rojane

07:19

Seroka Federasyona Elewî Bektaşî ya Avustralyayê Suzan Saka, di axaftina xwe de ji rayedarên dewletê û rêxistinên civaka sivîl ên navneteweyî xwest ku "zilm tavilê were rawestandin û kujer li ber raya giştî werin darizandin."

07:15

Neslîxan Hisên a ku çend sal in hîcabê li xwe kiriye, piştî ku dibîne çeteyên HTŞ’ê keziya şervaneke YPJ’ê birîne, biryar dide hîcaba xwe bavêje. Neslîxan got: “Keziyên me wan dixeniqînin.”

20:17

Bi deh hezaran kesên ku êrîşên li ser Rojava şermezar dikin, tevî gaza rondikrêj a polîsan û guleyên plastîk jî hewl didin xwe bigihîjînin sînorê Kobanê. Tevahiya navçeyê, veguherî qada berxwedanê.

20:11

QSD’ê, ragihand ku tevî agirbestê jî çeteyên rêveberiya demkî ya Sûriyeyê êrîşên xwe li dijî gundewarên Kobanê, girtîgeha Eqtan a Reqayê û Hesekê berdewam dikin û got: “Duh jî wan koman 22 car agirbest binpê kirin.”

20:10

Li Başûrê Kurdistanê, ji bo Rojavayê Kurdistanê kampanyayek alîkariyê ya bi navê "Kampanyaya Kezî" hat destpêkirin.

19:47

Rêxistinên jinan ên li Elmanyayê ji bo balê bikşînin ser êrîşên li ser Rojava dosya pêşkêşî parlementerên Elmanyayê û saziyên çapemeniyê kirin. Her wiha Nûnerên TJK-E’yê Dusseldorfê jî bi Parlementerê SPD’ê Helge Lindh re hatin ba hev.

19:38

Şandeya DEM Partiyê û saziyên Bakurê Kurdistanê piştî serdanên xwe yên bi sazî û partiyên Rojavayê Kurdistanê re, daxuyaniyek çapemeniyê da û got: “Li herêmê lîstokek mezin heye, divê hêzên demokratîk û aştiyê hestiyar bin û li dijî vê lîstokê bisekinin.”

17:53

Nivîskara Kurd a ji Başûrê Kurdistanê Ciwan Izet, li dijî qutkirina keziya şervana YPJ`ê bertek nîşanda û got: “Em bi vê keziya xwe heyîne û dê hebin, keziyên me sembola jinbûn şoreş û netewa me ye. Kes nikare hebûna jina Kurd tune bike.”

17:43

Li Xezayê ji ber sermaya zêde pitikê sê mehî ya bi navê Elî Ebû Zur jiyana xwe ji dest da. Bi mirina vê pitikê re, hejmara zarokên ku ji destpêka zivistanê ve li Zîvala Xezayê ji ber sermaya dijwar jiyana xwe ji dest dan bû 10.

16:14

Greva Jinan a Swîsreyê, li dijî şer, zext û tundiya zayendperest a li Rojhilata Navîn zêde dibe, banga piştevaniya feminîst a enternasyonalîst kir û got: "Weke feminîstên enternasyonalîst em car din bang dikin; jin li tu devera cîhanê bi tenê nînin.”

16:05

Komîteya Edaletê, banga demil dest berdana parêzvana mafên jinan Dîanaba Ndîaye ya li Morîtanyayê hate girtin kir û daxwaza bidawîanîna zextên li dijî parêzvanên mafên jinan kir.

15:55

Li dijî xwepêşandanên Îranê tundiya giran tê pêkanîn. Êrîşên rasterast ên hêzên ewlehiyê, bi zorê îtiraf kirin, bi sedan binçavkirin û darvekirin, qutbûna înternetê û manîpulasyona di medyayê de didome.

15:50

Mazlum Ebdî û Îlham Ehmed, li gel Nêçîrvan Barzanî civiyan. Li aliyê din Nûnerê Taybet yê Sûriyeyê yê DYE Tom Barrack daxuyaniyek da û diyar kir ku bi Mazlum Ebdî û Îlham Ehmed re hevdîtin kiriye.

15:34

Navenda Çavdêriya Mafên Mirovan a Sûriyeyê (SOHR), ji bo Kobanê hişyariya ‘keraseta mirovî’ kir û bêdengiya civaka navneteweyî şermezar kir. Xaça Sor a Navneteweyî têkildarî êrîşan hişyarî da û ji bo parastina sivîlan û gihandina alîkariyê bang kir.

15:19

Li Nisêbînê 5 rojnameger jî navê de bi tevahî 22 kesên ku hatin binçavkirin dema binçavkirina wan rojekê hat dirêjkirin.

15:08

Jinên Ciwan li bajarê Qamişlo-Bakur û Rojhilatê Sûriyeyê, li dijî kiryarên ku HTŞ li ser şervanên YPJ’ê û jinan pêk tînin xwepêşandanek li dar xistin.

15:03

Li Qamişloyê navenda Heyva Sor a Kurd rasterast ji aliyê balafirên bêmirov ve hate hedefgirtin. Medya Ganem, diyar kir ku ew ê xebata xwe bidomînin û daxwaza parastina tesîsên xwe kir.

14:54

Komek Îraniyan, ji bo gelek kesyatên siyasî û medyayê nameyek şand. Di nameyê de hat diyarkirin ku têkoşîna gelên Îranê bi mudaxeleya derve û zextên leşkerî, rê li ber krîzên kûr ên civakî vedike.

14:30

Tevgera girseyî ya Kurdan ji Bakur, Başûr û Rojhilat ber bi Rojava ve ji bertekek demkî bêtir e. Ew nîşana vegera mijara Kurd ji bo kêliyek dîrokî-siyasî û hilweşîna sînorên ferzkirî ye.

14:08

Li wargeha penaberan a Mexmûrê komîteya tenduristiyê ji bo êrîşên qirkirinê yên li ser Rojavayê Kurdistanê pêk tên daxuyaniyek da.