rojane

18:52

UNESCO û UNICEF’ê, ragihandin ku li Efganistanê ji ber qedexekirina perwerdeya ji pola 6’emîn û şûnve, 2,2 milyon zarokên keç ji mafê xwe yê perwerdeyê bêpar in û gotin perwerde mafekî bingehîn ê mirovan e.

17:19

Li Kobanê ya dorpêçkirî hejmara zarokên ji ber sermayê jiyana xwe ji dest dan bû 5 kes.

17:03

Li hember êrîş, talan û kiryarên din ên qirêj ên çeteyan, gelê Hesekê tevlî seferberiyê bû û got ku “Ger em bibin yek, emê biserkevin. Tu carî em nakevin.”

15:42

Komeleya Mafên Mirovan (ÎHD) û xizmên windayan rûxmê astengiya polîsan jî, aqûbeta windayan pirsîn. Di çalakiya vê hefteyê de aqûbeta Serdar Taniş û Ebûbekîr Denîz ku di 25’ê Çileya 2021’an de hatibûn windakirin hate pirsîn.

15:32

Çavdêriya Mafên Mirovan a Sûriyeyê, ragihand ku li Kobanê sektora tenduristiyê ji xizmetê derketiye û hinek pêdiviyên bingehîn bi tevahî qediyane.

15:21

Di nava van mercên hesas ên ku Rojava tê de derbas dibe, gelê Qamişloyê çalakiyên xwe didomîne û diyar dike ku êrîşên li dijî hêzên QSD’ê, êrîşên li dijî îradeya gel û projeya Rêveberiya Xweser in.

14:52

Kongra Star a bajarê Tirbespiyê, li dijî sûcê birîna keziya şervaneke Kurd, daxuyaniyek da. Di daxuyaniyê de sûcê li Reqayê hat şermezarkirin û wiha hat gotin: “Her keziyeke jinan sembola serkeftin û azadiyê ye.”

14:06

Dayîkên Şemiyê di çalakiya xwe ya hefteya 1087'emîn de li kujerên Ayşenur Şîmşek ku beriya 31 salan hatibû qetilkirin pirsîn. Dayîkan xwest dosyaya ku ji ber demboriyê hatiye girtin ji nû ve were vekirin.

13:48

Şervanên jin ên Ermen, diyar kirin feraseta ku li dijî Ermeniyan qirkirin pêk anî, îro êrîşê li dijî gelê Kurd dike û destnîşan kirin ku ew bi yekîtiyek xurt, îradeyek mezin û biryardariyek hevpar a parastinê li dijî êrîşan bisekinin.

13:00

Jinên Meksîka û Şîliyê ku parastina berxwedana Rojava dikin, ji bo parastina Şoreşa Jinan a Rojava bang kirin û gotin: ‘Ji bo Rojava divê em derbikevin qadan.”

12:53

Jinên Şili bi etîketa “KeziyênMeTirsaWe” dîmenê hûnandina porê hev parve kirin û berxwedana Rojava silav kirin her wiha banga piştevaniya bi jinên Kurd re kirin.

12:15

Rêxistina Efûyê ya Navneteweyî, diyar kir ku divê sûcên DAIŞ’iyan kirine bêceza nemînin û banga lezgîn kir.

11:48

Li gorî Ajansa Mafên Mirovan (HRANA), di protestoyên li Îranê û Rojhilatê Kurdistanê de 54 jê zarok 5 hezar û 137 kes hatin kuştin, herî kêm 7 hezar û 402 kes bi giranî birîndar bûn û 27 hezar û 797 kes jî hatin binçavkirin.

10:26

Hevseroka Heyva Sor a Kurd Hediye Abdullah, ragihand ku li Kobanê 4 zarokan ji sermayê jiyana xwe ji dest dane

10:19

Siyasetmedara rastgir a Fransayê Marine Le Pen hikûmeta Fransayê û civaka navneteweyî bi zimanekî tund û eşkere rexne kir û piştgiriya xwe ya ji bo Kurdan diyar kir.

10:17

Îlham Ehmed diyar kir ku agirbest kevirê bingehîn ê pêkanîna peymana 18’ê Çileyê ye û got ku ji bo bidawîkirina şer hewldan hene.

09:48

Li taxa Şurîce ya bajarê Kerkûkê mêrekê tizav bi hevjîna xwe de kir, ji ber rêjeya zêde ya tîzavê beşek ji bedana wê şewitî û wê rakirin nexweşxaneyê.

09:00

Piştî ku çeteyên radîkal ên girêdayî HTŞ'ê porê şervanek jin a Kurd birîn, jinên li Başûrê Kurdistanê dest bi kampanyaya hunandina por kirin.

08:57

Aktivîsta Iraqî Nof Asî, bal kişand ku ji bo peywir wê şandine Darfûrê, da zanîn ku alîkariya mirovî li herêmên şer hem xweş e hem jî zor, bêhnfirehî, cesaretê dixwaze.

08:54

Li Rojhilata Navîn şer her diçe berfireh dibe yek ji wan herêmên Rojava ye, êrîşên Heyet Tehrîr el-Şam û çeteyên bi pere yên DAIŞ’ê didomin. Yek ji cihên ku şer û dorpêç heye jî Xeza ye her wiha li Sûdanê jî bi heman rengî êrîş li dijî jinan didomin.