکات بێتە سەر هێڵ.

14:59

نورا ئەلحەمید هاوسەرۆکی ئەنجومەنی جێبەجێکردن دەڵێت:" ترساندنی مرۆڤەکان سیاسەتی دەوڵەتی تورکە کە لەسەر گوندەکانی سنوری مەنبەج هەیە، لەو سیاسەتەدا بە بۆمبارانکردن و تۆپبارانکردن ماڵی خەڵکی سڤیل بە ئامانج دەگرێت و دەیەوێت خەڵک لە ماڵی خۆیان دەربکەن و بە ئاسانی داگیرکاریی بکات".

11:42

لەبارەی داگیرکارییەکانی دەوڵەتی تورکیا بۆ خاکی هەرێمی کوردستان و ئەو هێرشە بەردەوامانەی دەکرێتە سەر باشوری کوردستان، شەهێن تاڵەبانی بەهەڵەی کورد خۆی دەزانێت، پێی وایە ئەگەر کورد یەکڕیزبێت هیچ کەس ناتوانێت ئازاری بدات.

15:14

بە هۆی ئەو هێرشە داگیرکارییانەی دەوڵەتی تورکیا بۆسەر ڕۆژئاواو و باشووری کوردستان ئەنجامی دەدات، کۆنگرەی نەتەوەیی کوردستان "کەنەکە" هەستا بە سازکردنی کۆنفڕانسێک لە شاری قامیشلۆ.

11:25

لە هەرێمی کوردستان ٤٩ کاندیدی ژن بۆ هەڵبژاردنی ئەنجومەنی نوێنەرانی عێراق هەن کە بڕیارە لە مانگی تشرینی یەکەمی ئەمساڵ بەڕێوەبچێت، ئەو ژنانە پلانی جیاوازییان بۆ بەرەوپێشبردنی دۆزی ژن هەیە و هەر یەکەیان بەجۆرێک دەیانەوێت دەنگی ژنان بگەیەنن و پێیانوایە لە ئێستادا لەسەر بنەمای لێهاتوویی بڕیاردەدەرێت نەک جیاکاری جێندەری.

08:57

ئیلهام ئەحمەد ئەندامی بەڕێوەبەریی ئەنجومەنی سوریای دیموکرات "مەسەدە" رایدەگەیەنێت، هێرش و داگیرکارییەکانی دەوڵەتی تورک بۆ داگیرکردنی باشووری کوردستانە، بۆ ئەوەشە خۆی بگەیەنێت بە موسڵ و کەرکوک، ئەگەر پارتی کرێکارانی کوردستان "پەکەکە"ش نەبوایە دەوڵەتی تورک بۆ داگیرکردنی باشووری کوردستان بیانوی تری دە دۆزییەوە.

09:14

ئەمینە بەکر جێگری ئەنجومەنی بەڕێوەبەرایەتی هەرێمی فورات- باکور و ڕۆژهەڵاتی سوریا ئاماژە بەوەدەکات، هەوڵدان هەیە بۆ ئەوەی بەڕێوەبەرایەتی خۆسەر نەهێڵن، بۆ ئەو مەبەستەش بانگەواز بۆ پاراستنی بەڕێوەبەرایەتی خۆسەر و دەستکەوتەکانی شۆڕشی ١٩ی تەمموز دەکات.

15:57

دوای ئەوەی پەرلەمانی سوید لە یەکلاکردنەوەی دەنگەکان بۆ پێکهێنانی کابینەی نوێی سوید دایە، دەنگی ئامینە کاکە باوە، پەرلەمانتاری سەربەخۆی کورد، کاریگەرە و ئەویش چەند مەرجێکی هەیە.

10:51

چالاکوانێک باس لە پلانەکانی دەوڵەتانی ئێران و تورکیا دەکات، کە دەیانەوێت وەک دابەشکردنی کوردستان لە پەیماننامەی لۆزاندا، ئێستاش کوردستان دابەشبکەنەوە و بۆ سەفەوی و عوسمانییەکانی بگەڕێننەوە.

10:54

هێرش و داگیرکارییەکانی دەوڵەتی تورکیا لەبەرامبەر هاوڵاتی سڤیل و خەڵکی بێتاوانی کوردستان نیگەرانی لای هاوڵاتیان و چالاکوانانی مەدەنی دروست کردووە، چالاکوانێکیش دەڵێت ئەگەر هاوڵاتیان ناتوانن شەڕ بکەن، با بایکۆتی کاڵای تورکی بکەن.

09:30

دەوڵەتی تورکی داگیرکەر هەندێک لە میدیا و دەزگاکانی ڕاگەیاندنی باشووری کوردستان وەک پردێک بەکاردەهێنن بەمەبستی داگیرکردنی خاکی کوردستان، ڕاگەیاندنکارێکیش بە پێویستی دەزانێت دەزگاکانی ڕاگەیاندن بە سیاسەتی کارەکانیاندا بچنەوە.

09:26

هاوڵاتیان و ژنان لە باشوری کوردستان ناڕازین لە داگیرکاری و دەستدرێژییە بەردەوامەکانی دەوڵەتی تورکیا، ژنانی گەنج لە سەیدسادق ئامانجی تورکیا لە ژنهاوە ڕوون دەکەنەوە و داواش لە لایەنی بەرپرس و ژنان دەکەن دژی داگیرکارییەکان بووەستنەوە.

09:47

لەوکاتەی ژمارەیەک لە نوێنەرانی پارتی یەکێتی دیموکرات-پەیەدە بە مەبەستی پێشوازیکردن لە میوانێکیان دەچنە فڕۆکەخانەی هەولێر، لەلایەن هێزەکانی پەدەکەوە دەستگیردەکرێن، ١٨ ڕۆژ تێپەڕبووە بەسەر دەستگیرکردنەکەیاندا و تا ئێستا چارەنووسیان نادیارە.

09:00

کاردانەوە و ناڕەزایەتییەکان بەرامبەر داگیرکارییەکانی دەوڵەتی تورکیا بۆ باشوری کوردستان بەردەوامی هەیە، ژنانیش لە توێژە جیاوازەکان بەرامبەر بێدەنگی دەسەڵاتی کوردی ناڕەزایەتی دەردەبڕن، داوای بوونی هەڵوێستی جدی دەکەن.

11:32

نیشتمان کەمال، ئەندامی ئەنجومەنی گشتی حزبی زەحمەتکێشانی کوردستان لە دیمانەیەکیدا لەگەڵ ژنها باس لە داگیرکارییەکانی دەوڵەتی تورکیا و هەڵوێستی حزبی زەحمەتکێشانی کوردستان دەکات.

11:20

ڕێکخستنی فێستیڤاڵ و مەراسیمەکان بۆ باڵاپۆشبوونی ژنانی گەنج بووەتە دیاردە، لە بەرامبەریشدا کۆمەڵێک ژنیش بوونەتە مۆدێلین، بەمە ژنان لەنێوان سیستمی سەرمایەداری و ئیسلامی سیاسیدا بوونەتە کاڵا، بۆ سیاسەت و بەرژوەندی تایبەت بەکاردەهێندرێن.

10:13

لویزا، ژنێکی گەنجی وڵاتی ئەڵمانیایە و نیشتەجێی شاری بەرلینە، ئەندامی ڕێکخراوی گەنجانە لە وڵاتەکەیدا، هەوڵ بۆ یەکگرووی ژنانی وڵاتەکەی و ژنانی کورد دەدات.

09:00

بەهۆی بەردەوامبوونی لەشکرکێشییەکانی دەوڵەتی تورکیا، ژنان لە هەوڵی گەیاندنی پەیامەکانی خۆیاندان، بەردەوامن لە ڕووبەڕووبونەوەی هێرشە داگیرکارییەکان، مامۆستایەکی زانکۆش دەڵێت: داگیرکەران ئەوکاتە توانیویانە کورد و خاکی کوردستان داگیر بکەن، کە کورد پەرشوبڵاو بووە و پشتیان لەیەکدی کردووە.

09:50

شنا فایەق، ئاشکرای دەکات چیتر هاوڵاتیان باوەڕ بە ڕاگەیاندنەکانی سەر بە دەسەڵات ناکەن و چەواشەناکرێن، ئەوان دەزانن هەڵوێستی دەسەڵاتداران دوژمنکارانەیە بەرامبەر کورد، دەشڵێت، ڕاگەیەنراوەکانی حکومەت "شەرمهێنانەیە".

09:20

لیدا ڤێرتس، ئاماژەی بەو زیانانە کرد کە لە ئەنجامی جەنگ و داگیرکاری ڕووبەڕووی ژنان دەبێتەوە، هەروەها وتی پاش ڕۆشتنەوەیان کاردەکەن بۆ دروستکردنی پەیوەندییەکی تۆکمە بۆ ژنانی کورد لەگەڵ وڵاتانی جیهان لە پێناو پاڵپشتی کردنیان.