rojane

14:49

Komek mamoste û karmend li ber derê Rêveberiya Perwerdeyê ya Rojava ya li Silêmaniyê, dijî nedana mûçe çalakiyek lidarxistin.

13:51

Serokwekîla Koma DEM Partiyê Gulistan Kiliç Koçyîgît got: “Aştiya civakî tenê bi avakirina zemîneke hiqûqî û siyasî dibe. Civakeke demokratîk tenê bi demokratîkkirina zagonan dibe.”

13:42

Nîbel Genç ku ji Girtîgeha Girtî ya Jinan a Bakirkoyê piştî 31 salan derketî bi dirûşmeya ‘Jin, Jiyan, Azadî’ hate pêşwazkirin.

12:45

SOHR’ê ragihand ku di 8 mehên dawî de 56 kes di zindanên rêveberiya demkî ya Sûriyeyê de ku ji aliyê cîhadîstên HTŞ’ê ve tê birêve bibin, hatine kuştin.

12:25

Kongra Star li dijî darvekirina çalakvana mafên jinan û mirovan Şerîfe Mihemedî daxuyanî da û da diyarkirin ku rejîma îranê bi biryarên li hemberî jinan dixwazin civakê tune bikin.

11:38

Fermandara (YPJ) Sosin Bîrhat û 4 hevalên wê yên ku di êrîşa hewayî de li bajarê Til Temirê şehîd bûn, di 4’emîn salvegera xwe de hatin bibîranîn. Jinan ji bo jinên ji aliyê HTŞ’a cîhadîst ve rastî qirkirinê tên banga xweparastinê kirin.

08:19

Meclisa Civaka Ermen û pêkhateyên Bakur û Rojhilatê Sûriyeyê tekez kirin ku QSD û YPJ’ê azadiya gelan diparêze, gotin ku ew bi hêza xwe hene û anîn ziman ku hêza QSD’ê ya parastina tevahî Sûriyeyê heye.

21:32

Parêzvana mafên mirovan a xwediyê Xelata Nobelê ya Aştiyê Narges Mohammadî, bi daxuyaniyekî bertek nîşanî desteserkirina milkê 22 welatiyên Bahaiyên li Îsfahanê dijîn, da û desteserkirin wan milkan mîna “diziya rêxistinkirî ya dewletê” bi nav kir.

20:28

Koordînasyona Jinan a Rêveberiya Xweser a Bakur û Rojhilatê Sûriyeyê, têkildarî kampanyayên reşkirin û dezenformasyonê yên birêxistinkirî yên li dijî xebatkar û rêveberên jin ên li herêmê daxuyaniyek weşand û van kampanyayan şermezar kir.

19:34

Civîna 4’emîn a komîsyona ku li Meclîsa Tirkiyeyê hat avakirin, bi rûniştinekê bi dawî bû. Komîsyon wê sibê Dayikên Aştiyê û Dayikên Şemiyê jî di nav de komên mafên mirovan guhdar bike.

18:37

Parêzvana mafên mirovan û girtiya siyasî ya berê Meryem Yahyaouî, der barê erêkirina cezayê darvekirinê yê Şerîfe Mihemedî de nameyek weşand û got: “Tu mirin nikare rastiyê bêdeng bike, êdî dengê te dengê me ye.”

18:17

Sê rojin şewata li sînorê parêzgeha Helebce didome. Di encama şewatê de ziyanek zêde gihîşt bax û baxçe, deşt û zeviyan û şewat belavî gelek gundan bû.

16:44

Komîsyona Piştevaniya Netewî, Xwişk-Biratî û Demokrasiyê ya li Meclisa Tirkiyeyê hat avakirin, cara 4’emîn civiya.

16:00

Raportora Taybet a Neteweyên Yekbûyî ya Mafên Mirovan li Îranê Mai Sato, erêkirina cezayê darvekirinê yê ji bo Şerîfe Mihemedî şermezar kir û banga hilweşandina cezayê darvekirinê yê Şerîfe Mihemedî kir.

15:52

Li bajarê Humsê ya Sûriyeyê çeteyên girêdayî HTŞ’ê ya cîhadîst gule berdan malên şêniyan, di encamê de jinek hat qetilkirin û ciwanek jî birîndar bû.

15:45

Neteweyên Yekbûyî, da zanîn ji ber êrîşên li ser kampên koçberan ên li Darfûra Bakur û belavbûna bilez a kolerayê fikarên kûr dijî. Şewba kolareyê bû sedema jiyana bi sedan kesan û rewşa ewlehî û mirovaî roj bi roj xirabtir dibe.

15:28

REPAK’ê bertek nîşanî erêkirina cezayê darvekirinê yê çalakvan û kedkara mafê jinan Şerîfe Mihemedî da û bang li rejîma Îranê kir ku dawî li binpêkirina mafê mirovan, êrîşên li ser jinan binîn.

15:23

Rêxistina Serbixwe ya Jinan diyar kir ku li Başûrê Kurdistanê her cûre cihêkarî û bêrêzî li hember jinan tê kirin. Rêxistinê li dijî her cure tundî û cihêkariyê banga têkoşînê kir.

15:09

Di nava 24 saetên dawî de li Xezeyê ku di bin dorpêça Îsraîlê de ye, 3 kesan ji birçînan jiyana xwe ji dest dan. Hejmara kesên ji birçîna jiyana xwe ji dest dane derket 266’an.

15:00

Netewên Yekbûyî eşkere kir ku di sala 2024’an de 383 xebatkarên alîkariya mirovî hatine kuştin.