rojane

15:47

Karwanên Ciwanên Başûrê Kurdistanê yên ku tevlî banga seferberiyê ya Rêveberiya xweser a ‘Tevlî cenga parastina rûmetê bibin’ bûn,ber bi bajarê Hesekê ve çûn.

15:31

Piştî meşa li Nisêbînê, polîsan êrişî girseyê kir û 6 rojnameger jî di nav de gelek kes binçav kir.

15:11

Kurdên li Lubnanê dijîn û jinên Lubnanî, bêdengiya navneteweyî ya li dijî êrîşên li ser herêmên Rojava rexne kirin û bal kişandin ku derketina DAIŞ’iyan ji girtîgehan ne tenê ji bo Sûriyeyê, ji bo hemû cîhanê xeterek mezin e.

14:52

Ji bo piştevaniya berxwedana Rojavayê Kurdistanê, xelkê parêzgeha Helebcê daket qadan û meş li dar xistin.

14:49

Şandeya ji bakurê Kurdistanê ku berê xwe da Rojava, gihişt Herêma Federe ya Kurdistanê û ji wir derbasî Deriyê Sînor ê Sêmalkayê bû.

14:36

Hate ragihandin ku çeteyên rêveberiya demkî êrîşê gundê Hemdûn ê başûrê bajarê Kobanê kirin û di encama êrîşê de jinek sivîl jiyana xwe ji dest da û sivîlek jî birîndar bû.

14:25

Şervanên YPJ'ê yên li Hesekê li eniya şer in, bi daxuyaniyekê diyar kirin ku têkoşîn ji bo gel û welat e û banga seferberiya giştî kirin.

14:14

Şandeya DEM Partî û DBP’ê ku dixwaze derbasî Bakur û Rojhilatê Sûriyeyê ya di bin êrîşên HTŞ, DAIŞ û komên girêdayî dewleta Tirk de bibe, gihîşt başûrê Kurdistanê.

14:03

MKG û DFG'ê têkildarî êrîşên li ser Rojavayê Kurdistanê diyar kirin ku tiştê li Rojava diqewime ne tenê pevçûnek navxweyî ya herêmî ye; her wiha krîzek hebûnî ya giran e ku di derbarê hiqûqa navneteweyî, mafên mirovan û wijdanê hevpar ê mirovahiyê de ye.

13:46

Êrîşên HTŞ û DAIŞ’ê li dijî Rojavayê Kurdistanê didomin. Çeteyên HTŞ’ê û DAIŞ’ê êrîşî gundê Ebyad Basil ê li ser rêya Hesekê, Sirinê kir, Şervanên QSD’ê û YPJ’ê bersiv dan êrîşan.

13:31

Çeteyên HTŞ’ê piştî ku ketin bajarê Şedadê, bêrêzî li dijî gorên pakrewanên YPJ, YPG û QSD’ê kirin û gor xirab kirin.

13:19

Partiyên Çep ên Elmanya û Yewnanistanê, li dijî êrîşên çeteyên HTŞ’ê û DAIŞ’ê yên li ser Bakur û Rohilatê Sûriyeyê ku desteka xwe ji Tirkiyeyê digrin bang kirin û xwestin civaka navneteweyî û hikumet bi lezgînî bikevin tevgerê.

12:27

Li Emrîkayê 11 saziyên Kurdan û endama Meclîsa Şaredariya Bllevue ya Eyaleta Washingtonê Narîn Biryar, li dijî êrîşên ser Rojava banga berpirsyariyê li Kongreya DYE’yê kir.

12:20

Bi dehan jinên ciwan ên Partiya Yekitiya Demokratîk (PYD), bi daxuyaniyekê tevlî seferberiyê bûn û diyar kirin ku "parastina Kobanê û Bakur û Rojhilatê Sûriyeyê parastina rûmeta mirovahiyê, nirxên azadiyê û projeya jiyana hevbeş e."

12:10

Xwepêşandanên gel li Îranê di roja xwe ya 25’an deye û ev zêdeyî du hefteye înternet hatiye qutkirin, agahiyên ji qadê tên nîşan dide ku zexta rejîma Îranê ya rêxistinkirî gihaye qonaxek nû û krîza mirovî kûr bûye.

12:06

Mamosteyên Saziya Ziman û Perwerdeya Şengalê îro li Medreseya Sor daxuyaniyek dan û gotin ku bila cîhan li dijî vê komkujiyê bêdeng nemîne.

11:48

Şandeya ku ji DEM Partî, DBP û nûnerên rêxistinên civakî pêk tê, ji bo derbasî Rojavayê Kurdistanê bibe, gihîşt Silopyayê.

11:38

Heyva Sor a Kurdistanê ku kampanyaya alîkariyê ya Rojava dimeşîne, banga alîkariyê kir û got: “Ji bîr nekin, her bexşek ku îro tê kirin dikare jiyanek li Rojava rizgar bike. Her bexşek dê ji bo deh hezaran zarokan bibe çavkaniya hêviyê.

11:25

Nakokiya li Sûdanê, li herêma Kordofanê dibe sedema koçberiya sivîlan û krîzeke mirovî ya kûrtir. Rêxistina Navneteweyî ya Koçberiyê ragihand ku 430 sivîlên din di 18-19’ê Çileyê de neçar man ku ji malên xwe birevin.

10:44

Çalakvana Mexrîbî Zahour El Ouardî banga daxwaza mudaxeleya bilez a navneteweyî kir da ku binpêkirinên li Bakur û Rojhilatê Sûriyeyê rawestînin, sivîlan biparêzin û ji berpirsyarên sûcan hesab bipirsin.