rojane

19:11

RÊPAK’ê di bultena xwe ya Gulanê de, şerê Îran-Îsraîlê, yekîtiya neteweyî ya Kurdan nirxand. Destnîşan kir ku têkoşîna desthilatdariyê li Başûrê Kurdistanê li pêşiya yekîtiya neteweyî astengiyan ava dike.

15:49

Çalakvana mafên jinan a Îranê Nedîm Muqereb ragihand ku rêjeya darvekirina jinan li Îranê bilind bûye, di salek de 61 jin hatine darvekirin û ev yek di asta cîhanê de di rêza yekem de ye.

15:12

Mîsyona Alîkariyê ya Neteweyên Yekbûyî li Efganistanê (UNAMA) li ser encamên berfireh ên krîza avê ya li welêt, hişyarî da û diyar kir ku jin û zarok ji komên din bêtir ji kêmbûna avê û negihîştina xizmetên tenduristî û paqijiyê bandor dibin.

15:03

Bernameya Xwarinê ya Cîhanî hişyarî da ku zêdebûna pevçûnan li Rojhilata Navîn krîza birçîbûnê ya cîhanî girantir dike, bi bilindbûna buhayên sotemenî, xwarinê û astengkirina rêyên şandinê. Somal û Efganistan rastî rîskên bêewlehiya xwarinê ya tund tên.

14:46

Federasyona Jinên Tirkiyeyê (TKDF) ragihand ku di meha Gulanê de 31 jin ji aliyê mêran ve hatine kuştin. Li gorî raporê, 16 jin di bin şert û mercên gumanbar de mirine.

14:32

Tewanbarên ku ji ber îstîsmara zayendî li ser zarokên ku li parlamentoyê dixebitin hatine girtin, hatin berdan. Piştî darizandinê daxuyaniyek hat dayîn, biryar hat rexnekirin û hat gotin ku bi îhtîmala reva gumanbaran biryarek wiha bêwijdanî ye.

14:25

Welatiyên Rojhilatê Kurdistanê behsa berfirehkirina xalên kontrolê û destwerdana hêzên ewlehiyê di nav nepeniya mirovan de dikin. Çalakvanên sivîl vê yekê wekî beşek ji xurtkirina jîngeha ewlehiyê û kontrola civakî dibînin.

13:53

Li Îranê agahiyên jîngehê krîzeke kûr nîşan didin ku ji hişyariyên sade wêdetir diçe û digihîje qonaxek guhertinên bêveger. Di demekê ku cîhan ber bi çareseriyên kesk ve diçe de, jîngeha Îranê bi lezeke zêde ber bi ‘têkçûna jîngehê’ ve diçe.

11:54

Li Kermana Îranê, karê parêzer Fatîma Ruhendeh ê parêzeriyê ji ber binpêkirina “qedexeya çalakiyên medyaya dîjîtal” hat rawestandin û niha jî Fatîma hat girtin.

11:35

Li Zahedanê bi kêmbûna avê re krîza avê her diçe kûrtir dibe. Welatî neçar dimînin ku ava avdanê ya parkê bikar bînin da ku hewcedariyên xwe yên rojane yên avê bi cih bînin.

11:21

Rêxistinên jinan û mafên mirovan ên Mexrîbê li hember qanûna hejmar 31,26 a ku beşdariya jinan a di mekanîzmayên cihê biryardayînê de dike xeterê, bertek nîşan dan gotin ku di sererastkirina qanûnê de beşdariya demokratîk kêm e.

11:09

Tevgera Jinên Azad TJA'yê têkildarî biryara betalkirina nefeqeyê ya AYM’ê bertek nîşan da û got: “Em vê êrîşa aşkera ya li ser mafên destkeftî yên jinan û vê biryara ku armanc dike mafê nefeqeyê xesp bike, nas nakin!”

10:24

Li Tûnisê belavbûna vîdyoyên êrîşên li dijî koçberên ji welatên başûrê Sahrayê, bûn sedema nîqaşan. Bi zêdebûna gotinên nefretê û rageşiya siyasî û civakî re careke din eşkere bû ku siyaset û civak di warê mafan de bi ezmûnek re rûbirû ne.

08:00

Jinên ji bajarê Kobanê li dijî siyaseta înkarkirinê ya li hember YPJ’ê gotin ku “Emê xweseriya YPJ’ê li Sûriyeyê mîsoger bikin. Em hebûna xwe di wan de dibînin, ew nûnertiya vîna me dikin û di sekna xwe de hemû jinên Rojavayê Kurdistanê nîşan didin.”

21:40

Sendîkaya Rojnamevanên Sudanî ragihand ku rojnamevanên Sudanî yên li Lîbyayê asê mane rastî gef, tacîz û kiryarên cudakar tên. Sendîkayê banga avakirina mekanîzmayên parastinê yên lezgîn ji bo rojnamevan û malbatên wan kir.

20:21

Li gorî raporên ku ji aliyê rêxistinên mafên mirovan ve hatine weşandin, welatiya Efganî Humeyra Şerîfî piştî ku di xwepêşandanên li Îranê yên Çileya 2026’an de hatiye girtin, pênc sal cezayê girtîgehê lê hatiye birîn.

15:58

Meclîsa Jinan a DEM Partiyê, bertek nîşanî rêziknameya nafakayê ya Dadgeha Destûra Bingehîn da û got: “Ev biryar êrîşeke eşkere li dijî mafê jinan ê hatî bi destxistin e. Em biryarek ku mafê nafakayê xesb dike nas nakin.”

14:53

MKG'ê rapora xwe ya meha Gulanê aşkere kir û got: "9 platformên dîjîtal hatin astengkirin. Her wiha êrîşê du rojnamegeran hat kirin, rojnamegerek hat binçavkirin û rojnamegerek jî hat girtin."

14:35

Li Îranê parêzvana mafên zarokan û welatiya Behayî Nîhale Şehîdî hat girtin û ji bo cezayê xwe yê 6 salan ê girtîgehê bikşîne wê şandin girtîgeha navendî ya Kermanê.

13:50

Nivîskar û derhênera Fransî ya bi eslê xwe Îranî ya navdar a cîhanê Marjane Satrapî koça dawî kir. Fîlma wê ya bi navê "Persepolis", ku zilm û zordariya li Îranê nîşan dide, di Festîvala Fîlman a Cannesê de Xelata Juriyê wergirt.