rojane

19:41

Li Dêrazorê, di 11’emîn salvegera Komkujiya Şiêtatê ku bi destê DAIŞ’ê pêk hat de merasîmek bîranîne hate li dar xistin. Gel daxwaza edaletê kirin û tekez kir ku divê sûcdar hesab bidin.

18:36

Meclîsa Îştar a wargeha penaberan a Mexmûrê biryara darvekirinê ya rejîma Îranê ya li ser çalakvan û kedkara mafê jinan Şerîfe Mihemedî bi daxuyaniyekê şermezar kir û got: “Têkoşîna me wê heya dawî ji bo nasnameya jina azad û îradeya jina azad be.”

18:31

Heval, malbat, çalakvan û hevpîşeyên cangoriya çapemeniya Azad Hêro Bahadîn, bi boneya nêzbûna salvegera qetilkirina wê, ew li ser gora wê bibîranîn û soza şopandina rêya wê dubarekirin.

15:40

Rêxistina Tenduristiyê ya Cîhanê, ragihand ku ji Nîsana 2023’an vir ve li Sûdanê li dijî navendên tenduristiyê 174 êrîş pêkhatine û di encama van êrîşan de hezar û 171 kes jiyana xwe ji dest dane û bi sedan kes jî birîndar bûne.

15:25

Berdevka DEM Partiyê Ayşegul Dogan, diyar kir ku pêwîste komîsyona li Meclîsê Abdullah Ocalan guhdarî bike û got: "Birêz Ocalan lîdereke ku vê pêvajoyê bi lez dimeşîne. Ji bo bidawîkirina şer û mayindekirina aştiyê divê komîsyon li Ocalan guhdarî bike.

15:18

Li gorî rapora 2024’an UNFPAyê ya Tirkiyeyê, jinên Sûriyeyî ji ber xizanî, norm û koçberiyê dikşînin nav zewaca polîgamîk.

14:16

Narîn Guran ku 19 roj piştî windabûna wê li taxa Çulî cenazeyê wê hat dîtin, li ser gora xwe hat bîranîn.

13:06

Endamên komîsyonê yên DEM Partiyê daxuyanî dan û gotin: “Tiştên di civînên 2 rojên dawî de hatine ziman nîşan daye ku barê paşerojê barek giran e.”

12:42

NY’yê hişyariya ‘Li seranserê Zîvala Xezayê ku êrîş û dorpêça Îsraîlê lê didome, kêmxwarin sê qat bûye. Ev tê wateya ku ji her çar zarokan yek jê hê zêdetir kêmxwarinê dijî’ kir.

11:17

Beşdarên konferansa pêkhateyan a ku hatibû lidarxistin, tekez kirin ku ev konferans yekîtiya herêmê nîşan dide û gotin: "Rêxistin û yekîtî riya herî baş e ji bo gihîştina çareseriyeke rastîn û berfireh."

10:50

Binpêkirina li hember xebatkarên alîkariya mirovî li Yemenê jî her ku diçe zêde dibe. Doza Sara el-Faîk a ku bûye sembola êşên girtiyên ku li Yemenê bi kêfî tên girtin, ev nêzî salek e bêyî darizandin girtî ye.

10:37

Li Cezayîrê bûyerên revandina zarokan zêde dibe. Psîkolog Lînda Ghleimî anî ziman ku sûc3en li hemberî zarokan her ku diçe zêde dibe û li hemberî vê pêdivî bi têkoşînê heye.

08:50

Salek di ser qetilkirina rojnamevan Gulistan Tara û Hêro Bahadîn re derbas bû. Seroka MKG’ê Roza Metîna, hemû cangoriyên jin ên çapemeniyê bi bîr anî û got: "Wê Pênûsa Gulistan, Hêro û hevalên me yên rojnamevan ên hatine qetilkirin li erdê nemîne.”

08:37

Cîlan Berces di 11’emîn salvegera şehadeta xwe de li navenda Tilezêrê bi pêxistina findan hat bibîranîn. Di bîranînê de dayika wê axivî û diyar kir ku ew bi keça xwe serbilind e, keça wê ji bo baweriya xwe xwe feda kiriye.

22:43

Nivîskar û aktîvîsta mafên jinan Nîna Golestanî û nivîskar Rosîta Rajaee yên li Reştê dijîn, ji aliyê Şaxa 3’emîn a Dadgeha Şoreşê ya Reştê ve mehkûmê salek cezayê girtîgehê hatin kirin.

18:49

Dayikên Şemiyê, di komîsyona Meclîsê de ji bo windayan banga edaletê kirin. Malbatên ku aqûbeta xizmên xwe yên di bin çavan de hatine windakirin pirsîn, daxwaza kirin ku dewlet berpirsyartiyên xwe qebûl bike û Komîsyona Heqîqetê were avakirin.

16:13

Tora Bîjîşkên Sûdanê, ragihand ku di encama êrîşa Hêzên Piştgiriya Lezgîn ê li dijî gundekî li Bakurê Kordofanê de 2 jê zarok 7 sivîl hatin qetilkirin û da zanîn ev êrîş berdewamiya komkujiyên bipergalî ya rêxistinê ya li dijî sivîlên Sûdanê ne.

15:59

Li gundekî Efrînê ku di bin dagirkeriya dewleta Tirk û komên çete yên girêdayî wî de ye, jinekî ciwan a 20 salî ji aliyê birayê xwe ve hate qetilkirin.

15:54

Dayîkên Aştiyê û Dayîkên Şemiyê beşdarî komîsyona ku li Meclîsê hatî avakirin bûn. Numan Kurtulmuş di civînê de axivî û got: “Êşên me hevpar in.”

15:27

Wezîrê Parastinê yê Îsraîlê Îsrael Katz piştî plana artêşê ya ji bo kontrolkirina bajarê Xezeyê erê kir, li herêmên derdora Cibaliye û bajarê Xeza banga tehliyeyê li sivîlan kir.