rojane

15:55

Li dijî xwepêşandanên Îranê tundiya giran tê pêkanîn. Êrîşên rasterast ên hêzên ewlehiyê, bi zorê îtiraf kirin, bi sedan binçavkirin û darvekirin, qutbûna înternetê û manîpulasyona di medyayê de didome.

15:50

Mazlum Ebdî û Îlham Ehmed, li gel Nêçîrvan Barzanî civiyan. Li aliyê din Nûnerê Taybet yê Sûriyeyê yê DYE Tom Barrack daxuyaniyek da û diyar kir ku bi Mazlum Ebdî û Îlham Ehmed re hevdîtin kiriye.

15:34

Navenda Çavdêriya Mafên Mirovan a Sûriyeyê (SOHR), ji bo Kobanê hişyariya ‘keraseta mirovî’ kir û bêdengiya civaka navneteweyî şermezar kir. Xaça Sor a Navneteweyî têkildarî êrîşan hişyarî da û ji bo parastina sivîlan û gihandina alîkariyê bang kir.

15:19

Li Nisêbînê 5 rojnameger jî navê de bi tevahî 22 kesên ku hatin binçavkirin dema binçavkirina wan rojekê hat dirêjkirin.

15:08

Jinên Ciwan li bajarê Qamişlo-Bakur û Rojhilatê Sûriyeyê, li dijî kiryarên ku HTŞ li ser şervanên YPJ’ê û jinan pêk tînin xwepêşandanek li dar xistin.

15:03

Li Qamişloyê navenda Heyva Sor a Kurd rasterast ji aliyê balafirên bêmirov ve hate hedefgirtin. Medya Ganem, diyar kir ku ew ê xebata xwe bidomînin û daxwaza parastina tesîsên xwe kir.

14:54

Komek Îraniyan, ji bo gelek kesyatên siyasî û medyayê nameyek şand. Di nameyê de hat diyarkirin ku têkoşîna gelên Îranê bi mudaxeleya derve û zextên leşkerî, rê li ber krîzên kûr ên civakî vedike.

14:30

Tevgera girseyî ya Kurdan ji Bakur, Başûr û Rojhilat ber bi Rojava ve ji bertekek demkî bêtir e. Ew nîşana vegera mijara Kurd ji bo kêliyek dîrokî-siyasî û hilweşîna sînorên ferzkirî ye.

14:08

Li wargeha penaberan a Mexmûrê komîteya tenduristiyê ji bo êrîşên qirkirinê yên li ser Rojavayê Kurdistanê pêk tên daxuyaniyek da.

13:32

Ji bo piştevaniya bi berxwedana Rojava re mamoste û xwendekarên Zanîngeha Silêmaniyê meşek li dar xistin û banga sekinandina êrîşên li dijî Rojava kirin.

13:29

Şandeya Bakurê Kurdistanê ku ji bo piştgiriyê li Rojavayê Kurdistanê ye, li Qamişloyê bi Partiya Yekîtiya Demokratîk (PYD) re civiya û piştre bi Kongra Star re rûnişt.

12:43

Hevseroka Daîreya Têkiliyên Derve ya Rêveberiya Xweser Îlham Ehmed da zanîn ku av, elektrîk û înternet li ser Kobanê hatiye birîn û banga destwerdanê li aliyên pêwendîdar kir.

11:34

Wek Abdullah Ocalan hişyar kir, dema pêvajoyên aştiyê bi samîmiyet nayên meşandin, ji sabotajê re vekirî ne. Li Tirkiyeyê her cara îhtîmala aştiyê çêdibe zêdebûna êrîşên li dijî Rojava, muzakere dibin amûra taktîkê.

11:28

Yek jî dîlên jin ên Filistînî, tenê nebû şahida şêlandina malbata wê ji aliyê hêzên Îsraîlê ve, di heman demê de xelkê Xezayê beriya ku bên girtin, mal û milkên wan bi awayek sîstematîk tên talankirin û piştre li girtîgehan rastî sûcên giran tên.

10:54

Di xwepêşandanên li Hamburg, Kiel, Marburg û Frankfurtê hatin lidarxistin de, êrîşên çeteyên HTŞ, DAIŞ û dewleta Tirk li dijî Bakur û Rojhilatê Sûriyeyê hatin şermezarkirin. Peyama ‘Rojava ne bi tenê ye’ derket pêş.

10:32

Duh bişev bi sedan jinên Kurd di platforêmên medyaya dijîtal de li dijî hovitiya çeteyên HTŞ, DAIŞ û dewleta Tirk a li hember şervanên jin, keziyên xwe hunandin û piştgirî dan berxwedana şervanên jin.

10:16

Saziyên Elewiyan ên li Awistralyayê di daxuyaniya xwe ya hevpar de destnîşan kirgn ku tiştê îro li Sûriyeyê diqewime êdî nikare wekî şerekî navxweyî were binavkirin û wek kampanyayek tundiyê ya sîstematîk û qirkirinê ye ku li dijî gelê Kurd û civakên din

10:00

Zanîngeha Koye, bi beşdariya Meclîsa Zanîngehê, akademîsyen, karmend û xwendekaran, bi armanca dayîna peyama jiyana hevbeş a mirovî û aştiyê û rawestandina êrîş, komkujî û qirkirina li dijî Rojava li Parka Navendî ya Zakho civînek aştiyane li dar xist.

07:57

Jinên ciwan ên Êzidî li ser platformên medyaya dîjîtal dest bi hemleyek bi navê ‘Ev kezî dê we bixeniqîne’ kirin.

07:43

Girtina zarokan bi awayekî kêfî binpêkirinek cidî ya mafên mirovan e, ev yek beriya şeş mehan di êrîşa cîhadîstên HTŞ’ê de li dijî gelek zarokên Suweydayê hat pêkanîn.