rojane

21:10

Meclisa Jin a PYD’ê têkildarî kampanya ‘Ez dixwazim bi Abdullah Ocalan re hevdîtin bikin’ daxuyaniyek da. Jinan gotin “Azadiya Rêber Apo azadiya me jinan e” û anîn ziman ku ew dixwazin bi Rêberê Gelê Kurd Abdullah Ocalan re hevdîtinê bikin.

20:52

Li Xezayê bi dehan rojnamevan û nûnerên rêxistinên medyayê qetilkirina hevpîşeyên xwe şermezar kirin û daxwaza parastinê kirin. Xebatkarên çapemeniyê, diyar kirin ku ragihandina heqîqetê bûye xetereyek rojane ku gef li jiyanê dixwe.

20:48

Koordînasyona KJK’ê, daxuyaniyek weşand û bi van gotinan bang li hikûmeta Îsraîlê kir: "Ji bo çareseriya mayînde, divê operasyonên leşkerî yên li Xezayê rawestin û pêvajoyeke çareseriya aştiyane têkeve dewrê.”

20:45

Tûnisê, di 6 mehên ewil a sala 2025’an de ji ber bilindbûna germahiyê û kûrbûna qeyranên jîngehê, şahidiya pêlek mezin a xwepêşandanên gel kir. Di van xwepêşandanan de daxwaza sereke xwegihandina ava vexwarinê ya paqij bû.

20:32

Ji aliyê Yekîtîya Jinên Iraqê ve bi hevkariya Tora Jinên Iraqê, bi armanca zêdekirina beşdariya jinan a siyasî û çalakkirina rola jinan a di pêvajoyên hilbijartinê de, di navbera namzetên parlementerên jin û gel de li Bexdayê komxebat hate li dar xistin.

17:32

Berdevka DEM Partiyê Ayşegul Dogan a li Qoserê di hevdîtina gel de axivî, got,“Em îro di pêvajoya destpêkeke nû de ne” û diyar kir divê şert û mercên Rêberê Gelê Kurd Ocalan bên başkirin.

16:23

Rapora Komeleya Têkoşîna li dijî Îstîsmara Zarokan û Îhmalkirinê, nîşan dide ku li Tirkiyeyê sûcên cinsî yên li dijî zarokan zêde dibin, bûyerên ensestê veşartî dimînin û hawîrdora malbatê faktora herî mezin a rîskê ye.

15:52

Tevgera Şemiya Mor, bertek nîşanî têkiliyên veşartî yên hin welatên Ewropayê yên bi Talîbanê re da û diyar kir ku asayîkirina têkiliyan bi vê komê re tê wateya paşguhkirina dengên jinan ên hatine bêdeng kirin.

15:35

Kampanya “Sêşema na ji darvekirinê re” ragihand ku rejîma Îranê di nava mehekê de li rojhilatê Kurdistanê û Îranê bi giştî 197 kes bi dar ve kiriye.

14:28

Jinên beşdarî panela ji aliyê Komeleya Huriye ve hat lidarxistin bûn, destnîşan kirin ku rakirina dudiliyên li ser Peymana CEDAW’ê gaveke girîng a qanûnî û siyasî ye ku hewce dike ku qanûnên neteweyî bi taybetmendiyên civakî û olî re li hev bikin.

14:14

Li Zîvala Xezayê, ku êrişên Îsraîlê li ser didome û xela tê jiyankirin di di 24 saetên dawî de sê Filistîniyên din mirin. Hejmara kesên ji birçîna mirin bû 303.

14:05

Ji 13'yê Tîrmehê ve li Suweydayê 1895 kes hatine kuştin, jê 670 kes li meydanan hatine înfazkirin.

13:57

Koordînasyona Komîteya Berxwedanê ya bajarê Faşir ya rojavayê Sûdanê, ragihand ku malbatek ji ber xwarina bermayiyên rûnê fistiqê yê ku li herêmê wekî "Ambaze" tê zanîn û wekî xwarina heywanan tê bikar anîn, jehrî bûye.

13:48

HRW’ê, hişyarî kir û got ku dibe xebatkarên leşkerî û îstîxbarî yên DYA’yê yên li Xezeyê piştgiriyê didin artêşa Îsraîlê ji sûcên şer berpirsyar bên girtin.

12:32

Di çalakiya ku ji bo heftemîn salvegera kuştina aktivîsên hawirdorê yên li Merîwanê hat lidarxistin de, bal hat kişandin ser rola jinan a di parastina xwezayê û têkoşîna li dijî texrîbata ekolojîk tê meşandin.

11:47

Piştî kariyerek hunerî ya zêdetirî 60 salan, lîstikvana Iraqî Selîme Hidir di 79 saliya xwe de koça dawî kir.

11:11

Li Tehranê yek jê jin pênc atkivîstên ji aliyê peywirdarên Îstîxbarata Muhafizên Şoreşê ve bi serdegirtina malan a hemxwext hatin binçavkirin.

10:47

Îsraîlê herêmên cuda yên Zîvala Xezayê kir hedef û di nav de jin û zarok bi dehan kesan jiyana xwe ji dest dan. Hat diyarkirin ku di nava 24 saetên dawî de 100 kesan jiyana xwe ji dest dane.

10:45

Di dilê saziyên perwerdê de, ango li cihê ku pêşeroj şêwe digre û koka nirxên wekhevî û edaletê diheje, jin têkoşînek wisa dide ku bi çav nayê dîtin, lê belê di civakê de ferqek kûr ava dike.

10:07

Ruxmê pêlên zextên Talîbanê û qedexeyên li pey hev, jinên Kabulê teslîm nabin. Li parkek di nava dar, toz û axê de bi têkoşîna xwe, mafê hebûna xwe di civakê de zindî dihêlin.