rojane

20:07

Zanyara siyasetê ya feminîst Françoise Vergès, piştgirî da banga Abdullah Ocalan, diyar kir ku gelên Kurd û Tirk di qonaxeke dîrokî de ne û got: “Li dijî rewşa şerê domdar û planên emperyalîst ên hêzên cîhanî û herêmî, alternatîfa yekane ya rastîn aştî ye

18:03

Hevseroka Giştî ya DEM Partiyê Tulay Hatîmogûllari ya li Edeneyê bi welatiyan re civiya, wiha got: “Gel dixwaze mercên azad ji bo Abdullah Ocalan bên avakirin ku bi rehetî bixebite û fikrên xwe parve bike.”

17:59

SOHR’ê diyar kir ku di meha Tebaxê de li deverên cuda yên Sûriyeyê ji ber teqîna bermahiyên şer 19 kesan jiyana xwe ji dest dane û 38 kes jî birîndar bûne.

16:57

Girtiya siyasî ya berê Sepideh Qolian, piştî hat berdan li ser hesabê xwe ya medyaya dîjîtal zextên pê re rû bi rû ma û sînordarkirinên li jinan vegot. Sepideh Qolian wiha got: "Em êdî qîma xwe tenê bi berxwedanê neynîn; em ê gavên ber bi pêş ve bavêjin."

15:48

Ji bo şermezarkirina dorpêça li ser Xezayê û piştevaniya bi gelê Filistînê re, li Tûnisê bi dirûşma ‘Qêrîna Mafdar a Filistînê’ li ber balyozxaneya DYA’yê çalakî hat lidarxistin.

15:32

Dadgeha Bilind a Talîbanê li bajarên Baghlan û Ghazniyê cezayê qamçiyê li du mêr û du jinan birî.

14:46

TJA'yê bi daxuyaniyek daxwaz kir ku di dema nivîsandina Destûra Nû de jin jî di komîsyonê de cih bigirin û bi gotinên: “Tevgera Jinan a Kurd xwedî bingeh e ku van nîqaşan birêve bibe” banga têkoşîna hevpar li hemû jinan kir.

13:24

Elaheh Fouladî ku li girtîgehe Qerçeka Tahranê dimîne û 8 sal cezayê girtîgehê lê hatiye birîn, ruxmê nexweşiya dil pê re heye nayê tedawîkirin.

12:31

Hevpeymana (NADA) Ji bo trajediya ku li newala Xesfa ya Mûsilê di 2014'an de ji aliyê DAIŞ ve pêk hatine, banga lêpirsînek neteweyî û navneteweyî kir ku parastina mafên qurbaniyan û malbatên wan bên kirin.

11:52

Hûsî bi gaveke ku bû sedema nîqaşan, polîtîkayên cudakar ên li dijî jinên Yemenî didomînin. Niha jî tevlîbûna Enstîtuya Daraza Bilind a li Sanayê ji bo jinan hat qedexekirin. Vê gavê weke gaveke paşverû ya li dijî rêgeza wekhevî û edaletê hat nirxandin.

11:01

Li gola Sîrwan a Helebceyê hejmarek zêde masî telef bûn. Dibêjin sedemêüa vê jî qirêjiya av û avhewayê ye û bi qirêjbûan avhewaya herêmê dibe ku gelek encamên wiha derbikevin. Ji bo lêkolînkirina wê jî lijneyek hat avakirin.

10:16

Li Zîvala Xeza ku di bin êrîş û dorpêça Îsraîlê de ye, di nava 24 saetan de 8 kesên din ji birçînan re jiyana xwe ji dest dan. Kesên ku ji ber xelayê jiyana xwe ji dest dane giha 281’an.

10:13

Mamosteya şanoyê ya ji Mexribê Leyla Naxilî, diyar kir ku jinên şanoger, bi kêmasiya piştgiriyê, pêşdaraziyên civakî û rastiyên civakê re têdiklşin û da zanîn ku şano ji bo guherîn û hayjêbûna civakî dikare bibe platformek.

10:01

Hejmara nû ya Kovara Jin bi berga “Têkoşîna Rojnamegerên a Jin ji bo Rastiyê” hat weşandin.

08:46

Endama Koordînasyona Meclîsa Jinan a Bakur Rojhilatê Sûriyeyê Ebîr Hisaf, xwest li herêmên Sûriyeyê peymana civakî were nivîsandin û bal kişand ku divê jin hem di nivîsandinê hem jî di pêkanîna peymanê de cih bigrin.

08:30

Me ji jinên Amedê pirsa bendewariyên wan ên ji pêvajoyê kir û dayikên ku zarokên wan tevlî têkoşîna azadiyê bûne, girîngiya bi dawîbûna şer gotin “Ez dixwazim serê xwe daynim ser milê zaroka xwe ya ku hesreta wê mame û wisa bêhnê bigrim.”

08:10

Rêveber û xwendekarên Peymangeha Bilind a Hunerê ya Hîlala Zêrîn polîtîkayên HTŞ’a cîhadîst ên li dijî huner û hunermedan nirxandin, gotin ku ger çêkirina bedena tazî di qada hunerê de qedexe be wê nîşandana anatomiya bedena jinek qedexe bikin.

22:29

Merasîma salvegera şehadeta rojnamevanên çapemeniya azad Gulistan Tara û Hêro Behadîn bi beşdariya malbat, hevrê, hempîşeyên wan û welatparêzan hat lidarxistin. Di merasîmê de soza şopandin û bicihanîna xeyalên şehîdan hate dayîn.

22:08

Mala Jin a Kantona Cizîrê bi hevkariya Meclisa Edaleta Jin û Rêxistina Sara ya têkoşîna li dijî şîdeta li ser jinan, panelek li dar xist. Di panelê de jin li hev civiyan û pirsgirêkên xwe û rêyên çareseriyê nîqaş kirin.

21:55

Gelê Suweydayê, bi daxwaza berdana kesên hatine revandin kirin li Qada Karama xwepêşandanek li dar xistin û diyar kirin ku wekî rehîne girtina kesên hatine revandin, tê wateya ku hemû hewildanên siyasî û mirovî netêrkêr in.