rojane

14:45

ÎHD û Xizmên Windayan bi şîara ‘Bila winda bên dîtin, kiryar bên darizandin’ di hefteya 863’an de li hev kom bûn û banga edaletê kirin.

14:33

Dayîkên Şemiyê di çalakiya xwe ya hefteya 1065’an de li Qada Galatasarayê hatin ba hev, aqûbeta Mehemet Ertak ê hatiye windakirin pirsîn.

14:32

Li Sûdanê di şerê navxweyî de bi hezaran jin hatin revandin û rastî her cûreyê îşkenceyê hatin. Jinan gotin ku bi mehan di bin çavan de hatine hiştin û bi caran rastî tecawîzê hatine, bang li saziya navnetewî kirin ku bêdeng nemînin.

13:12

Îskeletê zarokek ê li Îsraîlê hat dîtin, weke delîla melezbûna herî kevn a di navbera Neandertaller ile Homo sapiens de tê pejirandin. Îskeletê ku hatiye dîtin, nîşan dide ku di temenek ciwan de bihevrebûn çêbûye.

11:46

Nûnerên jinan ku beşdarî Konferansa Azadî û Guhertinê ya li Bexdayê bûn, xwestin ku derbarê mirina Dr. Ban Ziad Tariq de lêpirsînek baş û bêalî were destpêkirin.

09:42

Jin her roj li kolan, cihên kar û li malê rastî tacîza zayendî tên, lê zagonên nebes û polîtîkayên dewletan cesaretê dide tacîzkaran. Jinên ji Kirmanşanê yên ku tacîza rastî wê hatine vegotin, dibêjin: “Zagon tacîzkaran diparêzin.”

09:14

Endezyar Lîna Derwîş tekez kir ku tiştê piştî 13'ê Tîrmehê qewimîne wek yên berê bûn û got: "Em ji rêveberiya demkî serxwebûnek dixwazin. Me azadî û rûmetê di ser her tiştî re dît û hilbijart, tevî dorpêçkirin û birçîbûnê jî."

08:24

Hevserokên komînên bajarê Qamişlo dan zanîn ku civakeke demokratîk bi riya komînan pêk tê û gotin: “Komîn bingeha civakê ava dikin û wê birêxistin dikin. Bila gel li komînên xwe xwedî derkevin û alîkariya wan bikin.”

23:57

Şehîdên çapemeniya azad Hêro Bahadîn, Gulistan Tara, Necmendîn Feysel û Argêş Serhed bi çalakiyek hatin bibîr anîn. Di çalakiyê de soza berdewamkirina lêgerînên wan ên heqîqetê hat dayîn.

16:17

Piştî ku ji bajarê Suweyda yê Sûriyeyê jinên Durzî hatin revandin, aktivîstên jin li ser medyaya dîjîtal bi etîketa “Jinên Suweydayî rizgar bikin” kampanyayek dan destpêkirin.

15:52

Tevgera Şemiya Binefşî, têkildarî konferansa ku bi tevlêbûna muxalifên Talîban û rayedarên hikûmeta Pakistanê bê lidarxistin daxuyanî da û bang kir ku divê di konferansê de berjewendiyên gelê Efgan esas bê girtin.

15:41

Ji ber ambargoya Şamê, 20 zarokên bi akromegaliyê li Suweydayê nikarin dermanan bistînin. Ji ber ku wê jî jiyana wan di xeterê de ye.

15:37

Meclîsa Dayîkên Aştiyê li hember helwesta Serokê Meclîsa Tirkiyeyê Numan Kurtulmuş a li hember zimanê Kurdî xwe neqayîl kir û xwest ku ji bo Rêberê Gelê Kurd Abdullah Ocalan ‘mafê hêviyê’ bê nasîn.

14:01

IPC ya ku ji aliyê NY ve tê piştgirîkirin û berpirsiyarê çavdêriya ewlehiya xwarinê ye, got ku li Xezayê û deverên derdorê birçîbûn hatiye piştrastkirin û tê payîn ku "rewşên karesatbar" heta dawiya Îlonê li Dêr el-Belah û Xan Yûnis belav bibin.

13:18

TAJÊ li dijî qetilkirina Dr. Ban Ziya Tarq a parazvana mafên jinan bû û çend roj beriya niha cenazeyê wê di mala wê de dîtin, bang li jinan kir ku li hember qetilkirina jinan serî rakin.

11:36

RAJIN’ê bi wesîleya yekemîn salvegera şahadeta Gulîstan Tara û Hêro Bahadîn daxuyaniyek da û got: “Bi hêz û biryardariya em ji wan digrin, em ê li ser xeta azadiya jinan li gorî xeyalên wan têkoşîna xwe bidomînin.”

10:13

Li Îranê hema bibêje ji sedî 50 jinên ducanî rastî gelek awayên şîdetê tên. Her çendî ji ber şîdetê gelek travmayan derbas dikin jî li gorî jinên li welatên din zedetir neçar dimînin wan mercên xirab bipejirînin.

22:58

Meclisa Mamostayên Sineyê, ragihand ku 2 jê jin 14 mamostayên Kurd ji aliyê Wezareta Perwerdeyê ya Îranê ve bi cezayên giran hatin cezakirin.

22:47

Li Xezayê rewşenbîr, rojnamevan û nivîskar li dijî erêkirina rayedarên Îsraîlê ya plana ji nû ve dagirkirina bajêr û koçberkirina bi zorê ya gel û bi daxwaza bidawîanîna şer û qirkirina berdewam, xwepêşandanek li dar xistin.

22:37

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, 764 roj li pey xwe hişt.